¹ Jesús pautaha kiekarita Jerico nieret+. ² Anam+ta, xewit+ 'uki Zaqueo titewat+. m+k+ kah+k+t+kait+ni n+'awame tiyuwiyat+nik+ m+ta tuminikame kah+k+t+kait+ni. ³ M+k+ kateu'maim+k+kait+ni ke'ane h+k+t+kai Jesús, m+ta kwa'uy+wekax+a mixeiya te+teri meyuwa+kawame watsata, m+k+'tsiputewikai. ⁴ M+ta m+k+ putanautsax+ te+teri wah+xie yeikat+ m+ta k+yetsie patit+'ixeiyam+t+, Jesús mana muyeyanikekaik+. ⁵ Kepauku Jesús muta'atsie kewa meyakai, M+k+ yuheima pautinierix+ m+ta p+reh+awe:'' Zaqueó, nakaye'ii mex+iwa, hik+ 'akié nekunuani.'' ⁶ Anam+ta m+k+ puyutamex+it+a pakat+a m+ta penkwewi yutemawiet+. ⁷ Kepauku yunait+ me'munierix+ yetiuy+tsie, 'iyamexi nuiki mex+at+akai, p+mehait+kait+: ''M+k+ kaneyani 'uki ke'ane ta'takuri rexeiya hau'iwatamieka.'' ⁸ Zaqueó putake mita p+rah+awe 'Jesús: ''Neuxei, 'Ukiratsi, 'ik+ ne'nerexeiya hix+ata ti 'ar+kame netiwayetuireni, kehate tixa+ mekwatehexeiya, x+ka tixa+t+tsie xeme neti'itaiya, ne netiyeturieni naukametsie timieme.'' ⁹ Jesús m+k+ p+reh+awe, hik+ wikwest+arika kanuani uwa'ii kitaá, m+k+ siere Abraham nu'aya kah+k+t+ni. ¹⁰ M+ta 'uki nu'ayaá kanuani wakuwaunet+ m+ta te+teri wakuwikest+anike me'mauyex+riekai.'' ¹¹ Mexi m+k+mexi meta 'ena'nakai 'ik+ yamany+nek+, M+k+ tiyeweiyakai tikuxatat+ m+ta '+xatsi warutaxatsiri, m+ta M+k+ Jerusalen pau'huratakai, m+ta m+k+mexi p+meteyuku h+awekai kename mex+iwari Kaka+yari kwieparieya hek+arekekai. ¹² M+k+ p+putay+ mexita: ''xewit+'uki raya'at+ pet+a tewapait+'kiekari 'anyawatsie reutakwewiet+ y+wet+ mayanik+ yu'kiekaritsie tan+'ani. ¹³ M+k+'ta yun+'arima 'atamamata meyupa+me kawarutah+awe, m+ta 'atamamata tumini pa+meme kawaruta'+it+ni, p+katiwarutah+awe: 'meke'iwa+kariyanike kepaku ne nuanike.' ¹⁴ M+ta 'iwamama kiekatari mepixane'eriekai ya'umieme yu n+'arima mewaren+'a ut+mana, P+'mehait+kait+: 'ta'iyari yakwa'ane ik+ uki ta'its+kame h+k+t+ni.' ¹⁵ P+tiuy+ makunuatsie, yu'mamatsieri ih+ka kwiepari, m+k+'ta yu'n+arima waren+'a aku iya wa'hats+a tumini wa'runi+t+akai meke'hahunike, m+k+ re'timanik+ x+ka meteana'iwakait+ni aku tumini memun+it+riekai. ¹⁶ Mat+ari 'uki hats+ana pu'nua: p+hait+: 'ukiratsi, 'atumini putiwa+karix+ 'atamamata heimana putipa+merix+. ¹⁷ 'uki raye'axe p+reh+awe: 'aix+'ka'aneni, pe'an+'arin+aká. aix+ petikat+ak+ tsipa+memek+, 'its+kame pemayani tamamata kekariyaritsie.' ¹⁸ Hutarieka kanuani, p+hait+: 'ukiratsi, 'atumini putiwa+karix+ 'ata'auxuwi heimana putipa+merix+.' ¹⁹ 'uki raye'axe p+reh+awe: 'Ek+'amamatsie neuh+i 'its+kame pemayani 'auxuwime kekariyaritsie.' ²⁰ Tawari xewit+ nua, p+hait+: 'ukiratsi, 'anai 'atumini katimaneni nemiti'utakai panyutsie an'h+akame, ²¹ Nemetsi 'utitexi, 'ek+peh+k+ 'uki t+r+ka+yemek+ pen+'aá. Ek+ ama'matsie petikuh+we tita 'ahetsie kwatimieme, m+ta pemuka'itsana pekwatiuka'eé.' ²² Uki raye'axe p+reh+awe: 'aniukik+ nemenantah+am+k+, 'ek+ n+'ari tsipetiutaine. ek+ perakumait+ kename ne'uki t+r+ka+yemek+ ne'n+awaá, ne'mamatsie netikuh+we tita nehetsie kwatimieme, m+ta nemuka'itsana nekwatiuka'eé. ²³ Tam+ta ¿ketiuru ne tumini pekuahekutua banco, m+ta kepauku ne ne'nuanikekai nemiwaye +nikekai 'anamaneme?' ²⁴ 'Uki raye'axe 'iyamexi p+tiwarah+awe kehate hulawa memu'uwakai: 'tumini xeunawairi m+k+, m+ta xeu'+it+a ke'ane 'atamamata tumini ma'+.' ²⁵ M+k+mexi p+meteheh+awe: 'ukiratsi, m+k+ri 'ata'mamata tumini pa'+.' ²⁶ Ne p+nexerah+awe, ke'ane rexeiya tiyetuiriyerieni wa+kawa, m+ta ke'ane kwarexeiya tinawaiyerieni, m+ta siere tita rexeiya tinawaiyerieni. ²⁷ M+ta 'ik+ menetsi'akaheka, 'iyamexi kehate p+mekwate hauyeh+akai 'its+kame neh+k+t+nikekai wahetsie mieme, xewaru'at+a 'ana'i m+ta xewarukuyaá ne'h+xie.''' ²⁸ Kepaku M+k+ Yamutay+tsie yemany+nek+, M+k+ pumiekai 'anyekait+, Jerusalen nieret+. ²⁹ P+tiuy+ kepauku M+k+ maye'aximekaitsie Betfagé m+ta Betania, h+rimutsie tiyetewakaku Olivos, M+k+ meyuhutame yu't+riyama waren+'á, ³⁰ P+tiwarah+awet+: ''Xe'huni kiekari tsiyawatsie. Kepaku xemautahax+anitsie, puritu xene'kaxeiyakuni kamaxiutsiekame. Xeha'kuwena m+ta xeneneu'at+iri. ³¹ X+ka xewit+ heta'iwauni: '¿ketiuru xepekuwena?' p+xetiy+ki: 'Ukiratsi heiyeh+wa.''' ³² M+k+mexi memen+'ariekai, mepek+ m+ta puritu mepukaxei pa+m+ Jesús ke'hapa+ tiwarutah+awekai. ³³ Mexi puritu me'akuwena, kutsiyarimama p+metewarah+awe: ''¿ketiuru puritu xepa'kuwena?'' ³⁴ M+k+mexi p+meputiy+: '' 'Ukiratsi heiyah+wa.'' ³⁵ M+k+mexi Jesús mepu'at+iri, m+ta m+k+mexi 'ixuriki puritu mepantiweriri m+ta Jesús mepantiye hetsiena. ³⁶ Mexi M+k+ 'umiekai, m+k+mexi yu 'ixuriki me'puwerar+mekai huyeta. ³⁷ Mexi'ta M+k+ 'akamiekai Olivos h+rimutsiyaritsie, yunait+ te+teri yuwakawat+ t+riyamama mete'utsut+a meyutemamawiet+ m+ta Kaka+yari mehamaret+ niuki t+r+ka+yemek+ meta naimek+ kentiyurienekai m+k+mexi kemente'unierekai, ³⁸ P+mehait+kait+: ''¡Aix+ pe'it+arieka Rey 'Ukiyari n+'arieyak+ pekuy+ane! ¡Uxipiya kehexuaweni taheima m+ta raye'at+ 'antitewamek+!'' ³⁹ Hipat+ fariseotsixi mexuawekai te+teri watsata m+ta M+k+ p+metehah+awe: '' Ti'+kitame, 'at+riyama newarutite'á.'' ⁴⁰ Jesús waruta'ei p+hait+: ''Ne p+nexerah+awe, x+kate 'ik+'kaiwat+ me'umakanike, tetexi putihiwanike.'' ⁴¹ Kepauku Jesús nuaximekaitsie kiekari 'anyawatsie, M+k+ putatsuá hetsiena mieme, ⁴² P+hait+:''¡X+ka perakumaikake hik+ tukaritsie, siere 'ek+ peretimanikeyu tita 'uxipiya metiyetuirie! m+ta hik+ m+k+mexi meyu'awieta 'ah+xie. ⁴³ M+ta tukari maka mietsie 'ahats+a, kepauku me'metsi akaheka tetsari metawewieni ,m+ta memetsikunani, m+ta naitsarie me'metsitamex+it+ani, ⁴⁴ M+k+mexi me'metsitiwax+an+ kwiepa me'metsikah+ani m+ta 'aniwema 'ahamat+a. m+k+mexi tete mekwahayawa heimana xeime, pekwaretima kepauku Kaka+yari metsiwaunekaitsie metsikuwikwest+anike.'' ⁴⁵ Jesús teyupanie pautaha m+ta tiutsut+a tiwayex+r+wat+ m+k+mexi kehate metetuakai, ⁴⁶ P+tiwarah+awet+ 'iyamexi: '' P+reuku'uxá, 'IK+ NEKI PAYANI TIWAYUTINENEWIT+RETSIE,' m+ta xeme xepayeit+á tena'nawayemete ter+ta mewayu'awieta.'' ⁴⁷ Pa+m+ Jesús ti'+kit+akai tukarik+ teyupanie. Tatsinitsixi me'manyetei m+ta te'ut+wamete m+ta te+teri mewarahana mepei'miekukai, ⁴⁸ m+ta m+k+mexi mekwua 'ikaxexeiyakai p+mete'uyurieni, yunait+ te+teri me'pita 'eniekai M+k+ wa+kawamek+.