¹ Jesús pa+'putay+ yu't+riyama tiwara'h+awe, aku rakaxewi ti'xuaweni tixa+t+ tatakuri'tsie tareuhat+ani,m+ta iyaá hipat+ tita re'hamie wa'hepasta. ² Aix+ anekaku iyaá hepasta teté tex+ka'etit+t+ani k+ípit+ana haramara'tsie x+ka hauh+yani,iyaá keane aix+ kwatiuka'iyari etsiwa wareti'witsast+wa. ³ Xeme xekeneyuh+xiyeni.X+ka a iwa tatakuri tiuyupit+ani,keneutamari'it+a x+ka m+k+ uyutamurukwit+ani ke teuyah+wiri. ⁴ X+ka tatakuri tiuyupit+ani ahepasta ata'hutak+ xei'tukari ata'hutak+ ya'xeik+a ketah+aweni ata'hutak+ x+ka ayuye'erieni ek+ keteuyeh+wiri. ⁶ N+aritsixi pa+ me'putiy+'ta Ukiyari masi keneutiwa+kariya yuri tete'eriekak+. ⁵ wa Ukiyari'ta tiwara'h+awe x+ka yuri xete'erieka etsiwa mostaza hatsiyari hapa+ ek+ pex+ka'utayini ik+ ite+ri k+ye m+k+ pah+ne harama'tsie paukeni kepentayini. ⁷ M+ta,¿xeme xewit+,tih+weme hexeiyani kwiétsaname muxatsi wah+t+ kepauku manuani yauta aneme yapauku pa+ petitah+awe neukani tekwáká;? ⁸ Ek+ petita'h+awe ¿ ikwai keteukawewi netikwaim+k+,kena'ah+aka h+ayamek+ hix+apa itsari kenenakatu'iri m+ta kepauku netitahayawa neti'kwani neman'ieni anarike ek+ peti'kwani? ⁹ ¿Aix+ keteu'eriyeni m+k+ n+ari yatikat+ak+ ken'tiun+arie? ¹⁰ P+m+ siere, kepauku yepetikayani naime kepen'tin+arie,y+we x+ka pautay+ni tame n+aritsixi tekwa'hauenana xeik+a yetete'yurie ketete'yurienikekai. ¹¹ Pa+'ta tiuy+ mexi hautamiekai Jerusalén peyeikakai kwie maka'at+ka Samaria meta Galilea. ¹² Mexi'ta kiekarita hauta'hakekai, mana waruka'xeita tamamata te+teri me etsatsat+'kaime lepra titewakame mepe'xeiyakai. tewapait+ me puti'u hepastana ¹³ M+k+ me putihiwax+ pa+ me utiyuat+,'' Jesús,Ti'+kitame ketaneu'tinenenimayata tame aku. ¹⁴ Kepauku m+k+ waruxei tiwara'ha+awe xeke'nehuni xekeneyuhek+ata tatsinitsixi wa'hets+a.'' M+ta pa+ tiuy+ me uhukai aix+ meputiy+ wa'etsá puku'mawerix+. ¹⁵ Kepauku m+k+ xewit+ muyu'xei kename aix+ anekai,puku'nua, utahiwat+ pampariyusi utait+. ¹⁶ Putitunumake Jesús h+xie pampariyusi reh+awet+ m+k+ h+k+t+kai samaritano. ¹⁷ Jesús reh+awe'ta ¿Tam+ta xeka'teh+k+t+kai aix+ xemu'tiy+? ¿ ¹⁸ Keme'uy+ta ata'naukat+? m+k+ mekatekunuax+anikei pampariyusi meka'tetiy+nikekai ek+ xeik+a a'xewit+.? ¹⁹ M+k+ pa+ reh+awe kenan'kukexi kenemie yuri petita'erienik+ herie pamane.'' ²⁰ M+k+ fariseo'tsixi Jesús me teheh+awe kepauku petikatsut+ani Kaka+yari tan+anik+,m+ta Jesús pu'taá Kaka+yari kwa'nuani hek+akamek+ tiyu'hek+arek+ ni'tenierek+. ²¹ Ya'xeik+a pa+ mekwatiy+ni neuxei a'naí xekene'unieri huma m+k+ri ta' Ukiyari Kaka+yari ta'hetsie kayukanierit+aka.'' ²² M+k+ pa+ tiwara'h+awe yu't+riyamama kepauku xeme xe'meixeiyakuni Kaka+yari Nu'aya m+k+'ta xekwa'ixeiya. ²³ M+k+'ta xeme pa+ xeteta'h+awerieni neuxeí huma xeunieri a'naí xekwa'hek+kani yat+ni xekenehúni 'wa'ut+a. ²⁴ M+ta kepauku kumer+ka yu'hek+are mer+kariya ta'heima tserieta utata ya'xeik+a Uki Nu'aya hamie'tsie. ²⁵ M+ta mu'hait+a m+k+ tiukuíne wa+kawa kahau'yunake'eriet+.hik+ ik+ nuiwari kemete'kueriwak+. ²⁶ Tiuy+'hapa+ Noé,muyeikai'tsie pa+ siere tiy+ni Uki Nu'aya tukarieya'tsie. ²⁷ M+k+mexi metekwakai,me iet+wekai,meta siere me yu'wit+t+wekai meta me yu'neukit+at+wekai,kepauku'rike Noé man'tit+a kanuwa'tsie witari nua yunaime wareuyah+a. ²⁸ Ya'xeik+a ken'tiuy+ Lot tukarieya'tsie,metekwákai,me iet+wekai,mete'nanet+wekai,mete'tuakai meta siere me'et+wekai,meta kií me'wewiet+wekai. ²⁹ M+ta kepauku Lot wa'yat+a Sodoma,tai puka'wiyax+ tiyu'kukúít+ m+ta wa'heima pakaneikakai yunaime wareuyah+a. ³⁰ Uraniere'ta ya'xeik+a tiy+ni kepauku Uki Nu'aya yu'hek+ata'tsie. ³¹ A'na tukari'tsie keane kií heima makakani kwa'anakayeikani yupini tiwayepinike yu'kita meta keane yauta me'yeikani kwa'hamieni yu'kié. ³² Xekenaye'eri Lot +yayá. ³³ Keane yu'tukari kuwikwetsiani masi peiyah+ani, m+ta keane yu'tukari mauyah+ani m+k+ pikuwikwetsit+ani. ³⁴ Ne nemara'h+awe a'na t+karik+ yu'hutat+ utátsie. Mekaheni m+ta xewit+ pan'kuwit+keni xewit+'ta kú'eíriwa. ³⁵ Yu'hutat+ ukari met+x+ni t+x+me'tsie m+ta xewit+ pan'wit+keni xewit+'ta kú'eíriwa. ³⁶ Yu'hutat+'ta yauta mepu'uwani m+ta xewit+ pan'kuwit+keni xewit+'ta kú'eíriwa. ³⁷ M+k+mexi'ta mepe'iwawiya: ''¿Kéwa,Ukiyari?'' M+k+'ta tiwara'h+awe: ''Kewa m+ki mekani,mana siere meyu'kuxe+rieni kwatsari.''