¹ Anam+, hipat+ te+teri me te'itaxat+a iya galileos me'tetetewa wa'hepa+sta aku Pilato wa'xuriya mun+it+a yu mawarikatsie. ² Jesús m+ta p+'putay+: "¿Xeme xete'ha eriwa kename ik+ galileos masi tsi me tekahukai kename me wara'iwakai hipame galileos ya'umie yemete'anyek+? ³ Hawaik+, ne p+'nexerah+awe. M+ta x+ka xeme xe'kauyutaxata, xeyunait+ xeme pa+m+ siere xete'anyek+ne. ⁴ M+ta 18 iya te+teri aku Siloé wa'hetsie mau'we kií hax+'utewit+ m+ta warekwi, ¿xeme xeteku'eriwa kename m+k+ masi wa+kawa tsi'metekahukai mewara iwat+ hipame te+teri meku'tei Jerusalén? ⁵ Hawaik+, ne p+'nepaine. M+ta x+ka xeme xeka uyutaxata, xeyunait+ xeme siere xeta'in+atsieni. ⁶ Jesús ik+ +xatsi pu'tah+a: "Xewit+ tewi pexeiyakai higo ite+riyari m+ta peyat+a ikwaxi ku'waunet+ yu'ite+ritsie yak+xeik+a tixa+t+ kwa tiuka'xei. ⁷ M+k+ta tewi p+'tiutah+awix+ ite+ri'h+weme: 'Keneu'nieri, haika witari ne muta'axe m+ta ikwaxi nemukawawa ik+ ite+ri'tsie higuera tixa+ ne kwatiuka'xexeiya. Na'witeki. ¿Ketiu tepihayawani kwie tsewiximaka?' ⁸ M+ta ite+ri'h+weme pita'ei p+'reh+awe: 'Keneu hayawa xei witari tawarí mexi ne nepa'inet+yani wariena siere ne pe'wiwiriet+yani . ⁹ X+ka ikwaxi uti'xuawit+ani xei witari hau tinekaku, aix+'ane; m+ta x+ka p+katiu y+ni, ¡kenawiteki!"' ¹⁰ Hik+ta Jesús ti'+kitakai mana'm+ rati 'xaxatakaitsie sinagogas xawatí tsie. ¹¹ M+ta, xewit+ ukaratsi keane 18 witari muyeikakai hexeiyat+ espíritu tsiti'it+akame ka iwa+riyat+at+, m+k+ pana'tutsa+yekai ni'kwa y+wekai muta'keni. ¹² Kepauku Jesús mixei'tsie, mitah+awix+ m+ta p+'titah+awix+: "Ukaratsi, ek+ pe'pux+nix+ ke pen'anekai". ¹³ M+k+ta yu mamate hetsiena pa katet+a, yepauku putake m+ta pampayusi Kaka+yari yetuiri. ¹⁴ M+ta tatuwani mana sinagoga ha'akai Jesús herie me net+akaik+ xawatí'tsie. Ya u'mieme tatuwani kati'warutah+awe te+teri mameyu'kanierit+akai: "Ka'xuaweni'ta xewi tukari ke'pauku xeime herie hama'net+ani. Xekena'huni m+ta herie'xena net+ariekuni anam+m+, hawaik+ hik+ tukari xawatí. ¹⁵ M+ta Ukiyari waruta'ei p+tiwara'h+awe: "¡Te'itawamete! ¿xeme xeyu'xexuit+ xeka'te akux+na yu'puritu m+ta siere yu'wakaxi kuraruta m+ta ka'ti ya'harit+at+yeika xawati k+? ¹⁶ ¿M+ta siere ik+ Abraham nu'aya, ke ane t+kakame makuwiekai dieciocho witari, karaku x+naxienikekai xawatí'k+?" ¹⁷ M+ta mexi m+k+ yeti'kuxatakai, meyunait+ mekwa 'ipit+akai me'mauyutewiwiyakai, m+ta meyu wa+kawat+ mepau'yutemama'wiekai m+k+ raya'akamek+ ye tiu'yuriekaik+. ¹⁸ M+ta Jesús putay+: "¿Kehapa+ ane kaka+yari kwieparieya, m+ta ke'hapa+ heti'in+ata? ¹⁹ Kah+k+t+ni mostaza im+ariyari, xewit+ tewi kanika 'eni yu kwiepa, m+ta kaniuta were ite+ri haxiutewit+, m+ta wikixi ta heima memu'uwa yu'itua meputi'wewi". ²⁰ Tawari'ta p+'niuta'y+ni: "¿Titak+ ne'neti in+ata kaka+yari kwiepayari? ²¹ Kah+k+t+ni hapa+ pani puputsariyame uka mu'n+it+a haika in+ariyari t+xi m+ta muti'puputsarix+." ²² Jesús muka'iwatax+ kiekari'tsata m+ta huyeta mu'miekaitsie Jerusalén heyaka tiu'+kitar+mekai. ²³ Xewit+ p+ reh+awe: "Ukiyari, ¿itsi'meteyupa+me te+teri mekuwikweni?" M+ta M+k+ p+'mutay+: ²⁴ "Wa+riyarika xekeneyu pit+aka xemau'tahax+anik+ itupari matayawa'tsie, meyu wa+kawat+ manam+ mepau'haxam+k+, m+ta mepuku x+riwa". ²⁵ Kepauku kieta kiekame man'kukeni m+ta itupari reu'nani, anam+m+ takwa meku'uikuni m+ta ituparitsie mete'hauhutsuni p+'metiy+ni, 'Ukiyari, Ukiyari, ta'neu pit+a temauta hax+ani'. M+ta M+k+ ti wata'h+awe, 'Ne nekwa ra'kumate ke ane xe h+k+texi xeme ni'kexetehanex+a'. ²⁶ M+ta xeme xe'tiy+ni, 'Tame tete'ukwai teman'hari ah+r+pa m+ta Ek+ peti'+kitakai ta huyeta.' ²⁷ M+ta M+k+ xetita'h+awe, 'Ne nexerah+awe, ne kwa rakumate kexete'hanex+a. ¡Xehuni Neh+xie, tsixeteu'iyari!' ²⁸ Meti'xuawere tsuarika m+ta tamete mewa'ku xikauteket+ kukui'niyak+ kepauku mexeiya'tsie Abraham, Isaac, Jacob m+ta siere meyunaime temaikate Kaka+yari kwiepayarieyatsie, m+ta xeme, xeme wa'xemauka x+riyani. ²⁹ M+k+ta mete'ha nex+ani utata, tserieta, tsut+a, hix+ata m+ta mekayuka'uxipit+ani mexa'tsie meta metewatikwa'atsie Kaka+yari kwiepayaritsie. ³⁰ Xeketena'kumaika ik+, iya mema'kwinanat+ meh+k+texi memanye'tei m+ta memanye'tei meh+k+texi mema'kwinanat+". ³¹ Ye'reu tewika'kaku, hipat+ fariseos mepu ax+a m+ta p+mete ita h+awix+: "Ne'mieni ana'i pekwa uyeikani m+k+ Herodes metsi miem+k+". ³² Jesús putay+: "Xekene'huni m+ta iya kauxai xe'ke tenetah+awi: 'Keneu'nieri, ne'newaraya x+r+wa t+kakame n+'arimama m+ta yaxeik+a herie newa'ra nenet+wa hik+ uxa'a, siere hairieka tukari nepantiani kenetiku'eriwa. ³³ Yeran'y+nemek+, p+'reuye' wetse p+'neke'ti kamieni hik+, uxa'a yaxeik+a tawarie tukari makamie, m+k+ p+kwa'reuyunake'erie timaikame mierieni tewa Jerusalén u'yeikat+. ³⁴ Jerusalén, Jerusalén, timaikate wa'kukuyame m+ta wati'tuaxa n+aritsixi. yereuteterekaku a niwema ne'wareu xe+rim+k+, wakana waru'ku xexe+riwa yu'pix+x+itsi yu'anat+a hapa+, m+ta xeme p+'xekwa'tekueriwa. ³⁵ Xekeneu'nieri, xe'kií kaniuku'eiriyani. Ne p+nexera'h+awe, xeme xekwa netsixeiya kepauku xeti'y+nitsie: 'Aix+ ke aneni M+k+ ke ane kuy+ane Ukiyari ter+warikayatsie'".