1
Meripai hɨkɨtɨ'kai Niuki, mɨta Niuki matɨa'ta Kakaɨyari, siere tá Niuki Kakaɨyari hɨkɨtɨkai.
2
Ikɨ hɨkɨtɨkai meripai Kakaɨyari matɨa.
3
Naitɨ tita ti xuawe tiu yu ti wewi Kɨmana, xɨka Kɨmana ka tiu yurienike tita ti xuawe, tixaɨ kwatixuawenike.
4
Mɨkɨtsie hɨkɨtɨkai tukari mɨkɨta tukari hɨkɨtɨkai teɨteri wahekɨariwɨyame.
5
Xawátɨriya hékɨá mú yɨwitsié, yɨwiriya tá kwa e' iwaxi.
6
Puyeikakai uki Kakaɨyari nɨarieya, titewatɨ Juan.
7
Mikɨ nua memantanenierenikɨ hekɨariyatsie ken ti ane, meyunaitɨ yuri me tetaerienikɨ mikɨ hepaɨstanakɨ.
8
Juan kwa hɨkɨtɨkai hekɨariya, mɨta nua yetayɨnikɨ kentiyɨnikekai hekɨariya tsie.
9
Ikɨ hɨkɨtɨkai yuri hekɨa, wa hekɨariyame meyunaime, ikɨ ta hekɨariya hamie kwiepa.
10
Mɨkɨ kwiepa yu kanieritɨakai, mɨta kwie pu yu tawewi Kɨmana, kwie ta kwa heitima.
11
Mɨkɨ teɨteri wahatsɨa nua, teɨteritá me kwa itanakeéri.
12
Mɨta ke'ane, memi tanakeéri, ke'ane yuri hetsiena meteutaeri, Mikɨ warupitɨa Kakaɨyari niwemama memakɨne.
13
Ikɨ me kwa a yenuiwaxɨ xuriya tsie, hapaɨna iya waiyari ken reuye hɨwa, siere ta uki ken reuye hɨwa, pɨtá Kakaɨyari tsie.
14
Mɨta Niuki waiyari pa tɨa, tahamatɨa ta puyuhayawaxɨ. Tepuxeiri tɨrɨkariyari, tɨrɨkariya kenrexeiya Kakaɨyari nu'aya Yuxewi, waɨkawa imikieri rexeiyatɨ hapaɨna niuki aixɨ manyɨne.
15
Juan ye pu ta yɨ kentiunierixɨ Mikɨtsie iwawirietɨ paɨ re hɨawetɨ: "Ikɨ ka hɨkɨtɨni ye nexeti kuxaxatɨwakai: ´Ke'ane arikeke nuanikekai ne utɨa, raya'atɨ, Mɨkɨ hɨkɨtɨkai meripai ne nekahɨkɨtɨkaku.'
16
Teyunaitɨ aya´arɨkame ta mamatsie tete´uhɨi'ri imikieri ranayu'hayawakamekɨ.
17
Mɨta mari´itsika yetuiriyarie Moises. Jesucristo matɨa kanuani imikieri kwahau'axe, meta hapaɨna niuki hasuni.
18
Xewiti Kakaɨyari kwa xeiyawe ni echiwa. Kakaɨyari Nu'aya Yusewi, ke ane yu Yeu iyarieya tsie yukanieritɨa, Mɨkɨ kani'hekɨata.
19
Ikɨta hɨkɨ Juan kentiunierixɨ, kepauku judiyutsixi me meinɨ'airi tatsinitsixi matɨa levitatsixi Jerusalen paɨ memita'iwawiyakɨ: "¿ke'ane ekɨ pe hɨkɨ?.
20
Hekɨakamekɨ pɨ tiwarutahɨawixɨ karankanatɨ, pɨta puyuta'axa:"Cristo ne ne kwa hɨkɨ."
21
Mɨta iyamexi me pita iwawi:"¿Tamɨta ke'ane pe hɨkɨ?¿Elías pe ti hɨkɨ? Mɨkɨ ta putayɨ:"Ne nekwa hɨkɨ." Iyamexi me putiyɨta:"¿Ekɨ pe ti hɨkɨ Timaikame?" Mɨkɨ pɨtiu'a:"Hawaikɨ."
22
Iyamexi ta paɨ me te itahɨawixɨ:"¿Ke'ane ekɨ pe hɨkɨ?" ke'ane meta'tsiheyenɨ'a paɨ te te wareku'eiyanɨkɨ. ¿Kepe haine a hetsie miemekɨ?"
23
Mɨkɨ putayɨ:"Ne ne hɨkɨ niuki eniɨrɨkɨtɨ tiu mawetsie: Isaias mutayɨ hapaɨ,'Ukiyari huyeya heitserie kena'wi'."
24
Ke'ane ta me me nɨ'ariekai mehɨkɨtɨkai fariseutsixi.
25
Me puta'iwau, mɨta me te itahɨawixɨ:"¿Ketiu ta pe ti'ɨyane, xɨka Cristo, Elías, Timaikame pekahɨkɨtɨnɨ?
26
Juan pɨ tɨ'waruei pɨtiwarahɨawetɨ:"Ne ne ti'ɨya hakɨ. Mɨta xehetsie payewe Xewitɨ, xeme xekaixexeiyatɨ;
27
Ikɨ hɨkɨ, ke'ane nuani ne utɨa, ne nekwayɨwe, kakaiya ne mi xɨnirieni.
28
"Ikɨ Betania ye katiuyɨni Jordan hɨxie', Juan ti'ɨyanekaitsie.
29
Uxa'arieka ta Juan, Jesus mu xei auriena uya'ka pɨre hɨawe : ''¡ A' ka yuka nieritɨaka Kakaɨyari Muxaya yu naime wa tatakuri yeitɨwame!''
30
Ikɨ ka hɨkɨtɨni Ke'ane né ne ma xaxatakai: 'Ne utɨa ka na mieni xewitɨ uki, mɨkɨ meri hɨkɨtɨkai akuxi ne neka hɨkɨtɨkaku.'
31
Ne ne kwa i' xexeiyakai, mɨta ya'umie né ne nua, ha kɨ ne wa ɨyatɨ yɨwekaxianikɨ, Iya hekɨarekɨ Israel wa hatsɨa.''
32
Juan yé tiu'xa, pɨ haitɨ:'' né ne pu nierixɨ Espiritu wakamiekai haɨmɨ hapaɨ anetɨ ta heima, Heimana ta mu yu hayawaxɨ.
33
Ne ta ne kwa I' xexeiyakai, mɨta Iya ke ane netsi he ya nɨ'a, ne ti ɨyanenikɨ ha kɨ, nere ta hɨawixɨ: 'Ke ane tsie pe xeiya Espiritu a ka miekame, Heimana ta u yu hawa, mɨkɨ hɨkɨ ke ane titi ɨya Espiritu Santo kɨ.'
34
Tita ne tiu xei neti kuxata, ke name Ikɨ hɨkɨ Kakaɨyari Nu'aya.''
35
Ta'wari ta uxa'arieka, Juan mexi, me yu hutame yu tɨriyama, wa matɨa u yeika,
36
Jesus xeiyatɨ mana mu yemiekai, pɨ mu tayɨ: ''¡xe ke neu xeiya Kakaɨyari Muxaya!''
37
Tɨriyamama'ta me i' enieka mɨkɨ ya mainekai, Jesus me man ku'wei.
38
Umaniere ta Jesus ha'nakunierixɨ kename me mi weiyakai, ti wara hɨawe: ''¿tita xe te wautɨwe?'' mɨkɨ pɨ me te u' a': Rabí (m ta an yɨtɨ ma yɨne, ti ɨtikiɨwame) ¿kewa pe peka?''
39
Mɨkɨ pɨ ti wara hɨawe: '''niwa mɨta xepe neniere.'' umaniere me pe yakɨ ma pu nenierixi ta kewa me katei; mɨta Mɨkɨ matɨa me mu yuku hayawaxɨ ana tukari, mu taikaikaikɨ.{
40
Yu hutatɨ Juan me ta eniekai ken ti ku xatakai, xewitɨ Jesus utɨa pe tɨa, hɨkɨtɨkai Andres, Simon Pedro iwaya.
41
Mɨkɨ meri yu iwa Simon mu kaxei, pɨ'ta re hɨawe: ''Mɨkɨ Mesías te puka xei'' (mɨkɨ ta anyɨtɨ man yɨne Cristo hɨkɨ). v
42
uraniere Jesus hatsɨa mi a'tɨa. Jesus ta mi xei, mɨta muta yɨ: ''Ekɨ pe hɨkɨ Simón, Juan nu'aya. Ekɨ pe tita terɨware Cefas'' (mɨkɨ man yɨne Pedro).
43
Uxa'arieka ta, jesus Galilea ye miekáku, Felipe pu kaxei, pɨta re hɨawe: ''Sígueme.''
44
Felipe Betzaida kiekametɨkai, Andres matɨa Pedro wa kiekari'tsie.
45
Felipe, Natanael pu ka xei, pɨta re hɨawe: ''te pi kaxei Iyá Ke ane tsie mieme ye tiu utɨa Moises mari itsika tsie mɨta te maikatetsie, Jesus tsie, Jose Nazaret kiekame nu'aya.''
46
Natanael pɨre hɨawe: ''¿Rabí tixaɨtɨ axɨ ran yɨtɨ Nazaret ra ya neni?'' Felipe pɨre hɨawe: ''niwa neu nieri'ta''
47
Jesus Natanael mu xei Hatsɨana ma miekai, mɨkɨ hetsie pɨ puta yɨ: '''xeu xeiya, sasunimekɨ israelita, ke ane tsie itarika tiu mawi!''
48
Natanael ta pɨ re hɨawe: '' ¿kewa pe netsi he ti ma?'' Jesus mi ta ei pɨta re hɨawe: '' akuxi Felipe ka mesta hɨawiwekaku, higo iteɨriyari tɨa pa maya katei'tsie, né ne me tsi uxei.''
49
Natanael mita ei: ''¡Rabí, Akɨ pe hɨkɨ Kakaɨyari Nu'aya! ¡akɨ pe hɨkɨ Israel'tari wa Ukiyari!
50
Jesus puta'a pɨta re hɨawe:''¿Ya neme tiuta hɨawixɨkɨ: 'ne metsi uxei higo iteɨri'tɨa', hikɨta peti'erie? kwinie ran yɨneme masi pe ti xeiya.''
51
Mɨkɨ ta pɨti wara hɨawe: "sasunimekɨ, sasuni ne xe ra hɨawe xeme: xeme xemi xeiya ta heima hau yepiekame, Kakaɨyari akerimama'ta me uti hutɨ me aka hutɨ Uki Nu'aya'tsie.''