¹ M+ta arike 14 witariyari aunyeyakaku tawarie Jerusalén Bernabé hets+a ne hant+a meta hapa+na Tito ne a'iniet+. ² M+ta aimiemek+ ne pet+a ne ti hek+atsi'yerienik+ meta isiere Kaka+yari niukieya ne waruta'xat+a gentiles'watsata. Ne neti'warutaxat+a m+k+mexi ewie mete aya'akame hapa+, pa+'ta maka'xewinikekaik+ kename ka'unautsarimekai ni'ta hapa+na xeik+ak+ kwa'utanautsax+. ³ Ni'ta hapa+na Tito, keane ne hamat+a mu'yeikakai griego h+k+t+kai, wa+riyarika pupit+arie circuncisión yuwewirienik+. ⁴ M+ta iwamarixi te'itawamete me pu'ax+a ewiekamek+ tiniereke x+narika'tsie teme xeiyak+ Cristo Jesús'tsie.M+k+mexi pa+ me te'nake'eriekai metatsi'akuw+t+anikekai. ⁵ M+ta tame te kwayupit+a te heu'enanat+ iyamexi wa'h+xie, kwayukanierit+akak+ Kaka+yari niukieya xe'hats+a. ⁶ Meta m+k+mexi mete aya'akani hapa+ mete uyuxexeiya, kenem+'it+akai,tsepa ne kwareuyu'iyarit+a, M+ta Kaka+yari wakwa'wareukax+rie te+teri, m+k+mexi ne pa+ ne pa+ine m+ta mete aya'akani hapa+ meteyuhe'k+akai tixa+ me kwate'un+it+a ne hetsie. Tsepa tita m+k+mexi mete'uyurienike kwaraya'axe ne hetsie mieme. Kaka+yari heima kwati'wewie yu'wa+kawame te+teri'watsie pa+ta yayu'pa+meme hipame'watsie. ⁷ Ta'aurie mawetse m+k+mexi mekaneyek+ne yuri mete'uta'erik+ Kaka+yari niukieya'tsie aku iyamexi me h+k+texi circuncisos, iya Pedro hapa+ yuri tiuta'eri Kaka+yari'tsie meta isiere circuncisos'tsixi. ⁸ M+ta Kaka+yari tiuta'uxima Pedro'tsie n+arik+ meta ya'xeik+a me circuncisos'k+ wa'hepasta meta ya'xeik+a ne hetsie m+ta gentiles wa'tsie. ⁹ Kepauka Santiago, Cefas meta Juan, mete'aya'at+ me h+k+t+kai m+k+mexi teyupanie me mankuke, me peti'enax+ imikieri ketiu me yetuiriyeriekai, mama'tserietak+ me tatsiu'pit+ak+ ne Bernabé met+a . M+k+mexi pa+ mete'uyuri tame tem+yehuk+ gentiles wa'hets+a, m+ta iyamexi mehuk+ kenimexi circuncisión meme'xeiya wa'hets+a. ¹⁰ M+k+ xeik+a metatsi'aye'erist+a temaye'eriwanik+ pobre'tsixi wa'tsie, ya xeik+a ne m+k+ pinitsie ne pa+ reuyeh+akai ye nem+tiyurienikekai. ¹¹ M+ta kepauka Cefas munua'tsie Antioquía kiekari, h+xie neniutakeni m+ta pa+ neniutay+ni kename kenem+tiyurienekai aix+ ka'anekai. ¹² Meripai ukitsi yameyupa+t+ mekaneyak+ne Santiago n+arimama, m+ta Cefas katinikwa'akait+ni gentiles wa'hets+a. M+ta kepauka ik+ ukitsi me muax+a'tsie tiuhayawax+ pet+a kem+tiyurienekai gentiles wa'tsata. m+ta pu'tima m+k+mexi ya mete ayawaukaik+ Circuncisión'tsie. ¹³ M+ta isiere Judíos'tsixi mepuy+n+i itarika'tsie. Yat+t+'ta Bernabé pe'inierie huyeta itarika tsitiane'tsie. ¹⁴ Ne'ta kepuaka ne munierix+ m+k+mexi kemem+teu'iyarikai Sasunik+ Kaka+yari niukieya me kwa'uweiyakai, pa+ nere'h+awe Cefas yunaime iyamexi wa'h+xie: ''x+ka ek+ Judío pe h+k+t+t+ m+ta gentil hapa+ petikamieni m+ta Judío hapa+ pekatikamiet+, ¿gentiles wa+riyarika ke petiwapit+ani Judío'tsixi wa'hapa+ mete uhuni?'' ¹⁵ Tame m+k+t+t+ te p+h+k+ Judíos nunuiwakate meta hawaik+ tatakuri'tsixi gentiles te kwah+k+; ¹⁶ M+ta tame tete'akumate kename xewit+ tewi heimana tinuist+ kem+tikamie mari'ítsika'tsie, m+ta isiere sasuni eriyeri Jesúcristo'tsie tame isiere tepaya'axeni yuri tete'eriet+ Cristo Jesús'tsie aku tame tey+wawenik+ ta'heima ti nuist+nik+ ta'yuri eriyerikak+ Cristo'tsie meta hawaik+ mari'ítsika kem+tin+a uximayatsikaya'tsie.Mari'ítsika ke m+tin+ak+ xeime waiyari'tsie kwatitanuist+k+. ¹⁷ M+ta mexi tame pa+ teteku'eriwa kena Cristo ta'heima ta'nuani, m+ta isiere tame te puka'xeiyerie tatakuri tehexiyame, ¿m+ta Cristo pa+ ti'n+a tatakuri xuawenik+? ¡waik+ pa+ kwati'ane! ¹⁸ M+ta x+ka ne netiuti'wiyest+ani pini aku heiwa ne tiuka'unax+, ne netihek+ata kename mari'ítsika nanaimawame ne h+k+. ¹⁹ Ne ne'pum+ mari'ítsika kemainek+ ney+wet+ ne mayanik+ Kaka+yari ne ayexeiyat+. ²⁰ Neri ne pukawiya Cristo mat+a. Neri ne kwa'h+k+ ne mayeniere, sinú pa+ta Cristo ne hetsie payeniere. Tukari ne'mexeiya ne waiyari'tsie, ne payeniere yuri neti'eriet+ m+k+ Kaka+yari Nu'aya'tsie, keane netsiutinenima meta y+'k+mana yuyetua ne k+mana. ²¹ Ne Kaka+yari imikierieya wanekwa'uh+wa,m+ta x+ka y+wenike mari'ítsikak+ aix+ rakay+ni, ¡m+tari yak+ xeik+a Cristo kwane+m+!