¹ Pablo, Jesucristo n+'arieya p+ reunake eriekaku Kaka+yari metasiere tatakuri mekwa te hexeiya Efesotari metasiere ke ane Jesucristo mamuweiya. ² Aix+ xeke it+arieka xeme Kaka+yari'tsie ta Yau meta siere Ukiyari Jesucristo. ³ Ta Kaka+yari ta Yau ta Ukiyari Jesucristo aix+ raya at+ ke ayeit+arieka, imikieri tatiyatuirie naime kepa tix+awe imikieri espiritual taheima timieme aku Cristo'sie. ⁴ Kaka+yari tatsi anayahapa meripait+ kwie kata wewiwekaku, tame teh+k+t+nik+ tatakuri tekate hexeiyat+ temu uwani tekate at+t+iyariet+ h+xiena. ⁵ Kaka+yari tatsi anaya hapa niwemama temak+nek+ Jesucristo'sie, p+reuya h+akaik+. ⁶ Yu niwama tatsi ayeit+ak+ temeyexeiyanik+ kwinie tewa te ikaket+ tatsi utinenimayatax+ M+k+ piyatua Yu'Niwe aku wa+kawa mauyahuwa. ⁷ M+k+tsie Jesucristo aix+ te it+arie yu xuriyatsie m+ta tareuya h+wirie ta'tatakurik+, m+k+ kepa mexeiya nenimayatsika. ⁸ M+k+ wa+kawa yetua nenimayatsika ta hetsie kenreutamaiwe meta siere kenreika heniet+yeika. ⁹ Kaka+yari tatsi uxeiyast+a kehekuyit+ mekuyine ti awiet+ kenreu nake'erie, m+k+ kentinake, M+k+ mi hek+atax+ Cristo'sie. ¹⁰ Uximayatsika'ya Cristo h+k+t+'kai kentiy+nikekai maya anik+ tukari, naime tiku xe+rienik+, aku naime ta heima timieme meta siere kwiepa, mu'ukame xewit+ xeik+a mayanik+ aku Cristo. ¹¹ Cristo'tsie te manaya hapanie te teyatuiriyarienik+. Meripait+ p+ tiuy+huawekai M+k+ kentiyurienikekai, p+ti uximaya p+tiy+nik+ kenti yukuh+awe. ¹² Kaka+yari tastsi anayahapa teteya tuiriyarienik+ tame temak+nek+ temanyetei tehexeiyat+ wikwest+arika Cristo'sie, tame tete ikwit+akak+ kwinie raya ar+kame te ayeit+at+. ¹³ Cristo'tsie, xeme siere, kepauku xemeiti enieni niuk+ yuri h+k+, hekwamek+ kenti kuxata ke hantiu wikweni kepaukuta yuri xete ta erieni M+k+'tsie meta siere xeyatuiriyarieni'tsie Espiritu Santo. ¹⁴ M+k+ Espiritu Santo pex+kahexeiyani p+ anyit+ pany+ne kename ari'ri imikieri petiyatuiriyarie aya'ari, ya umieme kete kwit+aka kwinie raya ar+kame pa ayeit+at+. ¹⁵ Ya umieme, yene tiu enaka kename yuri xete erie Ukiyari'tsie Jesus, metasiere kexete warauyah+wa'k+ yunaime Kaka+yari kiekarieya Santo, ¹⁶ ne nekwati haya'wawe panpayusi ne reh+awet+ Kaka+yari xe hetsiemieme tukari'k+ nexe utiter+wa ne nenewiyatsie. ¹⁷ Ne neyunenewie m+k+ Kaka+yari ta'Ukiyari, M+k+ Yaukame aku kwinie raya axe, kexe yatuirieni espiritu kwinie timaiwe kexetiuxeiyast+ani M+k+ kenra kumate. ¹⁸ Ne neyunenewie yu iyaritsie xe manta nenierek+, xekeheit+mani wikwest+arika yuri h+k+, M+k+ xeh+awe xetiyatuirienike wa+ka kepa xeyeiya xehetsiemieme Kaka+yari n+iwarieya santo. ¹⁹ Metasiere ne neyunenewie ne peya wawa xeme xeke heitimani kenti t+r+ka+ye ta hetsie aku ke ane yuri tete erie, keta ti nama yu t+r+kariyak+. ²⁰ Ik+ yaxeik+a kah+k+t+ni t+r+kariyaya Kaka+yari tiuta uximaya Cristo'tsie, kepauku M+k+ mankuke m+kiriyatsie m+ta menkaye M+k+mat+a yu tserieta wata pait+ wichilaku'anetsie. ²¹ M+k+ pankaye Cristo yu naime watsie anyakait+ its+kate wa'heima meta siere mete n+'atsie metasiere t+r+kariyatsie tixuawe kati hek+akamek+. Cristo its+kame payani hik+ xeik+a waik+ tukaritsie, siere tukari makamietsie. ²² Kaka+yari tiukupi Cristo het+ana, m+ta yatuiri teyupanie mu'ukame h+k+ kepat+ tiyepine tipinieya. ²³ Teyupanie h+k+ Waiyarieya, M+k+ kenti t+r+ka+ye'k+ wa h+niya yunaime, naimetsie.