Lwiimbo lwa Asafu. ¹ Leza, nkambonzi niwatukakila kwalyoonse? Nkambonzi kunyema kwako nikuyaka atala ambelele zyamumachelelo ako? ² Koyeeya bantu bako mumizeezo yako, abo mbwakawula muchiba chako kalekale, ilunyungu ndumwakanunula kuti lube lukono lwenu, alimwi a Chilundu Ziyoni, oko nkokkala. ³ Sika ulange matongo amaninide, zyoonse ezyo zyakamaninsigwa zyakachitwa asinkondoma nzyakachita mubusena busalala. ⁴ Basinkondoma balavuluma akkati kamasena asalidwe; bakabika indembela zyankondo zyabo. ⁵ Bakanyampula tuleba mukasaka kaangene. ⁶ Bakagonka akuwisizya ansi zyonse; Bakazijaya atuleba ansando. ⁷ Bakabikka chikombelo chako mumulilo; bakabisya aawo mpokkala, kuwisizya ansi. ⁸ Bakati mumyoyo yabo, ''Tulabajaya boonse.'' Bakatenta boonse busena bwakuswananina munyika. ⁹ Takwepe netuchibona zimbi zitondezyo; takuchikwe musinsimi lubo, takwepe naba omwe akati kesu uuzi kuti zizomana chindinzi. ¹⁰ Kukabe chindiyi, Leza, sinkondoma nayowaala lutuko kuli nduwe? Elyo basinkondo balatuka zina lyako kwalyoonse? ¹¹ Nkambonzi ulavunga kuboko kwako musule, kuboko kwako kwachilisyo? Nguwusya kuboko kwako kwachilisyo kuzwa muchikobela akubamwaya. ¹² Nekuba boobo Leza ngo Mwami wangu wachiindi, kweeta lufutuko ansi. ¹³ Wakanzaania lwizi enguzu zyako; wakapyaya mitwe yazyuuka zyamulwizi mumanzi. ¹⁴ Wakapwaya mitwe ya leviyatani; wakamusanizya kulibabo bakali kukkala munkanda. ¹⁵ Wakadonkola tusensa tujukide atulonga; wakayuminizya milonga iyenda. ¹⁶ Ibuzuba mbubwako, alimwi abusiku mbubwaku abulabo; wakabikka izuba amwezi mubusena bwazyo. ¹⁷ Wakabikka yoonse migano yanyika; wakabikka mayinza a mpeyo. ¹⁸ Bikka mumizezo yako mbuli sinkondo wasampula zitukizyo kuli nduwe, Jehova, abantu bafubafuba batukila zina lyako. ¹⁹ Utaabi inzila yako kubanyama bamusokwe. Utalubi kalubila buumi badyamizigilwe. ²⁰ Yeeya chizuminano, nkambo masena asiya anyika alizwide lunyonyongano. ²¹ Utalekeli badyamizizigwe kuti babwedezegwe munsoni; ibachete abadyamizigilwe batembawule izina lyako. ²² Buka, Leza; ulikoswede bulemu bwako; koyeeya bufubafuba mbubakakutukila izuba lyoonse. ²³ Utalubi ijwi lyasinkondonyokwe chikwaala chabaabo bakulwisya kwalyoonse.