Kumupati wabasikwiimba. Intembawuzyo ya Devidi; kuti iyeetwe kuchiyeezyo. ¹ Ndivune Leza! Jehova, boola achakufwambana alimwi uzondigwasye. ² Akube kuti aabo beezya kutola buumi bwangu baabe abweeme akuusigwa nsoni; akube kuti babwedezegwe musule alimwi beetwa kukutalemekwa, aabo babotelwa mumachise aangu. ³ Akube kuti baabwedezegwe musule nkambo kabweeme bwabo, aabo baamba kuti, ''Aaha, aaha.'' ⁴ Ngakube kuti boonse bakuyandawula babotelwe akukondwa mulinduwe; akube kuti aabo bayanda lufutuko lwako chiindi choonse baambe kuti, ''Anoli Leza watembawulwa.'' ⁵ Pesi ndimuchete alimwi takwe pe nchindacho; Fwambana kuli ndime, Leza nduwe; ulimugwasyi wangu alimwi ulandinununa. Jehova, utanonoki.