Kumwami wabasikwimba; lwabikwa kuli Alu Tasyeti. Intembawuzyo ya Devidi. Lwimbo. ¹ Nobasilutwe mulamba na bululami? Mulabeteka kabotu na, nywebo nobantu? ² Pe, mulachita bubi mumyoyo yanu; mulaabila lupyopyongano nyika yoonse amaboko enu. ³ Basizibi balendelezegwa nekuba kukuzyalwa, balaamba kubeja. ⁴ Buyoka bwabo buli mbuli buyoka bwanzoka; buli mbuli chipile chiimpania businkematwi, ⁵ oyo utaswilili kujwi lyamung'anda, nekuba kuti bamu chenjezya. ⁶ Tyolola meno abo mumilomo yabo, Leza; tyola meno mapati abana babalavu, Jehova. ⁷ Baleke bayaaye mbuli manzi ayobwenda; elyo nibafusa mivwi, balaba mbuli batakwe manu. ⁸ Baleke babe mbuli nkumba iyaaya alimwi ilafwa, mbuli kana kamwanakazi kazyalwa chiindi kachitana kkwana katabwene zuba. ⁹ Mpoto zyenu nkazitana kumvwa inkasaalo yakupwayulwa zitola kule mbuli kambizi, zitetete nikuba ziyaka mbuli mamvwa esokwetete alimwi amamvwa apya kakozyania. ¹⁰ Mululami uyokondwa nayobona mpindu ya Leza; uyosanzya mawulu aakwe mubulowa bwabasizibi, ¹¹ lino bantu bayoti, ''Nkasimpe, kuli mpindu yamuntu mululami; nkasimpe kuli Leza ubeteka nyika.''