Njamwiimbi mupati. Intembawuzyo ya Devidi; Awo Natani musinsimi nakasika kuli nguwe musule nakazwa kunjila kuli Bbatisyebba. ¹ Koba aluzyalo kuli ndime, Leza, nkambo kachizuminano chakusyomeka kwako; nkambo kabuvule bwanchito zyaluzyalo lwako, zimania kubisya kwangu. ² Ndisanzye loko kuzwa kumilandu yangu alimwi undisalazye kuzwa kuzibi zyangu. ³ Nkambo ndilizi kubisya kwangu, azibi zyangu zili kunembo lyangu chiindi choonse. ⁴ Kwiminana ayebo, iwebo luzutu, ndakabisya akuchita bubi mumenso aako; uliluleme awo nowaambula; ulanantya awo nobeteka. ⁵ Laanga, ndakazyalilwa muzibi, akufwambana awo baama nibakandiminta, ndakali muchibi. ⁶ Laanga, ulombozya kusyomeka kwamukati mwangu, alimwi undiyiisya busongo kubusena busisikene mukati. ⁷ Ndisalazye a hisopu, alimwi ndiyosalala; ndisanzye, alimwi ndiyotuba buu kwinda sibunkwe. ⁸ Ndichite ndimvwe lukondo akubotelwa kuchitila kuti mafuwa ngwakatyola akondwe. ⁹ Kosisa busyu bwako kuzwa kuzibi zyangu alimwi uzime milandu yangu. ¹⁰ Langa mulindime moyo usalala, Leza, alimwi ubukulusye muuya ululeme mulindime. ¹¹ Utanditandili kule kuzwa kubuliwo bwako, alimwi utagwisyi Muuya wako usalala kuli ndime. ¹² Bwedezya kuli ndime lukondo lwalufutuko lwako, undichite ndibe amuuya uyanda. ¹³ Mpawo ndiyoyiisya basimuchita zibi inzila zyako, abasizibi bayondisandukila kuli nduwe. ¹⁴ Ndilekelele nkambo kakutila iganzi, Leza walufutuko lwangu, alimwi ndiyowompolola nkambo kalukondo lwabululami bwako. ¹⁵ Mwami, wasamuna mulomo wangu, amulomo wangu uyowamba bulumbu bwako. ¹⁶ Nkambo toyandi zipo nikwali boobo ndali kunokupa; tobotelelwi kuzipo zyakutentwa. ¹⁷ Zipayizyo zyakwa Leza muuya ubombede. Lwako, Leza, tokoyo wubasya muuya utyokede nikuba moyo ulifwinsya. ¹⁸ Chita bubotu mububotu bwakubotelwa bwako ku Ziyoni; yakulula bulambo bwa Jelusalemu. ¹⁹ Mpawo uyoyanda chipayizyo chabululami, muzipo zyakutenta azipo zyoonse zyakutenta; mpawo bantu besu bayopa bapule achipayililo chako.