Chaandano 29
Intembawuzyo ya Davida.
1
Amupe Jehova, nywebo nobana ba Leza, amupe Jehova bulemu a nguzu!
2
Amupe Jehova bulemu bwelede zina lyakwe. Amukotamine Jehova mubwebesi busalalisya!
3
Ijwi lya Jehova lyamvwigwa atala amanzi; Leza wabulemu ulandindiima, Jehova wandindima atala amanzi manji.
4
Ijwi lya Jehova lilanguzu; ijwi lya Jehova lili abulemu.
5
Ijwi lya Jehova lilatyolola ma sidazi a Lebbanoni.
6
Ulasotosya chilundu cha Lebbanoni mbuli munamani antomwe a Siliyoni mbuli munkabe munini.
7
Ijwi lya Jehova lilatuma mulilo.
8
Ijwi lya Jehova lilazungania inkanda; Jehova ulazungania inkanda ya Kkadesyi.
9
Ijwi lya Jehova lilatyuolola mibanga akuzungania lusaka. Muntempele yakwe boonse bati, ''Alemekwe!''
10
Jehova ulakkala mbuli mwami atala azambangulwe; Jehova ulakkala mbuli mwami kwalyoonse.
11
Jehova ulapa nguzu kubantu bakwe; Jehova ulalongezya bantu bakwe aluumununo.