Intembawuzyo ya Davida. ¹ Jehova wati kuli simalelo wangu, ''Kkala kujanza lyangu lyakuchilisyo kusikila basinkondonyokwe bakabe chilyatililo chako.'' ² Jehova uyojata musako wabwami bwamanguzu ako kuzwa ku Ziyoni; yendelezya akati kaba sinkondonyokwe. ³ Bantu bako bayokutobela muzikobela zisalala mukuyanda kwabo mubuzuba bwamanguzu aako; kuzwa mwida lyakubuchedo bakubusi bako bayoba mbuli lume. ⁴ Jehova wakonkezya, alimwi takosanduka; ''Ulimupayizi kwalyoonse, mbubonya mbuli Melekizedeki.'' ⁵ Leza ulikujanza lyako lyaku chilisyo. Uyojana baami mubuzuba bwabukkali bwakwe. ⁶ Uyobeteka zisi; uyozuzya masena akulwanina amitunta; uyojaya bazululi mumanyika manji. ⁷ Unoyonywa mukalonga kumbali amugwagwa alimwi uyonyampula mutwe wakwe kujulu azwa kuzunda.