¹ Nomba ulo apwile ukulanda fyonse fyebo ifi, alandile kubasambi bakwe ati; ² "Mulishibile ukweba ati, ulo pakapita inshiku shibili kukaba icakucilila, nomwana wamuntu akapelwa kukutanikwa." ³ Elo bashi mapepo bakalamba naba kalemba balongene mulubansa lwakwa shimapepo mukalamba uwalikukutwa kayafa. ⁴ Balipangane chapamo ukwita Yesu mubumfisolo no kumwipaya. ⁵ Pantu balikweba ati; Tepa mufebetoiyoo, pakuti intulubundi tashimine pakati kabantu." ⁶ Nomba ulo Yesu ali mu Batani mu nag'nda yakwa Simoni uwa fibashi, ⁷ Ulo akuweme kucakukya kwakushile umwanakashi alikwete umusashi wamufuta ayakumikila ayakuluma umutengo, apongolwelele pamutwe wakwe. ⁸ Ulo abasambi bamwene ici, balifulilwe sana nokweba ati; "Ngobu bonaushi bwando? ⁹ Pantu ngayalishitishiwe pamutengo uukulu nokupela ababusu. ¹⁰ Lelo Yesu, pakwishiba ici abebele ati; "Nindo mukochushisha uyu mwanakashi? Pantu alicitile icintu icabune kuli nebo. ¹¹ Ababusu mwalekuba nabo lyonsefye, nomba tamwakabe naine lyonsefye. ¹² Pantu ulo apongolwelele amafuta pamubili wandi, alicitile kukunteyanishisha kukushikwa. ¹³ Cine nkomweba, konse uko iyimbila ikabilwa mu chalo conse ico uyu mwanakashi acita chikalandwa muku mwibukisha." ¹⁴ Elo umo uwapakumi nababili, uwalikwitwa ati, Yuda Iscalioti, alile kuli bashi mapepo bakalamba nokubeta ati, ¹⁵ "Nindo mukofwaya ukumpela, pakuti mupeele kuli mwebo"? Bapimine isha sifere amakumi yatatu. ¹⁶ Ukufuma pali kalya kashita alikufwaya apakumupelela kuli bena. ¹⁷ Nomba pabiushiku bwantanshi ubwa mukate uushatumuka abasambi baishile kuli Yesu no kweba ati, "Nikwisa mukofwaya tuye kupekanishisha icakulya chakucilila?" ¹⁸ Aebele ati, Kabiyeni mumusumba ku muntu umo nokumweba ati, "Kasambilisha aeba ati, "Inshita yandi ilifijile. Nikwenu eko nkokwatila icakulya cakucilila pamo nabasambi bandi." ¹⁹ Nabasambi balicitile ukulingana nefyo Yesu abebele ukucita, balipekenye nechakulya ca chakucilila. ²⁰ Ulo chafikile icungulo, aikele kukulya nabekumi nababili. ²¹ Ulo balikulya, aebeke ati, "Icine nkomweba umo pali mwebon akamfutuka." ²² Balikwetwe nobulanda, cilaumo atampile ukumwipusha, icine tenebo, mweshikulu?" ²³ Alyasukile, "Uyo uwotukobela nankwe mu lwenso lumo eukomfutuka. ²⁴ Umwana wamuntu akaya, ukulingana ngefyo camulembelwa. Lelo kalanda kuli uyo uwafutuka umwana wamuntu! camuwamina ulya muntu ngatafyelwe." ²⁵ Yuda, uwali nokumufutyka alandile ati, "Bushe nine, Rabbi?" Amwebele ati, Ulilandile wemwine." ²⁶ Ulo bali kulya, Yesu alibulile umukate alipalile, no kuumokaula. Alipele nabasambi nokweba ati, "Buleni lyeni. Uyu emubili wandi. ²⁷ Alibilile ulukombo nokutotela, nokubapela nokweba ati, "Nwenimo, nwebo bonse. ²⁸ Pakuti ulu mulopa wandi uwa cipingo cipya uukosumina abengi kukulekelelwa impulumushi. ²⁹ Lelo nkolanda kuli mwebo, ukutula pali nomba nshakanweko kufisabo fya mwangashi, ukufuka pa bushiku bulya ulo nkanwe cipya pamo naimwe mu bufumu bwakwa tata." ³⁰ Ulo baimbile ulwimbo, baile kulupili lwa Miolife. ³¹ Elo Yesu abebele ati, Bonsefye mwebo mulelenga ukutuntula pali buno bushiku pamulandu wandi, pantu chalilembwe, "Nkoma kacema no mukuni wampanga ukasalangana. ³² Lelo ilyo nkemishiwa, Nkamilangilila ku Galilee ³³ Lelo Petelo alimwasukile, " nangu bonse balengo ukuipuntula pa mulandu wenu, nebo, nshakaipuntule." ³⁴ Yesu alandile kuli ena, "Icine nakweba bunobwine ubushiku ulo mukolwe talalila, ukonkana imiku itatu." ³⁵ Petelo amwebele ati, "Nangu ningafwa namwebbo tekuti mikane. "Nabonse abasambi balandile chimo chine. ³⁶ Elo Yesu alile nabo ku cifulo citwa Getsamane nokulanda kubasambi bakwe, Ïkaleni pamo ulo nebo naya kuly mukupepa." ³⁷ Apitile Petelo nabana baume babili abakwa Zebedee nokutendeka ukwikatwa ubulanda nokucushiwa. ³⁸ Elo alandile kuli bena, "Umupashi wandi waikatwa ubulanda, ukufika nakumfwa. shaleni pano nokulola naine." ³⁹ Alile akatamukila, awile ubunkupeme nokupepa asosele, "Mwe Tata, ngacitwa, lekeni ulukombo ulu limpite. Lelo tebufwayo bwandi lelo ubufwayo bwenu." ⁴⁰ Aishile kubasambi abasanga balilele alandile kuli Petelo, "Nishani, Teti mulole nandi pansa fye imo? ⁴¹ Loleni nokupepa pakuti mwiingila mukweshiwa. Umupashi naukosa lelo umubili naunaka." ⁴² Alifumineko umuku wacibili nokupepa. Aebele ati, "Tata ulu ulukombo ngatalwingampita kano ndunwe ubufwayo bwenu buchitwe." ⁴³ Alibwelele nakambi nokubansanga balilele, pantu amenso yabo yalilemene. ⁴⁴ Kabili paku basha nakambi, alile mukupepa umuku wa chitatu ukulanda amashiwi yamo yene. ⁴⁵ Elo Yesu alishile ku basambi nokulanda kuli bena ati, "Muchili mulisendeme nokutusha? ⁴⁶ Moneni inshita ilipaleme, no mwana wa muntu akofutukilwa mumunwe yaba bembu. Imeni, katule kuya, moneni uulemfutuka ali mupepi." ⁴⁷ Ulo acili akososa, Yuda umo uwamu bekumi nababili, alishile ibumba ilikulu lyalishile nankwe ukufuma kuli bashi mapepo bakalamba naba kalamba babantu. Balishile nempanga ne nkonto. ⁴⁸ Nomba uwali kufutuka Yesu ninshi alibapele icishibilo, ukweba ati, üyo nkotomona eo, mumwikate." ⁴⁹ Apo pene alishile kuli Yesu nokulanda ati, "Mwapoleni, Rabbi," nokumutomona. ⁵⁰ Yesu amwebele ati, "Mune cite ico wishile."Elo baishile balibikile ne minwe pali Yesu no kumwikata. ⁵¹ Moneni umo pali abo abali na Yesu, afungulwile ukuboko kwakwe, no kusomona ulupanga nokukwampula ukutwi kwamubomfi wakwa shimapepo mukalamba nokumutulako ukutwi. ⁵² Elo Yesu amwebele ati, "Bwekeshamo lupanga lobe umo lwikala, pantu abo bonse ababula ulupanga bakafwa kulupanga. ⁵³ Tawawishibe ati, kuti naita tata, naena kuti antumina amatulwe yaba malaika ukucila ikumi na yabili.? ⁵⁴ Nomba kuti yafikilishiwa amalembo shani, ayalanda ati, chili nokucitika ififine.? ⁵⁵ Pali kalya kshita Yesu alandile kwi bumba, "Bushe mukoisa ne mpanga ne nkonto mukunjikata kubati kapondo? chilakasuba nalikukwikala nkosambilisha mwi Tempele, kabili tamwanjekete. ⁵⁶ Lelo ifi fyonse fyacitika pakuti amalembo yaba kasesema yafikilishiwe, "Elo abasambi balimushile nokubutuka. ⁵⁷ Abo abaikete Yesu balimutwele kuli kayafa shmapepo mkalamba uko bakemba naba kalamba balongene. ⁵⁸ Lelo Petelo alikukonka akatalamukila ukuya kufika kulubansa lwakwa shimapepeo mukalamba. alile mukati nokwikala naba kalinda kukumona ifikocitika. ⁵⁹ Nomba bashi mapepo naba chilye balikufwailisha ubunte bwabufi pali Yesu pakuti bamwipaye. ⁶⁰ Tabasangilapo nangu cimo, nangu bakamboni babufi baishile. Panuma kwalishile babili. ⁶¹ Nokweba ati, "Uyu muntu alandile ati, "Ndikwete amaka yakutobolola itempele lyakwe Lesa nokulikula munshiku shitatu." ⁶² Shimapepo mukalamba alimine nokumweba ati, "Taukwete ubwasuko? ngefi ifyo bakokushinina? ⁶³ Lelo Yesu ali fye kututu. Shimapepo amwebele ati, "Ndekukonkomesha muli Lesa wa mweo, twebe nganiwe Kristu, Umwana wakwa Lesa." ⁶⁴ Yesu alimwaswike "walanda wemwine. Lelo ndekweba ukufuma nomba ukumona umwana wamuntu alikele kukwa kulyo ukwamaka, nokwisa pa makumbi yamumulu." ⁶⁵ Elo shimapepo mukalamba alepwile ifyakufwala fyakwe nokulanda ati, "Alanda imiponto! Nindo tukofwaila bakamboni nakambi? Moneni, nomba mwaunfwa imiponto. ⁶⁶ Muletontontonkanya shani? Balyaswike ati, "Alingile ukufwa." ⁶⁷ Elo banushipile amate, nokumuma ku ndupi shabo, ⁶⁸ nokweba ati, "Tusesemene, we Kristu ninani wachikuma?" ⁶⁹ Nomba Petelo Alikele panse mu lubansa, umubomfi umukashana alishile ena no kulanda ati, Nobe wachiba na Yesu waku Galili." ⁷⁰ Lelo alikene pamenso yabo ati, Nshishibile ifyo mukolandapo." ⁷¹ Ulo aile kumpongolo, naumbi umukashana umubomfi alimumwene nokulanda kubalipo, "Uyu muntu naena ali na Yesu waku Nazareti." ⁷² Nakabili alikene no mulapo, "Nebo nshimwishiba uyu muntu!" ⁷³ Panuma kapitapo akashita akanono abaiminineko balishile kuli Petelo nokumweba ati, Icine cine uli umo uwamuli bena, imilandile yobe yakwanga." ⁷⁴ Elo atampile ukutipa nokulapa, Nshimwishibile uyu muntu." Pekapo na mukolwe alililile. ⁷⁵ Petelo alibikeshe amashiwi Yesu alandile, "Ulo kukolwe talalila ukunkana litatu."Elo aile panse nokulila akalanda.