¹ Axé, non ka taba zuntu ku Ê, non ka pindji ku na tua glasa Dêssu vãn. ² Puna Ê fa: Ny tempu sy za An ndê ô, ria savason an zura ô. Ola yô ny tempu buaru, ola whô sa ria ra savason. ³ Non na pê whã buru dizu whê me whã nkênu wha, punda na mesê ma misteru non ka kiê mali. ⁴ Sô kua é non pova ra ason non ma non sa ná amon Dêssun: ra meme plesevera ny katxi aflison, ku digosto, ny pezu. ⁵ Ku xikotxi ny pezu, ny londé, ny taba dizu, ny suku sê sonó, ku fomi. ⁶ Ra pureza, ra sebê, ra paxensa, ra bon kosó, ra whã Supitu Santu, ra amolê sê findji. ⁷ Ra lumba ra veré ra porê dy Dêssu, ra alima ra zustia ra mon gletu ku skedu. ⁸ Ny ola ny dezonra, ny fasu ny obla buaru, mora nganaru, mazi non sa veré, ⁹ Mora ma na konsê ô wha, mazi non sa konsêru buaru, mora ma muê, moara ma vivê anda. Mora ma non ka poi ra ason non, mazi na mora kondenaru ra motxi. ¹⁰ Mora ma sa ku leva, mizi turu ola ku gostô, mora plobi, mazi yô liku, mora na tê né whã kua wha, mazi a tué turu. ¹¹ Nó fa sê turu veré, korinti kosó non sa biriru. ¹² Koson nón na fô fisaru ra non, mazi ta fisaru ra popi kuxensa non mé. ¹³ Ola whô, ra whã kua buaru zuntu, nga fa mora na pikina: biri kosó non turê. ¹⁴ Na sa whã zugu mali ku indulu, sô ku assosiason té zustisa ku kua mali! Ô ku juntu kandja tê ku kulu. ¹⁵ Ngê sa ku Kistu ka pô tê ku Belial! ô ku whã klenti tê komu ku whã krédulu! ¹⁶ Kuali seta ku sa katxi kai Dêssu ê sa demonó! Punda nón sa kai Dêssu vivu, mora Dêssu fa: An nga vivê katxi ane ka nda katxi ane. An ka sa Dêssu ô, ku ane ka sa povô un. ¹⁷ Sô an xiê katxi ane, sa pataru, fa Sun. Y na tê kua suzaru wha. An nga fa sê. ¹⁸ An ka sa whã Tata sê, sê ka sa na un, fa Sun turu Poderosu.