¹ An, Paulu nga loga sê, ra pesensa pena ri Kistu, an ku sa mansu ri whê sê, mazi uzaru ku sê sô masi lonji, ² Nga pindji sê ku, ma nga sa whê sê, na pizisa sa uzaru ku masi kunfia. Mazi nga pindji ku sê tê ki sa uzaru ma an kapô ma ku non sa ka vivê mora kani. ³ Mora é mé ku nda ny kani, milita mo ri seta ku kani, ⁴ Punda pingêra ku non luta kuê na sa kani wha, masi tê porê divinu pa dana fosa, kua mali ku argumentu nganaru. ⁵ Non turu dana kuali keru kua ativu ku ka lata kontli selve ri Dêssu, non ka bê ku pesu turu pensamentu ku kundji ri Kistu. ⁶ Non sa pepara pa non tê turu mali ri ôria dizu, ta whêlêmé kundji sê sa setu. ⁷ Pia kua ku sa klalu ny whê sê. Sy nkênu si ku ta konvêsiru ku sa ri Kistu, lembla êlê me ri ku, ra mora é mé ku sa ri Kistu, asié ma non sa. ⁸ Mora é mé ku an ma sa ku whê sia ntxo masi ra fa ku fosa non, kua ma Sun nda pa zi sê buaru y na pa dana sê wha, na né pa zi sê vegonha. ⁹ An na mesê pa sê ku ta kundji ku kata un. ¹⁰ Punda whã whã ane ka fa: turu kata rê sa ê ka sa alê tia, mazi ongê rê sa flaku, y fa rê na sa buaru pa nkênu ndê wha. ¹¹ Nkênu si za kapô ndê ku ma non sa ny lumba ri kata non, ma non ta londji, ê sa pa non sa ny ason ma non sa ingê. ¹² Na siga petu ri ka gaba non ô mindji non ku nkênu si ku ka kata ra ê mé mazi, ma ka mindji axé a ka mindji ku whã whã, na ntê wha. ¹³ Non, sô, na goia motxiru wha, mazi non zi sô ndjira ku Dêssu manda, kuali ma ka tua. ¹⁴ Punda na sêdy ma tua, fô pimelu non tua ku Vangelhu ri Kistu. ¹⁵ Non na goia motxiru wha, non taba alêyu, ra otô mora, whara ku, sô afé sê ka klesê, nseke taba non si supanda, letu ri ndji ri zi kua é. ¹⁶ Non whara ra kua é, pa non pô pega Vangelhu nga é mé punda ra sê. Non na ka goia whã ri taba ziru ny nseke ri otô. ¹⁷ Mazi nkênu ku ka ra goia, goia ny Sun. ¹⁸ Punda na sa kua ma manda bô mé ku sa buaru, mazi nkênu si ma Sun manda.