¹ Ra tempu ku ola, sê na pisisa ra kua pa sisika kua pa an sisiké ra sê wha. ² Sê ta veré ma ria Sun ka bi mora ladron nsuku. ³ Ola a ka fa: pazi ku segurasa, Sa a ka bi bilokê ku turu kua séru. Ê ka sa mora ma mengai ku bega ka sa ku dolo pari, sô ane na ka tê mora skapa wha. ⁴ Mazi sê, ná mon, na ka ta kulu, mora ma ri-é ka tua sê mora ladron wha. ⁵ Sê sa ná kandjia ku ná ria. Nón na sa ná nsuku ô kulu wha. ⁶ Nón na ka rumi mora ôtô ka zi wha, mazi nón ka seka zongo sô ka biri whê. ⁷ Punda ane ku ka rumi, rumi nsuku, sô ane ku ka bebera, bebera nsuku. ⁸ Mazi, ma nón sa ná ria nón ka ta ka biri whê. Nón ka pê klôa afé ku amole, ka whara savaso ku ka bi mora kapasetê. ⁹ Punda Dessu na distina nón ra leva wha, mazi pa nón tê salvason punda Sun nón Jizu Klistu. ¹⁰ Elê sô muê ra nón pa nón sa koraru ô ka rumi livi, pa nón vevia kota rê. ¹¹ Sô, nón ka komora sô zi ôtô mora ma sê ta ka zi. ¹² Nón ka pindji sê, ná amon pa sê ka ta nkênu ku ka taba katxi sê ku ka tua sê ny Sun, sô ka viza sê. ¹³ Tô pindji pa sê pia ane ku konson biriru ku amolê, punda suvisu ane. Vevia sosegaru. ¹⁴ Nón ka viza sê pa sê ka biri whê ku ane makiaru, ra ane nkênu ku ka mendu koson ka zura flaku, sô tê paxensa ku turu nkênu. ¹⁵ Ka biri whê pa né whã nkênu ka paga sê mali ku mali wha mazi ngolo zi buaru whã ku ôtô sô turu nkênu. ¹⁶ Ka ta ku ngoso semple. ¹⁷ Ka fa laso turu ria. ¹⁸ Ra glasa ku turu kua. Punda yé sa vonté Dessu, ku Klistu Jizu, ra nón. ¹⁹ Ná paga supitu wha. ²⁰ Na nega kua ma ka fa wha. ²¹ Ka pia turu kua, ngolo ku sa buaru, ²² Fô ra turu kua mali. ²³ Ma plopi Dessu dy pazi ka laba sê lokê. Ma turu supitu Rê, alima ku ongê sê ka sa lokeru sê lepenson ra ola Sun nón Jizu Klistu ka bi. ²⁴ Nkênu ku ka sama sê sa fieli sô Ê ka zi turu kua. ²⁵ Ná món fa laso ra nón turu. ²⁶ Fa turu ná món matxa ku whã bezu buaru. ²⁷ Nga pindji ane punda Sun, ma ka lê kata é ku turu ná món. ²⁸ Ma glasa Sun nón Jizu Klistu ka sa ku turu sê.