¹ Sô, ma nón na kapôi guenta dingui wha, nón ku kasa buaru dy ta sô ny Atena, ² Nón manda Timoteo, ná món non y ministlu dy Dessu ny Vangelho dy Klistu, ra sê fosa y mora relason afé sê. ³ Nón ndji kua xié mora pa néwhã nkênu ka sa xatiaru wha ra tibulason ixié. Punda sê ta ma nón fô destinaru da kué. ⁴ Veré mé, olá nón ta ku sê, nón fô visaru ma nón ka padisê ku aflison y kué kontesê, mora sê ta. ⁵ Punda ane kué-é, ma aun mandé pa un ta mora afé sê, sô ê pô sa tentaru, dy whã mora ma ka bê tentaru sê taba sê na ka sa vaun wha. ⁶ Mazi Timoteo bi lêlê nón bi ku notisia buaru dy afé nón ku amole. Mora ma Ê fa, sê semple ka tê lemblasa buaru dy nón y dezeja pia, nón axi mora ma nón dezeja pia sê. ⁷ Punda kua xié, ná mon, nón fô konfotaru punda afé sê, ny turu xatia ma nón sa ku aflison. ⁸ Sô nón aié nón ka vivê, si sê ta flimi ny Sun. ⁹ Sô kuantu glasa ma nón da Dessu ra sê, ra turu ngoso ku nón tê whê dy Dessu punda sê! ¹⁰ Suku ku pomonha nón fa lason turu pa bê polo sê ka ta kua ku ka fata afé sê ¹¹ Dessu plopi, Tata nón, Sun Jizu, ka zi mondja ra nón atê sê. ¹² Kua ma Sun ka zi aumenta abunda ny amolê whã ku ôtônda turu nkênu, axe mora nón turu ka zi ra sê. ¹³ Punda Êle ka sa ku fosa ny koso sê, pa sê sa puru ka sa limpu whê. Dessu Tata non, ny dia dy Sun Jizu ku turu Santo Rê.