¹ Xi kuali kuali inkorajamentu sen ni Klistu, kua kuali konsolu n´amolê dê, kua kuali komunhon ni Suplitu, kua kuali ûã modu mixikodji i kompaxon, ² bila gôstô mu kompletu plô ûã pensamentu tan, tê amolê sê ne, ta zuntadu ni Suplitu bila tê plopositu sê mé. ³ Na fé nada xi plô wê xa fa ô vangloia, maxi ku humildadi, pia ôtlô maxi buadu dô kê nansê mé. ⁴ Na plesta atenson tan da plopi mixidaji d´nansê fa, maji, têmbêtê d´ôtlô ngê. ⁵ Tê n nansê sentimentu sê mé ku tava ni Klistu Jisu, ⁶ isê tava ni modu di Desu ê na konsiderá sa mo di Desu fa mô di kwa xi ku tava sa fa. ⁷ Ni vê di kua sê Êlê mé mingua, toma foluma di ûã selivi, bila mô d´homé, bila mô figula di kliston, ⁸ Ê mé mingua, bila obdientxi antê motxi i ni motxi di klusu. ⁹ Plutantu Desu tembêté boyé ni ûã modu bila dê ûã nomi ku sa liba di tudu nomi. ¹⁰ Pla nomi di Jisu tudu zunta ka dobla, n´ósê, ni tela i ni basu tela. ¹¹ I pla kue tudu lungua ka kofesa kuê Klistu Jisu sa Sun, pla gloia di Desu Pé. ¹² Anton, inen amadu mu, modu ku nansé semplé obedêsé ê na sa tan ni plesnsa mu fa , maji mutu maxi miolé ni auznsa mu fé klesé stlavason nansé ku lispetu i tlêmê. ¹³ Punda ê sa ku kua fé kua n´ nansê axem mé n´nansê ô ni pé ô konfolmi vonté. ¹⁴ Fé tudu kua sê leklamason ni diskuson. ¹⁵ Fé ni moda sé pla nansê bila irreplensivel mina Desu sê klupa. I pla nansê pô lugi témbété mo kandja ni mundu, n´ômê di ûã gelason disonestu i diplavadu. ¹⁶ Guada flimi palavla di vida pan pôdi tê lazon pla gloia ni dja di Klistu. Só sõ nga sêbê kuma ami na kolê nê ami na tlaba duji duji fa. ¹⁷ Maji mô ku nga sa blokadu mô di ûã plesentxi di saklifisu ku stluviso di afé nansê, n ga gôgô ku nansê. ¹⁸ I di modu sê mé nanse tembêté tê gostô bila gogô ku ami. ¹⁹ Un ga guada ni sumu Jisu manda nanse Timotiu miolé, pla ku ami tembeté te kloson ôla nga lesebê nutixa di nansé. ²⁰ Só só na tê n´ûã ngê ku sentimentu da nansé, ni vêdê ku ka pô tê kuidadu ni kau xi ku nansé mesê. ²¹ Punda tudu dinen ka buka kua dinen plopi, maji kua di Klistu Jisu inon. ²² Maji nanse konse vivê plovadu plu nanse mô ûã anzu ku ka stlivi pé dê axem ê ka stlivi fê ku ami ni vangeli. ²³ Plutantu nga guada di mandê axem ku nga sêbê kua ku ka pô bi da ku ami. ²⁴ Maji û sa ku konfiansa ni Sumu ku ami tembêté ka bê miolé mê ²⁵ Anton nga kunda ku sa plixizu di manda inanséIplafoditu ôtlôvê. Ê sa manu mu tlabadô Dalton di luta mensagêlou nansé ngê ku ka zuda ni mixidaji mu. ²⁶ Êtava ku gunstia luma kiolo kiola di sa ku nansé, punda inen têndê kuê tava infermu. ²⁷ Vêdê mê ê tava doentxi untu kuaji molê. Maji Desu tinha mixikodje dê, êlê tan fa, maxi tembêtê d+ ami pan pô na tê tlisteza ni liba di tisteza. ²⁸ Plôtantu û ska mandê pla ôla nansé ka bila bêlê nansê ka tê gostó i ami ka ta livli di plekupason sê. ²⁹ Lêsêbê ni Sumu Epafloditu ku tudu gôstô i lispetu ningê mô dê. ³⁰ Ê sa plovia di stluvisu d´Klistu kuê kaudji molê, ê liska vida dê pê pô stlivi un bila sufli kuaxi ku nansé na pô fé dan fa.