( Salam Ontok Timotius) ¹ Jak Paulus, rasul Yesus Kristus nyo de pileh uleh kehendak Allah sesuoi dengan jenji kehidopon nyo ado delom Yesus Kristus. ² Ontok Timotius anak anak tekaseh. Anugerah, belas kaseh, ngan damai sejahtera jak Allah , Bepa, ngan Yesus Kristus, Tuhan kite. ³ Ake senantiaso bersyokor kepado Allah, nyo kulayani ngan hati nurani nyo bereseh upa nyo lah de laku ko nenek moyang ke. sejak ke teringot dengan me delom doa- doa ke siang ngan malom. Tekelah ake mengingot aek mato me, ake amat ngoleh ⁴ me mpok nyo ponoh sukacita ke. ⁵ Ake lah de ingot ko ngan iman me nyo tolos, nyo pertamo- tamo hidop lah delom nenek me Lois, ngan indok me Eunike, ngan ke yaken kinie delom kowe jugo. ⁶ Ontok alason niye lah , ake mengingot ko kowe empok teros mengabar ko karunia Allah nyo ado pado diri me melalui penumpangon tangon ke. ⁷ Sabab, Allah hopi memboriko kepado kite roh ketakuton, meloin ko roh kekuaton, kaseh, ngan penguasoon diri. ⁸ Jedi jengon malu besaksi tentang Tuhan kito apo tentang ke, tahanon-Nye. cuma sebelek nye, uleh kuaso Allah mehilu lah menderito demi Injil. ⁹ Eny lah menyelamat ko kite ngan mantou kite ngan panggilon kodos, bukon kareno perbuaton kite, meloin ko kareno tujuon ngan anugrah-Nye dewek lah Nyo boriko kepado kite delom Yesus Kristus sebolum denia ado. ¹⁰ Kinie, hal niye lah menjedi nyato melalui kedetongon Juruselamat kite Yesus Kristus nyo lah menghapos kemation ngan membewo kehidopon ngan kekekalon melalui Injil. ¹¹ Uleh Injil niye lah, ake d tonjok menjedi pengkhotbah, rasol, ngan guru. ¹² Enye lah sabab, ake menderito upah kinie. Hambok hopi malu uleh nyo ake tahu ko kepado siape ake pecayo ngan ake yaken behwa Enye sanggop menjago ape nyo lah Enyo pecayo ko dengan ke sampoi ari iye sampoi. ¹³ Pogong lah pokok- pokok ajaron sehat nyo lah kowe dongor jak ke delom iman ngan kaseh nyo ado delom Yesus Kristus. ¹⁴ Ngan Roh Kodos nyo tinggal de delom kite, jego lah bebeik reto berega nyo lah de pecayo ko ngan me ¹⁵ Kowe tahu ko fakta behwa segelo nyo ado de Asia lah bepaling jak ake, de antaro nye iyelah Figelus ngan Hermognes. ¹⁶ Kironye Tuhan mengarunio ko belas kaseh kepado rumah Onesiforus kareno nye recap mehibor ke ngan pi malu kareno ke te penjara. ¹⁷ Sebelek nye, tekela ke lah sampoi de Roma, nye en besemangot delok i ke ngan nomui ke. ¹⁸ Kiro nye Tuhan menunton empok nyo nye menomu ko belas kaseh jak Tuhan pado ari iy, sebagoi mone kowe dewek tahu ko berape lobot pelayanon lah nyo boriko ngan ke de Efesus.