¹ E kaa cɛmgɔbaw kɔɔ fwɔ ni ɲanpratinya ye, nga aa laji e na fwɔ e fa. kanmiinw laji e na fwɔ e baremancɛw . ² Mosokɔɔbaw laji e nafwɔ e baw, ka moso mɛnsɛnw laji e nafwɔ e baremamosow , tgo bɛnin na. ³ Moso minnun cɛw sara k'a to aa keen na , boɲan da wuu kan. ⁴ Nga nin dinw waman mamaninw min moso cɛ sanin jɔ fɛ , wu ra dgen kɛwari ɲunman kɛ ra aa ka sho mgɔw ye gare ka kanɲan nin yaa masa ɲansran we , ka aa woobgaw ka kwo ɲunma kɛ ninw ngɔn kɛ aa ye, Ala ye . ⁵ nga moso cɛ sanin miin man keen na , wori dgi da Yaa masa kan ka to Yaa masa daareba ra shu fra tee kan. ⁶ Nga moso min gwan ni ɲannapiɛ kwow nɔnŋan, wo sani no k'a ɲranma to. ⁷ Ayiwa wo kwow fwɔ aa ye ka gwreya, yaako aa ra kɛ yaakibiiw ye. ⁸ Mgɔ min ti mankwo dun a yɛɛ ka kwow ra sankoo a ka sho mgɔw, wo tgi ka dgu nin dananbii wee . ⁹ Moso cɛ sanin min shi we san biwɔɔrɔ sɔɔ, ni a tin kara cɛ keenpe moso ye, ¹⁰ nin a tgɔ ɲunman fwɔra a ka kɛwari ɲunmanw kɔsɔ, nin ee dɛnsɛnw lamyɔn, ni ee donanw ladun, ni ee yaa masa ka mgɔw sinw kwo, niee mgɔ tɔɔrɔninw, janman ka kɛwari shifa biɛ kɛ, wo tgɔ we she ka sɛbɛ . ¹¹ Moso cɛ sani min man kɔɔ ban ,e kaa sɔn ka wu tgɔw sɛbɛ , bari aa ngew ka aa sanma ka krista bla, aa na kɛ fru fɛ . ¹² Aa na yaaki aa ka layuru gare shɛnnin kaman. ¹³ Ka fra wo kan , aa kɛ saashɔw ye ka yaara yaara show ni ngɔ shɛ. Saashɔya dɛmɛn tɛ, aa ren aa daw dun mgɔw ka kwow biɛ ra ka mgɔw ka bundew fwɔ kɛɛnman, ka koma fwɔbiiw fwɔ. ¹⁴ We kaman ne man fɛ moso moso dɛɛnsɛn minnun cɛw sara aa segi ka cɛfrun ka dinw sɔɔ, ka aa makwo dun aa yɛɛkunw ka show ra, yaako aan dgu k'a na tgo shi sɔɔ ka an lagwashi . ¹⁵ Bari aa jɔɔ sra bla ka ban, k'a gwan shitani nɔnŋan. ¹⁶ Ni moso cɛ saninw jɔɔ min dananbga jɔ ka sho, wo ra wu janma, a k'a aa to Eglisi kunna, yaako moso cɛ sani miinnun mi aa keena Eglisi ra she ka wu janman. ¹⁷ Eglisi cɛmgɔba minnun ɲamnabgaya ɲunman kɛ , Eglisi la wuu jate ko aa ka kan nin boɲan fla ye , saanko minnun yaa masa ka koma waajuri ni mgɔw kran baara kɛ . ¹⁸ A fwɔra kitabu ra ko mishi min ɲɔn ɲinmin e kaa jɔ wo daa ra. A fwɔra fran ko baarakɛra ka kan ni a ka saa wee. ¹⁹ E k'a shɛɛrɛya dgu mnan eglisi cɛmgɔba kama , fwɔ ni shɛɛrɛ fla waama saba ka sɔɔ wo kwo ra . ²⁰ Mininun jrumu kɛ , wuu kɔɔfwɔ mgɔw biɛ ɲannan , yaako aa shɔw fran laa sran. ²¹ Ne ra fwɔ e fɛ ka gwreya yaa masa ni krista Yesu ani mɛɛkɛ ɲanatɔmɔniw ɲan na ki ya wo cew biɛ kɛ. E k'a mgɔ jɔ pisaya jɔ ye, e k'a mgɔ bɔ mgɔ ra. ²² E k'a e boo da shi kan jona ka a bla eglisi ra. E k'a jɛn ni mgɔ kpɛɛw ye aa ka kwo dguw ra. E yɛɛ tgan jrumu biɛ ma. ²³ E k'a je gwansan myi, divɛn kpɛɛnni myi e kɔɔbaa ni e ka banan shaanma kaman . ²⁴ Mgɔw jɔɔ ka jrumu yrala kɛɛn kan , aa ya aa ɲan kiti jaa ra, nga jɔ kpɛɛmanw taw laa gwan aa kwɔ. ²⁵ Wo tgo ra fran, kɛwari ɲunmanw na aa yira kɛɛn kan. Miinnun man bɔ kɛɛn kan jona, wuu dgonni ti naa to.