¹ Koma ɲi piɛnin no, ko ni mgɔ jɔ min Eglisi kɔɔshi bgaya yaara la, wo tgi min baara ɲunman ne fɛ. ² Waajibi ro Eglisi kɔɔshi bga ra kɛ mgɔ yaakibii ye, moso keen tgi yɛɛmlan bga akriman, a tgo bɛnnin, donan mlan bga, a ra she ka mgɔ kpɛɛman kran. ³ A k'a kɛ dɔɔ myinan ye, waaman mgɔ finman, fwɔ mgɔ min sabari. Ak'a kɛ kɛɛtgɛra ye, a kii gwan wari la. ⁴ A ra she ka a yɛɛkun ka sho mgɔw mnan ka ɲan, ka a dinw koo tgo ɲunman nan. ⁵ Bari ni mgɔ min tishe ka a ka sho ladun wee she ka e janto Masaba ka Eglisira tgo dii? ⁶ A k'a kɛ mgɔ tubinin kla ye, wo ra a kaa nan kɛ yɛɛboɲara ye ka yaakiri sɔɔ, e ko shitanin yaakira tgo minna. ⁷ A tgi tgɔ ɲunman nan fwɔ dananbiiw fɛ, yaako manfiɛyari k'a nan she a ma shitanin ka ngɛn daninw k'a nan a mlan. ⁸ Eglisi baarakɛraw la kɛ mgɔ sɛbɛw ye ni flankafwɔya tɛ, aa k'a kɛ dɔɔshɔru ye. Aa k'a kɛ tɔɔn dgu ɲininaru ye. ⁹ Ara shɛ bunde mara dananya kwow ra aa dosokun piɛnin na. ¹⁰ Aa ru kɔɔbɔ ban, wo kɔfɛ ni yaaki ja ma sɔɔ aa ra, aa she ka kɛ Eglisi baarakɛraw ye. ¹¹ Mosow biɛ ra kɛ mgɔ sɛbɛw ye, aak'a kɛ mgɔ tgɔ shɛn nanw ye. Aa ra kɛ yɛɛmnan bgaw ni dananmgɔw ye fɛɛn biɛ ra. ¹² Eglisi gaarakɛraw ra kɛ moso keen tgiw ye. Aa ra aa dinw nin aa ka show mnan ka ɲan. ¹³ Miin nun Eglisi ka baara kɛ ka ɲan, wu ɲanmgɔya ɲunman sɔɔ ka yarakpeya sɔɔ dananyara, wo miin mun krista Yesu ra. ¹⁴ Ne dgi man kan ko yani dɔɔnin ne na nan e fɛ ɲin nga ne kwo ɲinnun sɛbɛ ka ce e ma, ¹⁵ yaako ni ne ka myɛn mgɔ ka kan ka kwo miin kɛ masaba ka janman ɲunman shɛman, e ka wo dɔn wo min masaba ɲananma ka Eglisi we, shɛn samasin ni a sinsin ya ro. ¹⁶ Masaba ɲansran gundo ka bun kwo sɛbɛ, sɔsɔri ti wo ra. Masaba piiskoraman ni yra. jo jira a ma ɲin ɲunman fɛ Mɛɛkɛw ra jee. Waajuri kɛra a kwora shiyaw shɛman. Dananya kɛra ara diɲan ra. A kɔɔtara ka ta nɔɔrɔ ra.