¹ Ne Pori, Yesu ka cedin ka kanɲa nin ce jinin we ne ma aan krishi bga masabaa ni Krista Yesu fɛ, o miin maan dgiya ² we, nee sɛbɛ ɲi ce e ma, Timote, ye miin min ne din tkitki ye dananya ra. Aan fa masabanin dososhɔn ji e ma. ³ E to Efɛse na fwɔ ntunni timinnanjaa timinshii nta sŋan na Masedwanɛ janmana ra. Minnun min mŋɔw kranna ni kran kwla ye, a fwɔ fɛ ka gwɛrɛya ka araa o dabla, ⁴ k'a kaa gwan tarew ni bruju kwo daman dɔnbiiw ra. Wu sɔsɔri le wri drɔnw, kasɔɔ a ti bɛn ni masaba ka kwo latgɛnin ye, nin miin sɔɔ dananya ra. ⁵ Wora ce fwɔninw dapa man wev ka nŋan kannun, we bɔ dosokun piɛnin nin dosokun ɲunman a ni dananya sɛbɛ ra. ⁶ Mŋɔw jɔɔra yɛngɛɛn ka sra ɲuman mbla ka kɛ koma kpansanman fwɔ bgaw ye. ⁷ Aa ma fɛ k'aa kɛ sariya kaamgɔw ye, wo biɛ na ta aa koma miinun fwɔ a ni aa sinsinnin koma miinun kan, aa ti fwoyi fanmunya wu ra. ⁸ Aan na dɔn ko sariya kaɲi ni mgɔw ra a tgɔ ra. ⁹ Aan na dɔn ko sariya ma sgi mgɔ teenninw kanman fɔɔ kwodgu kɛraw ni murutiniw ni masaba ɲasranbiiw ni jrumunkɛraw ni masaba dɔnbiiw ni masaba bla bgaw ni fa pga bgaw ni ba pga bgaw ni mgɔ pga bgaw , ¹⁰ ani kakalaw ni miinun naa cɛ ngɔnw ɲini ani mgɔ soɲanaw, nifinɲafwɔw ni shɛrɛ dgu miinun naa kii finɲa kan, ani kwo miinun kran sɛbɛ sɔsɔ. ¹¹ Wo sariya sgira ka kanɲa ni dubatgi masaba nɔɔrɔ kibaru ju man we ,wo miin karifara ne ma. ¹² Nee baaka da an matgi krista yesu ye. wo miin she ji ne man, bari e ne jate dananaya mgɔ ye ka ne bla a ka baara ra. ¹³ Ari ka sɔɔ ne ra tgɔ dgu fwɔ ka kɔɔ, ka kɛ mgɔw tɔɔrɔ bga ye ni mgɔ fiinma ye. Nga masaba makarira nen ra, bari nee wo kɛ dananbiiya ni kwodɔnbiiya ra. ¹⁴ An matgi ka nɛɛman boɲannan kwosɛbɛ ni dananya ni kanunya wee miin min krista yesu ra. ¹⁵ Koma ɲi piɛnin no, mgɔw ka kan ka a mlan, ka dɔn ko yesu krista naa diɲɛ na yaako jrunmun kɛraw la krishi. Ne mi wu biɛra jrunmun kɛraba wee ye. ¹⁶ Ne min mun wu biɛ ra jrunmun kɛraba we, masaba makarira ne ra wee kaman, yaako yesu krista r'a ka munɲu biɛ yira ne ka kwo kɛninw na, wora mgɔ minun na da a ra ka ɲananmaya banbii sɔɔ, nen ra kɛ ɲayira nan ye wu ra ¹⁷ .Badaa masacɛ wo, sa bii wo, je bii wo, akeenpe, wo ra boɲa ka tannu badaa- badaa aminna. ¹⁸ Ne din cɛ timote, ne ce ɲi fwɔ e fɛ ka kanɲa nin ceraya koma fwɔ ninw ye e ka ta boofɛ ka kɔɔ, kiya kɛɛ ɲunman kɛ ka kanɲa ni wuu ye. ¹⁹ Ka dananya ni dosokun ɲunman mara tin. mgɔw jɔɔ ra ka dosokun piɛninya bla. wure fri ka dananya sra bla, are kɛ nanfwɔ je kan krun we fri tgo miina. ²⁰ Himɛnɛ ni Alɛkisandre wu m'a jɔ ye. Nee wu dun shitanin boora, yako aa dgen a ra aa ka na masaba tgɔ shɛ.