¹ Ta koju a twatwa kogwon a lyangesi kasu se ko torojin kasu, ² a ta kekebi kulya narok ti na kak. Ata ke two matat na ringit na kobungot logwon i woli na ki lo, ilo mulokotyo nyu kikita i kiden na ngutu lo renya ngun kulo. ³ Yi ling koju gwong abulondi gwoso nagon yi mimindi, a yi kondi gwoso nagwon mugunya kang ko toili kang mimindi na nyena yi ling gwoso kule kilo ngutu logwon malu Ngun riring kulo. ⁴ Ama Ngun a kworonit i yatakinda abulondi nyarju nayit nagon nye nyarji yi na a duma parik 'bak temet. ⁵ Ma'di nagwon yi a twatwa kogwon ko lyangesi kang nu a kolumbu nye toruji yi i pirit na geleng ko Kristo- ta lwokku kogwon 'busan na nyarju na Ngun. ⁶ A nye tongiji yi i pirint na geleng ko Kristo Yesu, a tosi'dakindi yi i pirit na geleng ko lepeng ki yu i kak nagwon a meta. ⁷ lepeng a konda tina anyen tukworon duma na 'busan nayit na nyarju bongo kpikpiya tojo ko molu lu nakondi yi 'bura ko Kristo Yesu i mugun ni. ⁸ Ta aje lwokko kogwon yubbo nasu, ama na pwo ko Ngun 'ban a nasu, ama lepeng lo 'dogga ta, ⁹ yina lwokkit 'ban a ropet na kita, ko'ben lele ngutu pupurja mugun. ¹⁰ kogwon yi a tobodwan nayit, yi a gweki ko Kristo Yesu i mugun anyen konda konesi na'but nagwon Ngun a tetenakin a kokuwe kunu anyen yi bongo woro kata. ¹¹ Nyena yeyeji ta kulya kasu to ngutu logwon i yunge nasu a ngutu ti Juron kulo. Ngutu logwon lo lungu a lo "taworo kulu" lungu ta adi ta a ngutu logwon nyobulo "taworo" ama taworo nase a ngo nagwon ngutu kokon ko konisi kase. ¹² Yeyowodi ta adi i inu dingit ta gwon pajo ko Kristo, ta a lwakka i teng na Isaraele, ta 'bayin i dingitan nagwon Ngun a tomurunda ngutu kayit kayit i mugun ko milye kunu a ta ke si'da i na kak 'bak yenosi agwe 'bakan na Ngun. ¹³ Ama tiyana na ko Kristo i mugun to logwon koju gwon pajo kilo rima ti Kristo aje jon ta nyona. ¹⁴ Kogwon lepeng ko mugun nayit a tomorja yi a ngo geleng a tindi yi i gwong ko taling, a lepeng ke dukakin kak tomirikuna nagwon torja yi gwoso gorom na i tindu na mugun nayit. ¹⁵ Anyen tatarju saresi ti Yudayaki ko jujuwesi kasu ka'de ka'de. Lepeng a konda tina anyen nye bongo gweunda kine tengu murek ti ngutu a kakat naluduk geleng kayit i mugun anyen tikinda se i gwong to taling. ¹⁶ Lepeng a twan i kodini na goro anyen tomorunda yi ko Ngun ni a mugun geleng, a ke tatarju tomerikulan ko yina twan nayit. ¹⁷ Anye ke pwo a tokukindi ta logwong koju gwong pajo ko Ngun kilo Longe lo'but lo taling 'dok tokukindi i se logwong nyona kulo. ¹⁸ Kogwong kayit i mugun yi ling bubulo tu ko Ngun Monye i komong i mulokotyo lokye logeleng. ¹⁹ Nyena ta konye gwong a lwakka ko a legelok. Ama ta ngutu ti Jur geleng i pirit na geleng ko ngutu ti Ngun ko a ti mede nayit. ²⁰ Ta nyu 'dukoki i pipilesi ti gwiyeki se ko ti midijin a Kristo Yesu ko mugun nayit gwe a ngurupit duma lo ngonget. ²¹ Logwon kadi ling tomoraki kayit i mugun tojo ko a 'dukoji ki a kadi nakye ko Matat i mugun. ²² Ta i mugun ta 'dok 'du'dukoji se ko kule ling i pirit na geleng i ina kadi kogwon kita na mulokotyo lokye anyen yi sisi'da kata