¹ A Saula nyuŋ gwe i jöggi kopoma i tatuja na ŋutu ti Matat kajujumuk, a lepeŋ iti ko koane duma yu, ² i piyuŋdya na waragalan nagon jopa i kadijik momoresi ti Yudayaki na gwon Damaseke yu kunu, anyen ko nye ködyö a ryö ŋutu logon kebbu lo Kiko kulo, lyan kode wate, a nye ködyo bulöni bulö morga se, a nyököddi se Yerusalema a rereka. ³ A na tiri nye Damaseke nagon nye gwe nyona ko köji nu, a ’de ’de parara na po ki pararakiŋdye kanyit i swötön liŋ. ⁴ A lepeŋ ’dorone kak, a yiŋge gworo lo pija nye adi, Saula, Saula, ko nyo nagon do sasaŋdu nan sona? ⁵ A lepeŋ waddi pija adi, Do a pa pon Matat? A gworo lo waddi adi, Nan a Yesu logon do sasan lo. ⁶ Ŋine ki, ko luŋöni köji, do mo tataki po nagon do mo kökon kune. ⁷ A ŋutu lo jölö ko nye kulo gwo ’de gwo ’dan taliŋ; lepeŋat yiyiŋ gworo ama ti met lele ŋuto. ⁸ A Saula pine ki, a paji konyen kanyit ama a tine bulö meddya, nyena a lepeŋat jiŋge nye ko könin, a joŋgi nye Damaseke. ⁹ Perok musala nye ti bulö meddya, ’bak nyesu kode möju. ¹⁰ A lele kajujumunit gwe kata Damaseke, karin kanyit a Anania. Lepeŋ a meddya kulya nagon Matat a luŋgu nye adi, Anania. A nye ruŋge adi, Nan malo pon Matat. ¹¹ A Matat takiŋdye lepeŋ adi, Ŋine ki, ko iti i kiko lo luŋu a Lorigwo, i kadi na Yuda, ko pije lele ŋuto lo po Taruseu, karin kanyit a Saula; mete, lepeŋ ŋilu gwon i kwakwaddu. ¹² Lepeŋ ŋilu a meddya kulya kanyit i töili, kweja adi lele ŋuto karin kanyit a Anania luŋö kadi, a sopakiŋdye könisi kanyit ko lepeŋ loki anyen lepeŋ böpö memeddya köti. ¹³ A Anania waddi adi, Matat, ŋutu jore aje takin nan kulya ti ŋilo ŋuto i po narok jore nagon nye a konakin ŋutu kulök Yerusalema yu kunu. ¹⁴ Lepeŋ lo gwe ni kogwon koanejin temejik a tikin lepeŋ kido anyen ko momokaddu ŋutu liŋ logon ’diŋdya karin kunök i kwakwaddu kulo. ¹⁵ A Matat takiŋdye lepeŋ adi, Iti, kogwon nan aje wulun lepeŋ a titoni nio, anyen toreaddu karin kwe i ŋutu ti jurön, ko i moran se ko i ŋutu ti Yisaraele. ¹⁶ A nan ko mugun nio mo kwekiŋdye lepeŋ po jore nagon mo tomiörikin lepeŋ kogwon kulya kwe. ¹⁷ Nyena a Anania iti tu, a luŋöni kadi, a sopakiŋdye könisi kanyit ko Saula loki, a kulyani adi, Saula luŋaser, Matat Yesu logon a pukökin konut na pöri do ni i kiko nu, lepeŋ lo sunyuŋdyö nan anyen do köti böŋö memeddya, ko anyen do jojore ko Mulökötyo Loke. ¹⁸ ’De ’de a ŋo kunie gwoso kuperu ’do ’done kak kanyit i konyen a nye koti buloni bulo meddya. A kirut nye ŋine ki a batisani batisa, ¹⁹ a nyesi nyesu, a gwe ko riŋit. A nye iŋge si ’da ko ŋutu kajujumuk i pitit na geleŋ ko kulye perok Damaseke yu. ²⁰ ’De ’de a lepeŋ suluje tokujo kulya ti Yesu i kadijik momoresi ti Yudayaki adi, lepeŋ a Ŋuro lo Ŋun. ²¹ A ŋutu lio lo yiŋga lepeŋ kulo iŋge soŋu, a pije adi, Ŋilo ’bayin a ŋuto logon yöŋö tukaŋu ŋutu liŋ lo ’diŋdya kine karin i kwakwaddu Yerusalema yu lo le? Lepeŋ ŋona ti po ni ko ŋina yeyeet anyen ko momorga lepeŋat, a joŋgi se a rereka ko koanejin temejik yu le? ²² Ama a Saula puputuru ŋerot i tokujo ko riŋit, a lepeŋ iŋge te ’ya Yudayaki lo gwon Damaseke yu kulu na kwekiŋdye nye kaŋo adi Yesu ’diri a Masia nu. ²³ A i mukok nagon perok jore aje Iwoŋgu nu, a Yudayaki momori a Iwon anyen tatuja lepeŋ, ²⁴ ama a Saula iŋge den yeyeet nase. A se gwe i tiju na kotumiton ti gorom nagon a mariŋ na köji, ko tuparan ko tukwaje anyen tatuja lepeŋ; ²⁵ ama a ŋutu kanyit kajujumuk joŋgi lepeŋ kwaje, a tiŋdi lepeŋ i kupö lukata a koluŋdye lepeŋ kak i gorom loki nagon a mariŋ na köji. ²⁶ A na ’durokiŋdye nye Yerusalema nu, a nye ’deke morakiŋdya mugun i ŋutu kajujumuk, ama se liŋ kukujono lepeŋ kogwon se a ko yuŋ adi nye a kajujumunit. ²⁷ Ama a Barnaba parakiŋdye lepeŋ a joŋgi lepeŋ ko luyökie yu, a nyönyökökiŋdye lepeŋat adi lepeŋ aje met Matat i kiko, a Matat iŋge jambu ko lepeŋ, ko koti lepeŋ a tokujo ko topurwan i karin ti Yesu Damaseke yu. ²⁸ A Saula gwolore ko se i pirit na geleŋ, a wöröni abur Yerusalema kata. ²⁹ Lepeŋ totokujö ko topurwan i karin ti Matat, a koti jambi jambu a rerenyani ko Yudayaki logon jambu kutuk na Giriki kulo. Ama a lepeŋat ga ’yi tatuja lepeŋ, ³⁰ a nagon luŋasirik lo yubbo kulo aje den kine kulya nu, a se joŋgi lepeŋ Kaisaria, a soŋdi lepeŋ tojo Taruseu. ³¹ Nyenagon i ŋinu diŋit a kanisa gwe ko taliŋ i Yudaya ’bukuluŋ, ko i Galilaya, ko i Samaria, a iŋge gweye ki; a se ŋdine obi, a se gwolore i kugga na Matat a iŋge togolo ko Mulokotyo Loke. ³² A na worojine Petero i piriton liŋ nu, a nye koti iti Luda i ’yo ’yu na ŋutu ti Ŋun lo gwon nyu kulu. ³³ a lepeŋ ryeji lele ŋuto nyu karin kanyit a Ainea logon a bata mugun nanyit liŋ a twan, ko a rogga i dotoet kiŋajin budok. ³⁴ A Petero takiŋdye lepeŋ adi, Ainea, Yesu Kristo lo toke ’ya do, ŋine ki ko ŋudu ’ye dotoet inot. ’De ’de a lepeŋ ŋine ki. ³⁵ a ŋutu liŋ lo si ’da Luda ko Saron kulo iŋge met lepeŋ, a lepeŋat löpukwene ko Matat ni. ³⁶ A nene ŋuto kajujumunit gwe kata Yaŋo karin kanyit a Tabita. (Tabita i kutuk na Giriki luŋu a Doruka, nagon nyönyökö adi Nyajwa.) Lepeŋ ŋupi gwon i parakiŋdya na ŋutu ko a ka ’dokanit na lomerika. ³⁷ a gwe sona i ŋinu diŋit, a nye gilö ni ŋilo a twane twan, a ŋutu tukwoji öpu nanyit, a topirikiŋdye i nene kadi na gwon i koŋilore ki. ³⁸ Luda ko Yaŋo gwon nyona nyona, a na yiŋge kajujumuk adi Petero gwon Luda nu, a se soŋdi ŋutu murek i luŋgu na lepeŋ adi, Böŋo nyoŋgi po kayaŋ ni, an do ko karakin. ³⁹ Nyena a Petero ŋine ŋien, a moraddi ko se i pirit na geleŋ. A na ’durökiŋdye nye nu, a se joŋgi lepeŋ i kadi na gwon i koŋilore nu. A karu ’bejin liŋ dumökiŋdye Petero kiden, gwigwien ko kwekiŋdya lepeŋ boŋgwat nagon a muisi se ko kunie boŋgwat nagon Doruka a riŋakin se na gwoŋdi nye nyuŋ jörun nu. ⁴⁰ A Petero sonyoddi se liŋ kaŋo, a nye rugwuŋökine kak, a kwakwaddi kwakwaddu. A kirut a nye wöriŋöjine ko öpu na yu, a luŋgi lepeŋ adi, Tabita, ŋine ki. A lepeŋ ŋaji konyen kanyit, a na meddi nye Petero nu, a nye ŋiki ki i si ’da. ⁴¹ A Petero sukiŋdye lepeŋ könin, a ’biluŋdye lepeŋ ki, a kirut nye lupundye kayupök se ko karu ’bejin, a togwi ’dikiŋdye Tabita kase i komor jörun. ⁴² A kine kulya iŋge rekin Yaŋo ’bukuluŋ, a ŋutu jore iŋge yubbö Matat. ⁴³ A Petero iŋge si ’da Yaŋo yu ko perok jore ko lele ŋuto i ’baŋ logon a kaŋinyanit lo gobero, karin kanyit a Simona.