¹ Köti gwon sona Ikonio yu adi Paulo se ko Barnaba a luŋdi kadi nagon Yudayaki momora kata na, a iŋge jambu ’bura, nyena a Yudayaki se ko Lwaka jore parik iŋge yubbö. ² Ama a Yudayaki logon ti ’bön yubbö kulo toŋŋe töilyet ti Lwaka, a tiŋdi lepeŋat i maŋdu na luŋasirik lo yubbö kulo. ³ Nyena a Paulo se ko Barnaba iŋge gwolor nyu ko diŋit a najo. Lepeŋat jambu kulya ti Matat a purwat; a Matat iŋge ruk adi kulya na jam se i kulya ti ’busan na nyaŋu nanyit kune a gwak, kogwon nye a tiŋdu lepeŋat i koŋdya na kweyesi ko sörösi. ⁴ A lojore ti ŋinu köji iŋge koŋa, kulye a ti Yudayaki a kulye gwe a ti luyökie. ⁵ a kirut Lwaka se ko Yudayaki mora ko kasarak kase yeyeji i konakiŋdya na luyökie arabat, anyen gugubuja se ko ŋurupö. ⁶ a nagon luyökie aje den kine kulya nu, a se wöki Lusetura se ko Derbe nagon a köjinö ti Lukaŋ nia ko i jurön lo gwon i mara, ⁷ a lepeŋat iŋge tokujö Loŋe Lo ’but nyu. ⁸ A lele ŋuto logon a bata i mokosi suluja ko ŋote i pele lo gwe i si ’da kak Lusetura yu, mokosi kanyit a twatwa a gwe a ko wörö kwöŋ. ⁹ A lepeŋ iŋge yiŋ Paulo i jambu, a Paulo diŋe lepeŋ go, a iŋge den adi ŋilo ŋuto gwon ko yupet anyen nye totokela, ¹⁰ a Paulo kulyani ko gworo lobot adi, Gwo ’de ki gwogwo ko mokosi kulök! A lepeŋ labara ki a suluje wörö. ¹¹ A na meddi lodir lo ŋutu ŋo nagon Paulo a kon kune, a lepeŋat woŋoro ki ko kutuk nase na ŋutu ti Lukaŋ nia adi, Ŋunyen aje po kak kayaŋ ni gwoso ŋutu. ¹² A lepeŋat gweŋ Barnaba a Jeu, a Paulo gwiyöni a Ereme, i kogwon nye a monye katokuönit. ¹³ a kadi kwakwaset na Jeu gwe i kaŋo na köji, a koane lonyit joŋdi dwönin logon a tokwelenyo ko köturön kulo i kötumitön ti mariŋ na köji. A lepeŋ se ko ŋutu ’deke wukiŋdya se rubaŋga. ¹⁴ A nagon Barnaba se ko Paulo luyökie kulo aje yiŋ kine ŋo nu, a se kekereŋdi boŋgwat kase, a rumara ko lodir kiden, a kulyajine ki adi, ¹⁵ Yakulo, ko nyo nagon ta koŋdya sona? Yi a ŋutu jojo gwoso ta, yi a jakiŋdya ta Loŋe Lo ’but anyen ta löpukuŋdyö kaŋo i ŋo nagon a ŋo kana kine tojo ko Ŋun lo gwon jörun lo ni, logon a gweja ko ki ko kak, ko tör duma na ’balaŋ se ko ŋo liŋ lo gwon i lukata nase kulo. ¹⁶ Köju ’beron lepeŋ a kölökin jurön liŋ i koŋdya gwoso i ’dekesi kase. ¹⁷ ama nye a ko kölökin se kana ’bak kweyet, ama nye a kweja mugun i ŋo na ’but nagon nye kökon kune, kweja adi nye titikin ta kudu ki yu, a tiŋdi kinyojin i radan i diŋitan kase, a tikiŋdye ta kinyo a töjoreji töilyet kasu ko lyöŋön. ¹⁸ Ma ’di ko se a jambu kulyaesi gwoso kulo, a se ryeni a nago i teŋgu na lodir i wukiŋdya na se na rubaŋga. ¹⁹ A kulye Yudayaki ti Antlokia se ko ti Ikonio lo ’duröki, a se iŋge löpukörö ŋutu jore kase i swöt, a lepeŋat gugubuje Paulo ko ŋurupö, a piköddi lepeŋ kaŋo köji kata yeyeju adi lepeŋ ŋona aje twan. ²⁰ Ama a na momorakiŋdye ŋutu kajujumuk dumbö lepeŋ nu, a lepeŋ ŋine ki a luŋöni köji kata. A ko ’bure a lepeŋ se ko Barnaba iti Derbe. ²¹ A nagon Paulo ko Barnaba aje tokujö Loŋe Lo ’but Derbe yu a iŋge tiŋdu ŋutu jore i jujumbu na ŋilo kulyaet nu, a se yitöni Lusetura, a lwöŋöddi Ikonio tojo ko Antlokia, ²² totŋgoloddu töilyet ti ŋutu kajujumuk, a jujukiŋdye lepeŋat anyen yeŋon i ’debba na ŋina yupet, a kulyani adi, Yi agu ködyö tiri kiko lo sasanyesi jore anyen luŋö i Tumatyan na Ŋun. ²³ A se wuluŋdye temejik ti kanisajin liŋ geleŋ geleŋ, a kwakwaddi kwakwaddu ko mimiŋdya, a mo ’yi Matat i tiju na kilo ŋutu logon a yuŋ lepeŋ kilo. ²⁴ A kirut lepeŋat lwöŋöddi Pisidia a ’dure Pampulia. ²⁵ a nagon se aje tokujö kulyaet lo Ŋun Perga yu nu, a lepeŋat iti Atalia. ²⁶ Nyu a se kije i ki ’bo a iti Antlokia, i pirit nagon köju ŋutu a mo ’yu Ŋun i ’busan nanyit i tiju na lepeŋat kogwon kita nagon se soŋinana aje tutuŋökin na. ²⁷ a na ’durokiŋdye se Antlokia nu, a se luŋgi ŋutu lo momora a kanisa kulo i pirit na geleŋ, a se nyönyökökiŋdye lepeŋat ŋo liŋ nagon Ŋun a tikin se i koŋdya kune, a iŋge ŋakin ŋutu logon ’bayin a Yudayaki kilo kiko anyen yuyubbö. ²⁸ A se iŋge si ’da nyu ko diŋit a najo ko ŋutu kajujumuk i pirit na geleŋ.