¹ A ŋutu lo momora a kanisa Antlokia yu kulu gwe kata ko nebijin se ko katodinök ti kulyaet lo Ŋun, logon a ko Barnaba, ko Simeona (logon köti karin a Niger,) ko Lukio Kurenetyo, ko Manaen (logon wowoa ko Erode kasaranit i pirit na geleŋ lo), se ko Saula. ² a nagon se gwon i kitakiŋdya na Matat ko mimiŋdya nu, a Mulökötyo Loke takiŋdye lepeŋat adi, Gelaki ta nan Barnaba se ko Saula anyen koŋdya kita nagon nan a luŋukin se na. ³ A kirut a lepeŋat miŋdye miŋdya, a kwakwaddi kwakwaddu, a sopakiŋdye könisi kase ko lepeŋat loki, a sonyoddi lepeŋat. ⁴ Nyena a na soŋdi Mulökötyo Loke se nu a se iti tojo Seleukia; nyu a se kije i ki ’bo a iti Kuprio. ⁵ A na ’ŋurokiŋdye se Salami nu, a se tokuje kulyaet lo Ŋun i kadijik nagon Yudayaki momora kata. A Yoane gwe a kaparanit lose. ⁶ A lepeŋat iŋge wöröri ŋilu tikön ’bukuluŋ tojo ko Papo, a se ryeji lele ŋuto nyu logon a kawananit, karin kanyit a Bar-Yesu, lepeŋ a Yudayakityo ko a nebi ’burönit. ⁷ Lepeŋ a lele lo ŋutu ti mödir Sergio Paulo. Ŋilo mödir a lotolok, a luŋgi Barnaba se ko Saula a ’deke yiŋga kulyaet lo ŋun. ⁸ A kawananit, karin kanyit a Eluma ko kutuk na Giriki, rerenyani ko lepeŋat, a ga ’yi togiraddu mödir kaŋo i yupet. ⁹ A kirut Saula logon köti luŋu a Paulo lo a jore ko Mulö kötyo Loke, a diŋe lepeŋ go, a kulyani adi, ¹⁰ Do nuro lo Ŋilo kaŋöönit, do a miriku lo Ŋo liŋ na ’but, do a jore ko mumulukesi liŋ se ko ŋo narok liŋ. Nyo do ti kö ’yu tukwölöŋgu kikolin lo rigwo ti Matat? ¹¹ Mete, soŋinana konin lo Matat gwugwut do, a do de gwe a mo ’doke a tine bulo meddya kolor ko nene diŋit. ’De ’de a luru se ko mudwe poki kanyit i konyen, a lepeŋ wawaji wawaju ga ’yu ŋuto logon jiggö nye ko könin. ¹² A na meddi mödir kire ŋo i kona nu, a nye yubbe yubbo, a soŋi soŋu ko ŋo na todiniki lepeŋ i kulya ti Matat kune. ¹³ A Paulo se ko laŋet nanyit iti ko ki ’bo suluja Papo tojo Perga na gwon i jur lo Pampulia nu; ama a Yoane iŋge kolokin lepeŋat a yitöni Yerusalema. ¹⁴ A lepeŋat Iwoŋöddi gwo suluja Perga tojo Antlokia na Pisidia. A i lor lo Sabata a se iti i kadi momoret na Yudayaki a si ’dani kak. ¹⁵ A i mukök na kenari Saresi ti Mose se ko ŋo na wur nebijin kunu, a temejik ti kadi momoret soŋdi ŋuto i pija na lepeŋat adi, Luoasirik, ko ta kata ko lele kulyaet logon ta kukuji ŋutu, a ti ta jambi koi. ¹⁶ Nyena a Paulo ŋine ki a nanaji könin lonyit, a suluje jambu adi: Ta ŋutu ti Yisaraele se ko ta Lwaka liŋ logon kukugga Ŋun likaŋ kilo, yiŋge ta nan! ¹⁷ Ŋun lo kilo ŋutu ti Yisaraele köju a wuluŋdyö merenyejin kaŋ a iŋge toduma ’yu ŋutu kaŋ na mönuŋdye se a Lwaka i jur lo Ejipeto nu. A Ŋun ko riŋit nanyit duma iŋge jon lepeŋat kaŋo i ŋilu jur, ¹⁸ a lepeŋ iŋge ŋoŋga kulya kase i yobu ko kiŋajin gwoso merya iŋwan. ¹⁹ a nye iŋge tukaŋu gweyarijin buryo ti ŋutu i jur lo Kanana, a tiŋdi merenyejin kaŋ iruddya na jur lose ko kiŋajin gwoso miajin iŋwan ko merya mukanat. ²⁰ a i mukök a nye tiŋdi se ka ’duŋök ti putesi tojo ko diŋit na nebi Samuele. ²¹ A kirut lepeŋat piyuŋdye mor, a Ŋun tiŋdi se Saula ŋuro lo Kisi ŋuto lo kötumit na Benyamina, a nye iŋge saŋu ko kiŋajin merya iŋwan. ²² a i mukök nagon Ŋun aje ’dumaddu lepeŋ kaŋo nu, a nye tiŋdi Dawidi a mor lose. A kune gwe a kulya nagon Ŋun a jambu i kulya kanyit adi, Nan aje ryö adi Dawidi ŋuro lo Yisai a ŋuto logon toili liŋ ’de ’deggi, a lepeŋ mo koŋdi ŋo liŋ nagon nan ’de ’dekan kune. ²³ Dawidi a nye logon Ŋun a jakiŋdya Yisaraele Kalwökonit logon a Yesu lo i nyakwariat kanyit, gwoso na milyekiŋdye nye nu. ²⁴ I ŋerot nagon Yesu a ko nyuŋ po nu, Yoane a tokukiŋdyö ŋutu liŋ ti Yisaraele adi ti se löpuŋge toilyet anyen babatisa. ²⁵ a nagon Yoane gwe nyona ko tutuŋgö na kita nanyit nu, a lepeŋ jamakiŋdye ŋutu adi, Nan a leŋe nye logon ta yeyen lo, ama lele kata logon popo köyö i mukok logon nan ti jukin laggu kamuka kanyit. ²⁶ Ta luŋasirik logon a nyakwariat ti Abarayama se ko ta Lwaka logon kugga Ŋun kilo, kulyaet lo ŋina lwökit aje sunyuki yi. ²⁷ Kogwon ŋutu lo si ’da Yerusalema se ko kasarak kase köju a ko gwulu ŋilo Kalwökonit kode kuruŋdyö kulyaesi ti nebijin lo kena temba i Sabata kulo, ama a se koŋdi gwoso nagon nebijin köju a kulyari adi se mo kökon nu, kogwon se a ’duŋgö putet lo Yesu adi nye a loron. ²⁸ A se pije Pilato anyen tiŋdu lepeŋ i tatua, ma ’di nagon se a ko ryö kulya nagon tatuarikin lepeŋ. ²⁹ a nagon lepeŋat aje koŋdya ŋo liŋ gwoso nagon köju a wurörikin i kulya kanyit nu, a se ’dumuŋdye öpu nanyit kak i kodini na goro, a topirikiŋdye i gulöm. ³⁰ Ama a Ŋun iŋge toŋi lepeŋ i twan; ³¹ a lepeŋ iŋge pukokin perok jore i ŋutu logon a moruŋdya ko nye Galilaya yu tojo Yerusalema kulo. Kilo ŋutu soŋinana lo gwe a katokorok kanyit i ŋutu ti Yisaraele. ³² yi jakiŋdya ta Loŋe Lo ’but logon Ŋun köju a milyekin merenyejin kaŋ lo, ³³ a nye iŋge konakin yi logon a nyakwariat kase kulo milye lonyit, kogwon nye a toŋu Yesu i twan; köti a wurö i Sauma tomurek adi: Do a Ŋuro liŋ, nan lo yupuŋdyö do i lo lor. ³⁴ A kune gwe a kulya nagon Ŋun a jambu i kulya ti toŋiyu na lepeŋ i twan, anyen lepeŋ gwon ti twan köti a bure ’burön, adi, Nan mo titikin ta ’boriesi nake nagon ti jaran, gwoso na rukökiŋdye nan i tiŋdu na Dawidi köju nu. ³⁵ Nyena nye köti a jambu i lele Sauma adi, Do mo ti tiŋdu katwöyönit ilot i ’burön. ³⁶ Kogwon Dawidi köju a kita ’dekesi ti Ŋun i diŋit na gwolorgi nye nu, a lepeŋ twane twan a nukakine ko merenyejin kanyit i merete, a iŋge ’burön. ³⁷ Ama nye logon Ŋun a toŋi i twan lo, lepeŋ a ko ’burön. ³⁸ Nyenagon luŋasirik, dene ta den adi pitöki na toronjin a tuköki ta kogwon kulya ti ŋilo ŋuto. ³⁹ Nyena kogwon kulya ti lepeŋ, ŋutu liŋ lo yubbö kulo a kölöki ’bak putet i ŋo liŋ nagon Saresi ti Mose ködyö ti bulö kölökiŋdyö ta i gwon ’bak putet. ⁴⁰ Nyenagon kunyar ta an kine kulya pokin kasu loki nagon nebijin köju a jam kunu adi, ⁴¹ Ta ka ’dö ’döyök meddi ta, ko söŋi ta söŋu, ko liki ta likin, kogwon nan a koŋdya kita i perok kasu. ŋina kita ta ti yuŋ kwöŋ ma ’di ködyö lele ŋuto a tukökin ta. ⁴² A nagon Paulo se ko Barnaba lupundye kaŋo i kadi momoret nu, a ŋutu kulo mamaŋdi adi ti kilo kulyaesi böŋö jamakine se i Sabata lo popo köti. ⁴³ A i mukök nagon ŋutu lo momora aje rekin nu, a Yudayaki jore seko Lwaka jore logon a löpuggö ’börik a ti keri lo Yudayaki kulo kepoddi ko Paulo se ko Barnaba. A Paulo ko Barnaba jambi ko se a jujukiŋdye lepeŋat go anyen yeŋon i ’busan na Ŋun. ⁴⁴ A i ŋilu Sabata a ŋutu lojore ti köji iŋge momoruŋdya i yiŋga nakulyaet lo Ŋun. ⁴⁵ Ama a na meddi Yudayaki ŋutu jore parik nu, a se yule yulön parik, a renyani kulya na jam Paulo kune, a poki i momoröju na lepeŋ. ⁴⁶ a Paulo se ko Barnaba kulyajine ki ko topurwan adi, Kulyaet lo Ŋun agu ködyö jajamaki ta kiyaŋ, ama ta a renya lepeŋ, a ta iŋge ’duŋökin ’börik adi ta ti jukin wuju ru na yeŋ nyin, mete ta, ko sona yi kulo wöriŋoddi i ŋutu ti kulye jurön. ⁴⁷ Kogwon Matat a sarakin yi adi, Nan a tin do a parara i ŋutu ti jurönanyen do böŋö tokuöddu lwökit tojo ko ’dutesi ti kak. ⁴⁸ A na yiŋge Lwaka kine kulya nu, a se iŋge lyöŋon, a pupurje kulyaet lo Ŋun, a se logon Ŋun a wulökin ru na yeŋ nyin kulo yubbe yubbö. ⁴⁹ A kulyaet lo Matat iŋge rekin i jur ’bukuluŋ. ⁵⁰ Ama a Yudayaki jujukiŋdye ŋutu wate temejik katwöyök ti Ŋun, se ko ŋutu temejik ti köji, a toŋŋe lepeŋat anyen sasaŋdu Paulo ko Barnaba, a rikoddi se kaŋo kase i jur. ⁵¹ A Paulo ko Barnaba nanakiŋdye ŋutut kak kase i mokosi a kweyet anyen tokurukiŋdyö kulya ti lepeŋat, a se iti Ikonio. ⁵² A kajujumuk iŋge jore ko lyöŋön se ko Mulökötyo Loke.