¹ Nan simon petero koliponit ko a luyokie lo yesu kristo, roman ko ta logon ko yupet nagon a ‘bulit gwoso nikaŋ na. yina yupet ŋun likaŋ kalwokonit yesu kristo lo tindu yi liŋ kogwon lepeŋ a lo rigwo. ² Nan roman ko ta adi, ti’busan ko taliŋ gwe ko ta bia parik i denda nasu na ŋun ko na yesu matat likaŋ. ³ Matat likaŋ ko riŋit nayit na ŋun na, kere tindu yi ŋo liŋ nagon miminikin i gwon ko i kugga na ŋun. Yi a pu kine ŋo i denda nikaŋ na lepeŋ logon a luŋunda yi i ŋarju na bullet nayit ko gwon nayit a lobut parik kwekwelen. ⁴ Nyena kogwon kine ŋo nye kere milyekindo yi mulyejin dumalak parik logon ko ‘bulit, anyen i kine ŋo ta boŋo pupujo i ŋo na ‘bu’buron ti na kak kine kogwon ‘dekesi narok, ‘dok anyen ta boŋo ŋarunda gwon gwoso ŋun. ⁵ Nyena kogwon yina kuwe, tisakindi ta ‘borik i’yalakinda na kelan kasu i yupet, ko i ‘yalakinda na denda kasu i kelan, ⁶ Ko i ‘yalakinda na teŋgu na ‘borik kasu i denda, ko i ‘yalakinda na ŋaŋaddu tojo ko ‘dutet kasu i teŋgu na ‘borik, ko i ‘yalakinda na kugga na ŋun kasu i ŋoŋaddu tojo ko ‘dutet. ⁷ Ko i'yalakinda na toluŋaserin kasu i kugga na ŋun, ko i ‘yalakinda na nyarju kasu i toluŋaserin. ⁸ Kogwon ko tag won ko kine ŋo abur, a se tindi ta adi ta ‘bayin a yokia kode ‘bak ludweki i denda nasu na matat likaŋ yesu kristo. ⁹ Ama ŋuto logon ‘bak kine ŋo lo a mo’doke a koŋye metaddu pajo. Lepeŋ a boŋo adi nye a lalai I torajin kayitti ‘beron. ¹⁰ Nyenagon luŋasirik kuwe, tisakindi ta ‘borik anyen ta boŋo tindu luŋu nasu ko wulwe nasu i dena gwak-kogwon ko ta kokon kine ŋo a ta molu konye ‘doro su. ¹¹ A kirut ta molu rukokini i lupo a lui i tumatyan na yeŋ nyin na matat likaŋ kalwokonit yesu kristo. ¹² Ko na kuwe nan mimindi toyiyikindo ta kine kulya i diŋitan liŋ, ma’di kodo ta a den se ko kere gwi’dikin i to’diri nagon tag won ko nye na. ¹³ Nan yeyeju adi, meta a na’but koyo na gwongi nan nyu ko na mugun nagon a mororgo na, i toyiyikindo na ta kine kulya. ¹⁴ Kogwon nan deden adi o diŋit a na’dit nan molu kokolokin na morogo nio, gwoso na kwekindi matat likaŋ yesu kristo nan nu. ¹⁵ Nyena nan molu morju parik i tetenda adi ta molu yuyundo kine kulya i diŋitan liŋ na mindi ta i mukok nagon nan kere wudda i na kak na. ¹⁶ Kogwon na tukokindi yi ta riŋit na matat likaŋ yesu kristo se kop o nayit nu, yi ba ko mirakinda lukikirilon kana logon yolo ko koŋon na ŋutu, ama yi kere met lepeŋ ko konyen kaŋ i todumalan nayit. ¹⁷ Ŋun monye a bula a’dok toduma’yu lepeŋ, na pondi yilo gworo ki yuk o lepeŋ ni na i minyo loyit duma bia parik kulya adi, yilo a pilili lio lo ŋiro lo nyanyara logon nan a lyoŋgi parik lo. ¹⁸ Yi ko ‘borik kere yiŋ yilo gworo kuun ki yu, na gwondi yi ko lepeŋ i pirit na geleŋ i mere loke lo rurwan nu. ¹⁹ Kine ŋo a tin yi i yubbo bia parik kulyaesi lo jam nebijin koju kulu. Kodo a na’but ko ta yiyiŋ kilo kulyaesi, kogwon se gwon gwoso lombo lo kobbu i pirit nagon a mude tojo ko baŋun na kak, a dabur pukoki kasu i toilyet. ²⁰ Ama a kokwe dene ta den adi, lele ŋuto ‘bayin logon bubulo tokorju kulya ti ŋun na wuro nagon a keyo kune ko mgun nayit, ²¹ Kogwon ŋutu ‘bayin logon a wakunda keju, ama mulokotyo loke lo ri’dikinda koko i jamu na kulyaesi lo po ko ŋun.