¹ Salawat ta nebi Habakkuk: ² Yahwa, ana asuma kabara taki, wa ana kafu. Yahwa, hariku amail taki fi nus ta zaman de; fi nus ta sinin de kutu kede arufu; zekiru zalan taki wa amulu rahma taki le nina. ³ Allah ja min Teman, wa Huwo Kudus al wahid min Jebel Faran. Mejid tou mala samawat, wa ard mala be tesbih tou. ⁴ Mejid tou bi wala ze nur, itnin dou gi tala min iden tou; wa huwo dusu guwa tou hinak. ⁵ Ayan al batal bi ruwa fi gidam tou, wa mutu bi ja wara tou. ⁶ Huwo wogif wa gisu ard; huwo aiynu wa kutu ummam kafu. Hata jubal al abadi kasuru sukerin, wa tilalat al ma indu nihaya dengir. Sika tou ma indu nihaya. ⁷ Ana aiynu fi muskila fi khema ta Cushan, wa gumas ta khema fi ard ta Midian gi rogus. ⁸ Hal Yahwa zalan be nahar? Hal zalan taki did nahar, au inta zalan shedid min bahar, yau kutu inta arkab husan wa karlo taki ta nusra? ⁹ Inta tala danga taki ashan bi durubu; inta kutu nisab taki fi danga! Selah inta gesimu wata be anhar. ¹⁰ Jubal aiynu inta wa hizu be waja. Moya nezil min jubal wa kati umon; Bahar arfa sot fok. Huwo arfa amwaj tou fok. ¹¹ Shemis wa gamara wogif fi makan tomon al fok fi dou ta nishab taki ze umon gi tiri, wa laharba taki lamalama. ¹² Inta douru fi alam de kulu be zalan ta waja. Be zalan inta douru fi ras jes ta ummam ketir. ¹³ Inta tala ashan bi ankizu shab taki, le khalas ta al inta ikhtaru. Ita shetetu ras ta bet ta ashrar falata ariyanin min kura lahadi ragabta. Selah ¹⁴ Inta atanu khaid ta moharibin tou be laharba tou fi zaman al umon ja ashan bi shetet nina; hagara tomon ze zol al takiyan hajimu meskin fi mahal al huwo dusu fogo. ¹⁵ Inta gata bahar be hasin taki, wa hazimu amwaj al kebir. ¹⁶ Ana asuma, wa khof dakalu le ana! Lisan tai bi rugus min sot de. Adom tai biga tala deaf, wa kurenat tai biga bi ruguso fi zaman al ana lisa bi istena yom ta taab al bi ja le nas al hajimu nina. ¹⁷ Hata kan shejera ta tina ma kutu zuhur wa mafi intaj min karma; wa hata intaj ta shejera zeitun ma tamam wa zira ma tala akil; wa hata kan mafi bahaim fi zeriba wa mafi bagarat fi hazira, de hajat al ana bi ruwa amulu. ¹⁸ Lisa, ana bi kun farhan fi Yahwa. Ana bi kun murtah ashan Illah tai ta khalas. ¹⁹ Rabuna Yahwa yau guwa tai wa huwo amulu kura tai ze ta ghazal. Huwo kutu ana ruwa fok le makan aali. - Le modir ta muzica, de bi gunau be alat ta muzica.