¹ Ze Ezra seli wa ikterif, huwo kore wa jada nefsa tou tehet gidam al bet ta Allah. Al jama kebir ta rujal Israelien, nusuwan wa iyal limu le huwo, leanu al nas kan bi kore shedid. ² Shekaniah weled ta Jehiel ta al ajial ta Elam kelim le Ezra, ''Nina kalas biga ma umana le Allah ta nina wa kalas jouzu nusuwan ajnabiat min nas ta aradi tanin. Lakin be ragmi ta de, lisa raja fi le Israel. ³ Hasa kede nina amulu tifagia ma Allah ta nina ma rasulu bara kulu al nusuwan wa iyal tomon alahasab le towojihat wa faraid ta Allah ta nina, wa kede huwo biga amulu alahasab le al ganun. ⁴ Gum, leanu haja de yau le inta ashan nefisu, wa nina yau ma inta. Kun gowi wa amulu zede.'' ⁵ Ezra bada gam wa amulu muwazifin al khahana, al Lawien, wa kulu Israel wadu le amulu fi sika de. Kida umon kulu salu halifa shedid. ⁶ Biga Ezra gam min gidam al bet ta Allah wa masa le al guraf ta Jehohanan weled ta Eliashib. Huwo kan ma akulu ayi ess au sirib ayi moyo, mini huwo kan haznan bekusus al adam amana ta delin al kan biga fi abudiya. ⁷ Kida umon rasal kelima fi Yahuzah wa Urselim le kulu al nas al rija wara min mihjar le limu fi Urselim. ⁸ Ai wahid al biga ma ja fi talata ayom alahasab le towojihat min al muwazifin wa shiyuk bi sadiru kulu al momtakat tou wa kaman bi fasilu min al jama kebir ta al nas al kan rija wara min mihjar. ⁹ Kida kulu rujal ta Yahuzah wa Benjamin jamao fi Urselim fi talata ayom. Huwo kan al sahar tisa wa al yom isirin ta sahar. Kulu al nas geni fi al midan gidam al bet ta Allah, kayifin ashan be sabab haja de wa ashan al amtar. ¹⁰ Ezra al khahin gam wa kelimu, ''Intum be nefsa takum kalas irtakibu muamara. Intum aisin ma nusuwan ajanib be kida le zidu galat ta Israel. ¹¹ Lakin hasa wodi shukur le Allah, Allah ta judud takum, wa amulu irada tou. Fasilu min al nas ta al ard wa min al nusuan ajanib.'' ¹² Kulu jama juwabu be sot shedid, ''Nina bi amulu ze inta kalas kelimu. ¹³ Talama, hinak kan nas ketir, wa huwo kan al zaman mator. Nina kalas ma indi guwa le wogif be bara, wa de yau ma bes sokol ta wahid au itnin ayam, talama nina kalas amulu galat shedid fi hala de. ¹⁴ Baad de kede muwazifin ta nina mesilu kulu jama. Kede kulu delin kalas al rudu nusuwan ajnabiat le geni fi mudun ta ta nina ja fi al zaman al bi kutu ma shiyuk medina wa guda medina lahadi al zalan shedid ta Allah ta nina ruwa bara min nina.'' ¹⁵ Jonathan weled ta Asahel wa Jahzeiah weled ta Tikvah aridu de, wa Meshullam wa Shabbathai al Lawi diffa umon. ¹⁶ Kida nas al rija min mihjar amulu zede. Ezra al khahin iktaru rujal, al shiyuk fi usar ta judud tomon wa biyut-kulu min umon be isim, wa umon biga aiynu fogo gediya de fi al yom wahid ta sahar asara. ¹⁷ Fi al awel yom ta awel sahar umon kan kalasu iktasifu yatu rujal kan gaidin ma nusuwan ajnabiat. ¹⁸ Fi nus al ajial ta al khahana hinak kan fi delin al kan gaidin ma nusuwan ajnabiat. Wasat al ajial ta Jeshua weled ta Jozadak wa akwana tou hinak kan Maaseiah, Eliezer, Jarib, wa Gedaliah. ¹⁹ Kida umon fekir ashan rasulu nusuwan tomon bara. Talama umon biga muznibin, umon gedimu koruf min al zeriba le galat tomon. ²⁰ Wasat al ajial ta Immer: Hanani wa Zebadiah. ²¹ Wasat al ajial ta Harim: Maaseiah, Elijah, Shemaiah, Jehiel, wa Uzziah. ²² Wasat al ajial ta Pashhur: Elioenai, Maaseiah, Ishmael, Nethanel, Jozabad, wa Elasah. ²³ Wasat al Lawien: Jozabad, Shimei, Kelaiah-de yau, Kelita, Pethahiah, Yahuzah, wa Eliezer. ²⁴ Wasat al murenimin: Elisahib. Wasat al hurasbab: Shallum, Telem, wa Uri. ²⁵ Wasat al Israilen al bagin-wasat al ajial ta Parosh: Ramiah, Izziah, Malkijah, Mijamin, Eleazar, Malkijah, wa Benaiah. ²⁶ Wasat al ajial ta Elam: Mattaniah, Zechariah, Jehiel, Abdi, Jeremoth, wa Elijah. ²⁷ Wasat al ajial ta Zattu: Elionai, Eliashib, Mattaniah, Jeremoth, Zabad, wa Azia. ²⁸ Wasat al ajial ta Bebai: Jehohanan, Hananiah, Zabbai, wa Athlai. ²⁹ Wasat al ajial ta Bani: Meshullam, Malluk, Adaiah, Jashub, wa Sheal Jeremoth. ³⁰ Wasat al ajial ta Pahath-Moab: Adna, Kelal, Benaiah, Maaseiah, Mattaniah, Bezalel, Binnui, wa Manasseh. ³¹ Wasat al ajial ta Harim: Eliezer, Ishijah, Malkijah, Shemaiah, Shimeon, ³² Benjamin, Malluk, wa Shemariah. ³³ Wasat al ajial ta Hashum: Mattenai, Mattattah, Zabad, Eliphelet, Jeremai, Manasseh, wa Shimei. ³⁴ Wasat al ajial ta Bani: Maadai, Amram, Uel, ³⁵ Benaiah, Bedeiah, Keluhi, ³⁶ Vaniah, Meremoth, Eliashib, ³⁷ Mattaniah, Mattenai, wa Jaasu. ³⁸ Wasat al ajila ta Binnui: Shimei, ³⁹ Shelemiah, Nathan, Addaiah, ⁴⁰ Maknadebai, Shashai, Sharai ⁴¹ Azarel, Shelemiah, Shemariah, ⁴² Shallum, Amariah, wa Joseph. ⁴³ Wasat al ajial ta Nebo: Jeiel, Mattithiah, Zabad, Zebina, Jaddai, Joel, wa Benaiah. ⁴⁴ Kulu ta delin kan salu nusuwan ajnabiat wa indum iyal ma juzu minum.