¹ Ashan kida keli intum mesilu Allah, ze iyal ta Allah al mahbubiin. ² Wa gi ish fi muhaba, ze kaman Al Mesih hibu nina wa wodi nefsa tou ashan nina, hadiya al riha tou hilu wa zebiha le Allah. ³ Lakin ma keli kun fi hata fikra ta fasad ta jens au ai shikil ta najasa au tamaa, le anu del yau katiya le nas ta Allah al kudusiin. ⁴ Keli ma kun fi wasaka, wonusu al belid wa keli ma kun fi hizar al batal- kulu del katiya, lakin keli kun fi wodi shukuran. ⁵ keli intum kun mutakaakidiin min de, inu fasad ta jens, najasa, aw zol tamaa- de indu ai wirisa fi momlaka ta al Mesih wa Allah. ⁶ Keli zol ma kabasu intum ma kalam al ma hagiga, le sabab ta hajat deel yau khadab ta Allah bi ja le iyal ta adam taa . ⁷ Ashan kida,ma keli intum shariku umon. ⁸ Leanu intum kan fii duluma,lakin hasa intum fi fii nur ta Rabuna. dowru takum ze iyal ta nur ⁹ (Ashan samar ta nur de gi geni fi kulu al kwes, al biir wa al hak) ¹⁰ Wa fetisu hajat al Rabuna bi kun mukusut. ¹¹ Keli intum ma limu ma hajat duluma al ma bi jibu samar, lakin ashan keli intum aba umon. ¹² huwo fadiya hata kan zekiru hajat al umon amulu fi siir. ¹³ Lakin kan ai haja wala bi wasat nur, huwo bi kun zahir, ¹⁴ Leanu ai haja al biga zahir huwo nur. ashan kida bi kelim gali, "gum, intum al naimiin, wa keli gum min al mutu, wa al Mesih bi wala fi intum. ¹⁵ Kutu bala takum kwes kef intum bi ish- ma ze nas al ma indu hikma lakin ze nas al indu hikma. ¹⁶ Istefid min al wokit ashan ayamat biga shirir. ¹⁷ Ashan kida, keli intum ma kun belitin, lakin fahim takum irada ta Rabuna huwo shunu. ¹⁸ Keli intum ma kun sakaraniin be khamur, leanu bi wodi intum le akhlak al ma kwes. lakin, keli intum kun maliayaniin bi Roho al Kudus, ¹⁹ Keli intum guna be baad takum bi mazamiir wa taratil wa aghani rohiya wa amulu telehin le Rabuna be kulu gulub takum. ²⁰ Keli intum daiman wodi shukuran fi isim ta Rabuna ta nina Yesua al Mesih wa le Allah Al Ab , ²¹ Gedimu nefsa takum le baad ma ihtiram le Al Mesih. ²² Nusuwan, akhda le rujal kum , ze al Rabuna. ²³ Leanu rujal umon yau ras ta mara ze Al Mesih kaman yau ras ta kenisa. wa Yesua be nefsu yau mukalis ²⁴ Lakin ze kenisa, selim nefsu tou le Al Mesih, ashan kida nusuwan kede akhda le rujal tomon le rujal fi kulu haja. ²⁵ Rujal, hibu nuswan takum, ze Al Mesih hibu kenisa wa wodi nefsa le ajili kenisa. ²⁶ Al Mesih wodi nefsa tou ashan kenisa bi kun mukadas, nedifu huwo be kasil ta moyo ma kelima, ²⁷ Ashan huwo bi gedimu kenisa le nefsa tou ze majid, bedun katiya au wasaka au ai haja ze de, lakin mukadas bidun khata. ²⁸ Bi nefsu teriga rujal keli umon hibu nusuwan tomon ze gisim tomon. Zol al bi hibu mara tou huwo bi hibu nefsa tou. ²⁹ Leanu mafi zol bi akrah nefsa tou lakin huwo bi akilu wa bi ihtam ma gisim tou, ze Al Mesih bi amulu kenisa bi teriga kwes, ³⁰ Leanu nina adaa ta jisim tou. ³¹ "Le sabab de rajil bi sibu Abu tou wa uma tou wa bi limu ma mara tou, wa itniin bi kun gisim wahid". ³² De yau hagiga al dusu- lakin ana gi wonusu an Al Mesih wa al kenisa. ³³ Be kida, Kaman ai wahid min intum keli hibu mara tou ze nefsa tou, wa mara keli ihterim rajil tou.