¹ Mata shitimu zol ajush. Afadal, kede inta arshidu huwo ze abu taki. Ar-shidu sabab al shukar ze humon akwana taki. ² Ar-shidu nusuwan kubar ze umahat, wa nusuwan shukar ze ikuwat be kulu tahara au geliba abeyat. ³ iktaram nasawin al rujal to monon mutu, Aramil al hagiga. ⁴ Lakin kan armala indu iyal wele iyal ta iyal tou, keli umon awal alimu wori ethteram fi usura bitomon. keli umon dafa abuhat bitomon, le-anu de yau bi wodi farah le Allah. ⁵ v 5 Lakin mara al hagiga yau al fakat ragil towo,hiya sibu barau. Hiya bi kutu sikha tou fi Allah. Hiya daiman fi talabat wa salawat bilel wa nahar. ⁶ Lakin kaman mara al bi-ish fi asab farah ta gisim hiya maid, hata kan hiya lisa hai. ⁷ Beshir hajat del ashan kede humon ma bi kun indu lom. ⁸ Lakin kan zol ma bi wofiru le usura bitou, bizat le usura tou, huwo bi anguru iman wa bikun akhab min zol al ma muomin. ⁹ Kede sejilu mara ka aramala kan hiya wosulu akhatar min sitin sena, mara ta wahid rajil. ¹⁰ Hiya lazim bi arufu ashan amail al kwes, izakan hiya ihtam be iyal wele hiya bi deifu nas, wele kasulu kurain ta muominin,au saidu nas al tabanin, au wodi nufusum le kulu sokol al kwes. ¹¹ Lakin aramil al suhar, aba ashan bi shejelu umon fi kisif. Fa zaman umon wodi nufusuhum le niyat ta jisim did Al Mesih, umon deir ashan bi zowuju. ¹² Fi nefsu teriga umon bikun galtanin leanu umon kasuru waad al awel. ¹³ Umon bi arja ashan bi yogot bidun sokol. Umon bi lifu min bet le bet. ma bes ashan bi yogot sakit, lakin umon bikun ta wonusu nas wa haya ta nas. Umon bi kelim hajat al afrut umon ma bi kelimu. ¹⁴ Ana deir nusuwan al suhar ashan bi zowuju, ashan bi weledu iyal, bi dier bet, ashan ma keli fursa le nas al geir muomoinin bi tahamu nina ashan amulu kalam sherir. Fa ¹⁵ tanin kalas galabu ashan bi tabi sitan. ¹⁶ Iza mara al muomin indu aramil, keli hiya saidu umon, ashan kenisa ma bi indu tegila, ashan bi saidu aramil al hagiga. ¹⁷ Keli siyuk al bi hakimu kwes istehik ikhtiram double, Kasatan del al sakalin ma kilma wa fi dirasa. ¹⁸ Fa kitab al mukudas kelim, '' mata gofulu kasma ta tor kan bi akulu zura,'' wa zol al sahal bi istehek ajur. ¹⁹ Mata akudu tuhumat did shek ile kan fi itnin au talata shuhudin. ²⁰ Amulu tadil le khaityin gidam kulu nas ashan bagin bi kafu. ²¹ Ana bi amiru inta gidam Allah wa gidam Yesua Al Mesih wa malaikat bitomon al mukhtarin, be inu hafisu awamir bidun tefriga. ²² Mata istajil fi kutu yedak fi ras zol. mata sharik fi katiya ta zol tani. hafisu nefsak ashan takun nedif. ²³ .Mata ashurub moya bes lakin, shilu kamur besit le batna bitak ashan ayan bitak al mustemir. ²⁴ Katiya bita nas tanin maruf, wa umon bi yemsi gidamum le gediya. Lakin baad min katayat bi amsi waraum. ²⁵ Be nefsu teriga, baad sokolat al kwes maruf, lakin bagin bi agder dusu.