¹ Yesu kwi 'ibo aga ongu 'mu 'aidi ganyi ga. ² Nde, eziki anda'di mo'di ru 'ebwere ra rii birisi lisira dige. Anda a ndeka 'ai ai to si, Yezu 'jo mo'di ru ebwere ra na ni, "Ma'a ngwa, nyini asi kalanjoru.Enji nyidi eberu ra." ³ Nde, karania zipi 'jo aia lele ga,Mo'di di kulu'da Rubanga." ⁴ Yesu a aia ra ni nika ra si, edu 'jo, anyulu ra nga injwi ri anyini asi aga adusi? ⁵ Epe ri ingo 'i, 'joka, nya enji eberu ra 'i, de nga oru edu 'mu 'i? ⁶ Ki anyini nizo du Ago a 'bura ni okpwo vudige dia aa enji 'ebe zo,..."nga 'jo mo'di pa ebwere ra na ni,"Nga oru, ngi nya birisi to, edu 'mu nyidi zuga 'boru" ⁷ Ego na edu nga du oru ongu mu anda di 'boru. ⁸ De laki na kunde nga dii, 'auki okpwosi, ongu ecuki du Rubanga ni okpo di ni di kere 'bani ri ra. ⁹ Yesu a lagare ga na'a si, edu nde ego lungwele Mateo ri 'ri kema musoro lutazo ri di ni aga. 'jo anda ni,"eko 'maa vu."Anda nga oru ongu ko vuna rere. ¹⁰ Yesu a rizo nga nyare ga zuga rii, nde,'ba musoro luta'ba ri yayadu enji'ba to evo nyaki nga Yesu pi maju anda di pi to alu. ¹¹ De Farizei'ba kundeki dini, edu 'joki ma'ju anda di ni, "Anya laponyi kulunya linya 'ba musoru luta'ba ri pi enji'ba to alu 'adusi? ¹² Yesu ku'jo anda keri le'jo di, edu 'jo," 'Ba ru ibwe ri le akimu kuru/daktari kuru, tete 'ba ru injwi ri le anda ni ni. ¹³ Kulee anyivo anyeleni le'jo dini ekwi: "Male kiza, azi ku." Adusiku memu 'ba loso ri ni lungwere enji rure ga ayo ku, ki enji'ba. ¹⁴ Ma'ju Yuana di ongu 'joki,"Ama'ta abiri Farizei'ba to vuga vuga ndo, ki maju nyidi ta abiri ku adusi?" ¹⁵ Yesu 'jo aini,"'Ba karama lage di ni ga ri kuta asilajwa wa de uduwa ni ago adi aito na 'i? Ki odu uduwa ni ago zizo aidi si pi ri kemu ra, kedu kutaki abiri wo saa na si. ¹⁶ Mo'di alu sa so bongu 'udi ri bongu oku ri ni dige ku, adusiku ewo bale na kucwi bongu nani ga si pi, ongu liri ru'bare ri/cwire ri kuzwa ati ri ra. ¹⁷ Ba cu vino 'udi ri vino ni eni oku ri ni aga sa ku.De kedeki ra, eni napi kulufe pkweri pkweri ra, vino na kocu ra, ongu vino ni eni na kenjiru ra.Duna, kulu'baki vino 'udi ri vino ni eni udi ri ni aga, dini ai eri twa koluki ke'je. ¹⁸ Yesu a nga dini 'jozo aini rii, nde, mo'di ibu edere ukuma ga ri emu ongu wo andani anda ga. Ku'jo, "Ma'a zwa da bwa diadu di, ki emu, ti nya dyi ru na ni ge, anda kedu kenji ra." ¹⁹ Yesu nga oru ongu ko anda ni vu, maju andadi sa jo anda ni vusi. ²⁰ Nde adi, izi ibibi kere ku kinya mudi a limbi eri ri eki Yezu ni ogu ge si ongu elo anda bongu ni ti. ²¹ Adusiku 'jo asi si ni,"De amelo tete bongu na 'i sa, ma ni ru kebwe ra." ²² Ki Yezu lufuru ongu nde anda ni ra, edu 'jo anda ni,"Ma a zwa, 'ji asi, nya 'a 'ai 'ebe nyi ni ru e ibwe nya 'ai ezi nyini ru ni ibwe ra."Ongu izi na ni ru e mbgesa ra saa na si. ²³ De Yesu kesa mo'di 'ibu edere ukuma ga na di 'boru, nde 'ba nyamulere luvu'ba ri pi laki yaya'du to ko'jwaki. ²⁴ Anda 'jo, Anyivo dia si pi, za'angwa 'di pkwo ku, ki anda ku'ko 'odu."Ki 'guki anda ni cai to asi ge edema to asi ge. ²⁵ Ba ni laki na pi oyiki langwe pwa du, anda kwi zuga, edu ko za'angwa na diga, ongu za'angwa na nga oru. ²⁶ Ofu le'jo di di aca vu na ni a si mbwi tuwadu. ²⁷ Yesu a laga zo na a si rii, 'ba mi ako ri eri edu koki anda 'vu.Oluki ojware ga,"Kiza kuko nyi amasi ori ²⁸ Davide!" Yesu kwi zuga iledi, 'ba mi ako na pi evoki andadi. Yesu 'jo aini, "Anya'ai ra mede nga di wa 'i?" 'Joki anda ni, "Ooo,Opi." ²⁹ O iyo Yesu elo aini mi ongu 'jo,"Kederu anyini anya 'ai ni vuga si," ³⁰ ongu mi na pi awiru ra.Vu aru, Yesu 'etiti 'ai, 'jo,"Kulee anyi'ba mo'di zi kuni nga nga dini 'dile ga ku." ³¹ Ki ago eri di pi voki la'angwe ongu laseki le'jo dini ofu 'logo na ni asi borodu. ³² Ago eri na pi a vore ga pi ni ga si, nde, ezi mo'di loro'jore pkwe sitani a kole cwi ri Yesu di. ³³ De ado ori injwi na pi, mo'di na edu ,lo'joru ra.Laki na 'auki okpwisi ongu 'joki,"Nga dini di ederu bwu kuru Isaraili aga 'i!" ³⁴ Ki Farizei'ba 'jo,"Kuludo ori injwi ri mori amba ori injwi ri di si." ³⁵ Yesu lupi tauni ni 'a 'ba ni 'a to tuwadu. Anda lamu andaga nga lenika to sinagoga aidi ni 'a si, ofu loso opi di ni ngeka to yuka to ongu lajwa ovi mbwi mbwi ri ni ebweka to. ³⁶ De ku'jo anda kunde laki monigo na pi, kiza ko anda ni aisi cwi, adisiku 'ai asi'lajwa to/ongu di na pi kiru ra.Ecoru ki bilo mo'di aini leyire ri ako ri pi ani. ³⁷ Anda 'jo ma'ju andadi ni, "Anya lwale yayadu, ki 'bu'ba 'a'a ri ga toro angwadu 'ubi ku. ³⁸ Disidu kulee anye'elegi ezezeamvu ni 'ata di dudu kezwe 'ibu'ba anda di amvu aga."