¹ Kulee anyinde loso, anyede 'ibu anyidi loso ri'ba anda ga dudu akunde anyi ni si ku, de dini, anyevo anyesu dide anya Ata ni rubu ge ri di si ku. ² Ebedu, de anyike azi 'ba ekonyi zi ri 'ba ni, akuvu teretu anyini anda ga ku lunjwa lunjwa 'ba a edezori sinagoga/zo elegi di ni aga si onguru leti a si, dudu 'ba kecu 'ai ri di ani ku. Bwabwadu ama'jo anyini, esuki aia dide ra. ³ De nyike ekonyi, 'ebe nya di legi ge ri kuni nya di anda kede 'adu yani ku ⁴ dudu nya azi/ekonyi kukeru ciciri ni/ mugu mugu du.Oiyo, nya Ata ni ndere ciciri ni/mugu mugu du ri kuke nyini dide ra. ⁵ De anyelegi, anyolu lunjwa-lunjwa'ba ani ku, adusiku le kii edekaa zo Rubanga di ri ni aga ilegi ga i, ongu kede'kii leti bara ga ayosi du 'ba kunde ai kelegi i. Gbagba'du majoo anyini, 'ba di pi esu kii aia dide ra. ⁶ 6Ki anyilee, de anyelegi, anyikwi zuga iti lele. Anyala'bu koti cwi anyidi elegi anya ata'a ni Okole ri ni. Ongu anya ataa ni anyi endere ciri-ciri ni ri kuke anya dide ra. ⁷ De anyelegi, aka'ngwa le'jo konyi'ako ri idi-idi kelende 'ba Rubanga ni ni'ba ku ri di ani ku, adisiku kuraaki eri ai wa ni lo'jojo aidi yaya du ri si. ⁸ Disidu anyolu ai ani ku, adusiku anya' Ata ni anyile adu ya ni ra anyisa anda ni zire ku ku. ⁹ E'be du anyelegi di ani:'Ama Ata ni rubu ge ri,nya'ru kolu ecule/okole/ole, ¹⁰ Opi nidi kemu, le nyidi kederu vudige dia kalande anda a redezo rubu ge ri ani. ¹¹ Eke a'mani endu linya 'amadi odu cidu a ri 'i. ¹² E'be amani mori amadi, kalande ama mori 'bazi amadi a mori ebe zora ri ani. ¹³ Akuzi ama lunjwa lunjwa/ lubi lubi aga ku, rari lari ama anda ni injwigo ri di si. ¹⁴ Adusiku de anyebe 'bazi a enji ra, anya Ata ni rubu ge ri 'i sa kebe anya enzi ra. ¹⁵ Ti de anyebe enji aidi ku,anya Ata 'ebe anya enji sa ku. ¹⁶ De nyita 'abiri, ebe nyini andati kalande kiza lunjwa lunwa a 'ba a edezo ri di ani ku, kecoki aini andati mbwi dudu 'ba kuni 'ai kuta 'abiri 'i. Bwa bwadu ma'ajo anyini, esuki aia dide ra. ¹⁷ Ki de nyita 'abiri, efu nyini di odu si ongu jwe nyini andati ra dudu 'ba'azi kuni ku nyita 'abiri 'i, ¹⁸ ki tete Nya'ata ni ndere ciriciri ri kuni ni, vu na ni ga Nya'ata ni ndere ciriciri ri kuke nyini dide ra. ¹⁹ Anyuluta anyini limi vudige dia ku,ole o'bu nyala to a aiani enjire ga wa ri ni ga,, ongu ole 'ogu a ngule wa nga ogu zo ri ni ga. ²⁰ Dunasi,anyuluta anyini limi rubuge, ole 'obu pi nyala to a nga enjire ga kpwe ri ni ga, ongu ole ngule kpwe nga oguzo ri ni ga. ²¹ Adusi ku ya, nyini asi kolu te ole nya limi a olure ga ri ni ga. ²² Mi ni lombo / ingwe ru di 'i.Disidu, de nyini mi loso, nya ru borodu kuga ingwe si ra. ²³ Ki de nyini mi injwi, nyini ru kuga vu mudi si 'de. Disidu, de ingwe nyini aga ri bwadu vu mudi, vu mudi ni ini na kolu ingini pi? ²⁴ 'Modi alu kede Opi eri ni 'ibu kpwe, adusiku, ya kevu alu na ra, kule zi ri 'i, kusa kuta asi 'ibu edere ga azika ri ni, ongu kede zi ri ra. Nyede 'ibu Rubanga ni ongu limi ni to kpwe. ²⁵ Ebedu 'ama'jo anyini, nyini asidi kucoru kudi kulumvuru ku nya lidi si,'di nyinya 'adu kusa 'di nyimvu adu ; kusa nya 'ru a dile ga, 'di nyisu adu yasi 'i.Lidi zwa linya kuru, ongu 'ru zwa bongu kuru? ²⁶ Anyinde arinji oli aga ri pi 'i.Soki nga ku, lwaki anya ku ongulutaki anya ero aga si ku, ki anya 'Ata rubu ge keto 'ai kuke aini linya. Anyizwa 'ai kuru ya? Anya angi angi zwa aidi kuru ya? ²⁷ Anyini aga 'adi kenja anda lidi ni azo mita alu si wa anda a 'a rucoka si ni? Anyico 'a bongu ni le'jo si adusi? ²⁸ Anyinde adi ofu amvu aga ri pi kumbaki ingono ya 'i. Edeki 'ibu 'ku, soki bongu sa ku. ²⁹ Saa 'ama'jo anyini, Salmone ni bwa ri 'i sa okuta anda di ni aga si lusuru 'ofu di pi a aluzo ri di ani kuru. ³⁰ De Rubanga kulusu ayise amvu aga olure 'te endu ongu 'obu avia asi aga ri ri dini wa na, emu lusu anyi zwa di ra ku, anyi 'ba geni ga;angwadu to rii ³¹ Disidu, aku'ngi 'a ku 'jore ga, ''Obu anya 'adu? kusa,'Evo 'amvuki 'adu?'Kusa,'Asu bongu ingoni ri 'i? ³² Adusi ku pagania 'ba Rubanga ni niba ku ri kulundu nga ilepi ni, ongu anya 'Ata rubu ge ri nira anyile nga ile pi ra 'i. ³³ Ki anyindu 'ati opi andadi 'i loso loso anda andadi to, ongu nga di pi kukeru anyini 'borodu ra. ³⁴ Disidu, 'a 'angi 'a lejo obu a ri si ku, adusiku le'jo obu a ri 'ate anda ni ti. Odu alu alu ni injwi 'ate anda ni ra.