¹ Ini eze itu Rubanga si, Maria Madelena pi ai Mary ni azika ri to vo ki Yesu a budi ga. ² Na avuga vu oyoru okposi, adusi ya Angeli Opi di esi Rubu ga si, Li oni bu ni ti ga ri pi, edi ri di nani ga. ³ Andaa ovi kalande iyi lovi ani, ungu anda bangu ingwe swi ani. ⁴ Asikaria budi nani bara leteka ri pi ni ru di ori si okposi ungu ludeki vuru kalande ba oda ka ra ri ani ⁵ Angeli jo uku na ni, "Ori kuko anyi ku, adusi mani ra anyindu Yesu ni epale kuruce di ga rii. ⁶ Andaa ni dia iyo, enji da ga si ra, andaa jo zo ra ri ani. "Anyevo anyinde kare anda ni lare aga ri dii. ⁷ Anyivo ezeze anyijo andaa maju ni, ' Enzi da ga si ra. Anyinde laga anyini andaga galilea ga. Anyivo anyinde andaa ni na'a.' Majozo anyi ni ra ri ani." ⁸ Uku di ebeki'i budi rekaala ka ako, ori pi anjo to, edu fe ki maju na pi di ofu dini kere aga a'i ni. ⁹ Mbesa esuru ki Yesu pi to dii, Yesu zi a'i, "Owi anyi ra ya." Uku di evo andaa di, ru ki andaa ni. ¹⁰ Yesu jo a'i ni, " Ori kuko anyi ku. Anyivo anyijo ma adinji ni kuvo ki Galilea ga. Kevo kunde ki ma naa ra." ¹¹ Sa'a Uku na vo zo ri si, asekerea zipi budi ni mara luteka ri pi vo ki tawuni ga ati, nge ki ofu di amba nga azi ka Rubanga ni ri pi ni, nga borodu redere ile ni dile ga. ¹² Amba nga azi ka Rubanga ni ri pi amba vu di to a'iru ki, akuke rubia nja asekerrea budi ni mara luteka ri pi ni. ¹³ ungu kujo ki ai ni anyi jo Maju Yesu di evoki ini aga ogu ki ru na pi esu ama odu ga. ¹⁴ de ofu di kusa amba vu lasere di ni, amevo ameko'o anda to ama i dudu lejo kemu anyini di ge ku." ¹⁵ Di si du aseekerea ile du ki rubia di ungu edeki jozo a'ini ri ani. Ofu di aca Yudea ba ni twa du ungu kuki andaga bi endu.ss ¹⁶ Ki Maju mudi a limbi alu ripi voki Galilea ga, 'be Yezu a edetele aini ri ni ga. ¹⁷ de kujoki ai kunde andani, woki anda ni anda ga ongu ruki anda ni ra,ki 'ba zipi aini aga 'auki ra. ¹⁸ Yesu emu aidi, lojoru ai to, ongu 'jo, "Okpo borodu rubu aga vu aga ri to keru mani diga ¹⁹ Disidu anyivo anyiba vu borodu kecoru ma maju 'i. Anyike ,aini Batisimu, ru Ata di si, Ngwa di si, ongu Endi Okole ri di si. ²⁰ Anyeleni ai cara ma lenile anyini ripi ni vu okore ga borodu. Anyinde, molu anyito saa tuwadu si, bwi vu ni ti a lokore ga".