¹ Lele Yesu a lejo dipi ni eko’zo borodu ri si, jo anda’a maju ni, ² anyani ni ka ndu du odu eri avuga, thu ogboro lalika di kesa ra, ri ani, burangwa modi di akea epale kuruce dig a. ³ Ngbe sa’a ba nga azi kaa Rubanga adi ga ripi amba vura di to taru ki muru kaifa ni amba azi okole ridi boru. ⁴ Oba kii nga ni ti kare aluga Yesu ni kozo ogu’ogu du dile kpo. ⁵ Ri kii joa, “akuko andani odu karama di si ku, ayo si kudi lejo ezi bani lelega ku”. ⁶ Lele Yesu oluzo betania aga simone ni do’bo to ri di boru ri. ⁷ Saa anda’a di odu di Yesu a diga okpo rito kere aga, cu odu di Yesu a diga. ⁸ Lakini anda’a maju kujo a’I kunde nga di, angala ko ai cwi, jokii; odu enzi’a dini adu ni lejo si? ⁹ Esu di elezi lage okpo ri si, girisi na akea ba nga ako rini.” ¹⁰ Lakini Yesu a etiri ka ra si, jo aini, anyecandi izi di adu si? Nnga anda edele mani di ibu lose rere ri’i. ¹¹ Ba nga ako ri anya lele ga a’a, lakini male molu anya lele ga bobodu ku. ¹² De izi di cu odu di ma ruga, ede nga di ma sezo. ¹³ Amajo anyi ni nga gba rii, de ange ofu di vu boraduga odu vule ga ri si, ange izi di a edele mani rini dile ga, era anda ni du. ¹⁴ Mmodi zi alu maju mudi a limbi eri rini aga, run a lungwele yuda isikariote, ki amba’ba nga azika Rubanga ni ri di, ¹⁵ Do: “Anyike mania du nga de ma ke anda’a ni anya di g na’i?” ke kii laka girisi mudi ina. ¹⁶ Ri ti saa nasi, Yuda isikariote kulundu andloso anda ni Yesu ni lezi zo a’I ni pi. ¹⁷ Odu atizo’a mugata akukwe ako ri di si, maju evo jo ki Yesu ni, “ Nyile amo ba nyini kare lonyo karama lalika di ingwale? ¹⁸ Do, “Anyiro tawani aga ago zi di, anyijo laka, laponyi jo, “Ma’a saa ore angwadu. Memu hu ogbworu lalika din yare ma’a maju to nyi di boru.” ¹⁹ Maju die de nga Yesu a jozo a’i ni ri ani, aba ki lanya itu ogbworo lalika dir a. ²⁰ Saa undwe’laga ri si, Yesu ri vuru nga nya re anda maju mudi a limbi eri ripi to. ²¹ Saa a’i a nga nya re rii, Yesu jo, ‘amajo anyini nga gba rii, modi zianyini aga kemu kelezi ma ra ²² Kiza ko a’i cwi, mgbe modi alu-alu edo Yesu ni zile, Gba ma’i ku opi?” ²³ Yesu a’i, "mo’di di lusure ita aga meto alu ri kemu kelezi ma ni. ²⁴ Ago a bura kumu, gba kederu buku okole ri ajo zo ri ani, ki kolu anda inzwi modi bare nga ile kederu andaa di ga ri ni! Loso na kesu dubasi akuti andaa ni kuru." ²⁵ Yuda ni kumu kelezi andaa ni ni ri, zi, "Di ma 'i' ma'i ku ya lapwanyi? Yesu a'i' andaa ni,' Nyijo gba nyanga si nyi i." ²⁶ Saa ai nga nyaa re rii, Yesu du mugati, ongu co tutu laka, edu lati, pi ke a'i ni edu jo, "Anyi anyinya. di maa ru i." ²⁷ Na avuga, du kubaya obgu ke anjo, pi ke a'i ni jo, "Anyivu, anyi kwici du si. ²⁸ Adusiku di maa eri cara udi ri di i, ocure ba yayadu ni enji ebezo ri'i. ²⁹ Ki majoo anyini, ma mvu vino di idi ku, kufu sa odu mamvuo anyito udi opi mata'a di ni aga. ³⁰ De kungo kii longo iledii, edu vo kii be Oliveti ni di ge. ³¹ Yesu edu jo ai ni, "Anyi kwicidu si, ini endu ri si anyebe ma ra, adusi cwi ru buku okole ri ni aga, 'Ma mgba le'i dipi ni ongu andaa bilo kaca didi.' ³² Ki maa enjika avuga, memu malaga anyi ni Galilea ga ati ³³ Ki Petero jo andaa ni, "De ba twadu kebe nyi ra saa, ma'ile mebe nyi ku." ³⁴ Yesu jo andaa ni, " Gba-gbadu majo nyi ni, ini endu di si, a-u logo sa sira so re kuru du, nyi ga ma imbe vu ina." ³⁵ Petero jo andaa ni, "De kesu dazo nyito saa i, maga nyi ku." Maju zipi ri sa jo kii nga alua ri i. ³⁶ Na avu ga Yesu mu andaa maju to kare lungwe'le Gethsemane ni ga, pi jo ai ni," Onyori dia, mamu nale elegire." ³⁷ Andaa zi Petero pi bonzi eri Zebedeo di ri pi to ongu edo asi lajwa ori to. ³⁸ Ongu jo a'i ni, "Maa endi asi lajwa ko cwi bi daga. Anyelesi dia ongu anya mi kolu mbo, akunde nga redere ri. ³⁹ Andaa mu andaga ga'angwadu, de elu anda vuru, ongu andaa elegi. Kujo, " Mataa, de kederu wa, kubaya icandi di di galaga madi si pi. Kederu ma le si ku, ki nya le kederu nyaa le si." ⁴⁰ Engwi maju ile pi di, esu ai odu ga, ongu jo Petro ni, " Anya mi kolu mgbo mato saa ni mi alu saa kpe ya? ⁴¹ Anya mi kolu mgbo ongu anyelegi dudu anyikwi lubi aga ku. Endi le ra, lakini ru mori ako." ⁴² Andaa ngwi vu eri zo ri si ongu elegi, kujo, "Mataa, de kubaya di kalaga madisi pi ni kpe ti amamvu to, nya le kederu ni." ⁴³ To engwi idi ongu esu kuko kii odu, adusi, a'ia mi odusi angi. ⁴⁴ Ebe a'i idi, andaa ngwi pi elegi re vu ina zo ri si, edu angwa lejo alu-alua ri ayo. ⁴⁵ Edu engwi maju ile pi di, jo a'i ni, "Adi anyolu oduga, pi anyolovu ya? Anyinde saa ni esa ra, ago a bura akee enzi'ba ni di ga. ⁴⁶ Anyinga oru, akuvo kii. Anyinde, modi ma lezire ri esa ire." ⁴⁷ Adi andaa nga ile ekore kuru ri, Yuda ni maju mudi alimbi eri ri a alu i ri evo kii ba kare ako to ba nga azika Rubanga ni ri pi ba zi pi amba ri to ri pi di si. A'ia asekerea eko iligo aia di ga to. ⁴⁸ Juda jo ai'ni, "Modi mamu ma ndu elemvu na ri andaa i. Anyiko andaa ni." ⁴⁹ Mgbesa andaa eki Yesu di, pi jo laka, "Mazi nyi ra laponyi laponyi!" Mgbesaa nju ti na to. ⁵⁰ Yesu jo laka, "Morozii, anyede nga anya evo le edele ri." Mgbe sa evoki, koki Yesu ni pi. ⁵¹ Mgbesa modi zi alu majugo Yesu to ire ri zi di, enzu iligo, edu ga opigo alu amba nga azikaa Rubanga ni ri di a bi tuu. ⁵² Yesu jo laka, "Longwi Nyaa iligo ile kare aru, adusi ba twadu iligo ebukaa ri pi kevo koloko iligo si. ⁵³ Anyiraa si na malunge Rubanga Mataa ni kezwe du angeli Rubanga di mudilimbiri ni zware ra ri maa nga mba re ni kpe ya? ⁵⁴ Ki de dini na nga buku okole ri a jole kemu kederu ra ri ni, kederu ingoni? ⁵⁵ Saa na si Yesu jo ba evokaa Kare ako na pi ni, "Anyevo iligo to pi bele to ma kore ogu ani adusi? Odu cidu si mari nga leni re zo Rubanga di ni aga, ki anyiko ma kuru. ⁵⁶ Ki nga di borodu ederu dudu nga profetaa a jole buku okole ri ni aga ri kederu dura." Mgbesaa maju andaa di ebe andaa ni ra ongu fe ki pi. ⁵⁷ Ba Yesu ni kokaa ri zi kii andaa ni Caiaphas ni paderea ni di ri di pi, kare karania ongu ba amba ri a rutare aga kare aluga ri ni ga. ⁵⁸ Ki Petero ko vu na lolu si bi foro padere amba ri di ri ni ga. Andaa kwi zuga ongu ri vuru asekerea nga lute kaa ri pi to dudu andaa kunde du anduninga kederu ni ya i. ⁵⁹ Diadu padere amba ile ba amba ibu edekaa andaa to ri pi to kulundu kii sadeni ego ri Yesu aruga ayosi du ai kudidu andaa ni kpo. ⁶⁰ Esu kii alusaa kuru, kesu saden enjo ri kevo yayadu saa i. Ki ba eri evo kii andaga ⁶¹ pi jokii, "Ago di jo, 'Mani mori aa zo Rubanga di di enzi zo ra ongu mabia idi odu ina avuga." ⁶² Padere go amba ri nga oru pi jo laka, "Nyini nga ai le iyo ya? Aduningana aia jole injwi-injwi nyaa ru ge rii?" ⁶³ Ki Yesu olu ciri. Padere amba di jo laka, "Mai nyi ni Rubanga a ru si, jo amani de nyi Christo ni Rubanga a ngwa i na i." ⁶⁴ Yesu ai laka,"Nyaa joka nyaa nga si ri ani. Ki majoa anyi ni, ri zo diadu mu zo andaga, anyidea ago a bura kuri di anda mori di ni ga, ongu kemu lofu rubu ge ri ni ga si. ⁶⁵ Padere amba di cwi andaa bongu kpa , Kujo, "Jo nga ingwi Rubanga a ruge! Ngana ama sadeni lezo ri adu? Anyinde, diadu anyeri nga injwi andaa jole Rubanga a ruge ri ra. ⁶⁶ Anyira adu?" A'i kii, "Nga ile ate da." ⁶⁷ Ongu wi kii tuze mi'aru, mgba kii ongu zipi di kii andaa ni dimgburu si, ⁶⁸ ongu jo ki, "Etede amani, Christo. Adi mgba nyini?" ⁶⁹ Esu Petero a ri re laangwe foro aga (kudidi), ongu zangwa ibu di naa ri emu andaa di pi jo laka, "Nyisaa nyiri olure Yesu ni Galileya go ri to." ⁷⁰ Ki andaa ga imgbe aia anda ga si twadu, kujo, "Mani anyolojoru aduni dile ga ya ni ku." ⁷¹ De andaa lagare goti ge si rii, zangwa ibu di zina sa nde andaa ni ra, pi jo ba naa ri pi ni, "Ago di isa ri ki olure Yesu ni Nazereti go ri to." ⁷² To andaa ga imgbe lalu to, "Ma ni ago ile ku!" ⁷³ Ga dini, ba ede kaa ire naa ri evo kii jo kii Petero ni, "Gbadu nyisa nyi aia aluna ni , adusiku ovi nyaa nga jozo ri ketede nyi pi ni." ⁷⁴ Na avuga edo ija mvukaa ralukaa to, "Madi mani modi ile ku," ongu mgbe a-u logo so sira. ⁷⁵ Petero era lejo Yesu a jole andaa ni ri, "Mgbesaa andaa ki langwe ongu owu okposi.