¹ Odu nasi Yezu fu zuga si , mu ri meri tige. ² Laki yayadu ke mara na gwi, ebedu anda kwi 'ri ibo aga, ki laki napi edeki meri tige. ³ Yezu 'jo aini nga yayadu leti obebi di si. anda 'jo,"Anyinde, Losire mu ori yire ga. ⁴ Ada ori yire ga, zipi 'jo leti mara ga ongu arinji evo nya ai ra. ⁵ Ori zipi 'jo inga onikwi to ri ni aga.Mbwesa ngaki pi inga na a oluka enyo si. ⁶ Ki itu efu iledi, edu gweki ra adusiku 'zu napi kwi vuru kuru; edu lonyuki gweki ra. ⁷ Ori zipi deki kwe oki to ri pi ni aga. Kwe oki to dipi mbaki oru edu enduki ai ra. ⁸ Ori zipi deki inga loso ri ni aga, ongu baki ori ra,zipi mia alu ni pi, zipi mudi azia,ongu zipi mudina. ⁹ Modi bi to ri keri le'jo di" ¹⁰ Maju evo 'joki Yezu ni,"Nyolo'joru laki dipi ni leti obebi di sin 'adusi?" ¹¹ Yezu 'ai aini," Anda loso nyuma Opi rubu ge ri di ni erizo wa ri keru anyini ra, ki keru aini kuru. ¹² Aduku 'modi nga to ri ni enja nga ra, onguru kolu elonyi to. Ki 'modi nga ako ri ni, nga 'bwa andadi aa na i sa aduo andadi si pi. ¹³ Di le'jo ekwi ma loro'jozo aini le'ti obebi di si ri 'i:Kundeki nga wa sa, kundeki nga pkwe; keriki nga wa sa, eriki nga ni anda ku. ¹⁴ Aini du nga profeta Isaia a 'jole ederu ra kalande anda 'jo zo ri ra ri ani,"Anya nga erika wa ni dige si saa anyeri nga ni ekwi ku; ongu anya nga ndere ga si saa, anyetiri nga ku. ¹⁵ Adusiku 'ba dipini asi evo angi,onguru eriki nga ku, ongu la'buki aia mi cwi, dudu ai kunde nga ku, kusa ia keri nga aia 'bi si ku,kusa ai keridu nga aia asi si ku, aini lurufuzu idi, mani aini ru ebwele.' ¹⁶ Ki anda loso anya mi ni, adusiku kundeki nga; pi anda loso anya bi ni to, adusiku keriki nga. ¹⁷ Bwa bwadu ama'jo anyini, profetaa yayadu pi 'ba loso ri to esu leki nga anya ndele di ni ndele ra, ki fuki ndee si kuru. Esu leki nga anya erile di ni erile ra, ki fuki eria si kuru. ¹⁸ Anyeri obebi mo'di losire mure anda ori yire ri di oio. ¹⁹ De mo'di keri lejo Opi Rubanga di di ra, ki keri ekwi na kuru,anda ni injwi ri sitani kemu kugwi nga yile anda ni asi ge ri pi.Di ori yile leti mara ga ri 'i. ²⁰ Ori yile onikwi aga ri anda ni mo'di le'jo di ni erire onguru 'aire mgbwesa anjo to ri 'i' ²¹ ki anda ni zu ako, kuko le'jo na ga'angwadu. De ecandi pi receka to le'jo Rubanga di si ri kenga ni, anda kude eze angwa du./kuga le,jo ile eze angwa du. ²² Ori yile kwe oki to ri ni aga ri andani mo'di le'jo erire ra, ki le'jo vudige dia ri pi lunjwa lunjwa elonyi vudige dia ri di to kendu le'jo ile ra, ebe du kolu 'oa ako. ²³ Ori yile inga loso ri ni aga ri anda ni mo'di le'jo erire ra, ongu ekwi na ni erire ra ri 'i. Kedu ku'a 'oa ongu kezi ori, zipi mia alu, zini aga mudi azia, zi ni aga mudina, lasu na ni vuga si. ²⁴ Yezu 'be aiani obebi zi. Ku'jo,"Opi rubu di viru mo'di ori loso ri ni yire anda di amvu aga ri ani. ²⁵ Ki saa ba a odu ko zo ri si, ojja 'bazi andadi evoki aisa yiki ava/owowu ori loso na ni aga, ongu voki pi. ²⁶ De anya ni bi ku'jo adi kefu,ezi anya ra, vu naniga, ava sa edu efu. ²⁷ Ibu'ba vu nani ata di evo jo'ki anda ni,'Amba, esu nyiyi ori loso ri nyidi amvu aga ayo ku ya?Ti diadu ori injwi ri ekwi laka ingoni? ²⁸ Anda 'jo aini, 'Ojja rezi ede nga ile ni.'Ibu'ba edu 'jo anda ni, Disidu nyile amavo onjua ru pi ya?' ²⁹ Vu ni ata ku'jo, 'Ku.Adusi anya owowu onjure ga si, nasi anyonju anya to. ³⁰ Anyebe kumbaki aludu bwi saa anya lwazo ri si.Saa anya lwazo ri si, ma'joo 'ba anya lwaba ri pi ni, " Ati anyonju ava ile pi, anyombe ai cwi, anyingo anyi,be ai asi aga,ki anyuluta anya ni madi ero aga. ³¹ Yesu be ai ni obebi zi, kujo, "Opi rubu di kolu modi kwe ni ori sure andadi amvu aga ri ani. ³² kwe ni ori di gbadu ga angwadu rere. ki de zo ni, kecoru ambugodu kuzwa kwe amvua aga ri twa du ra, kebe'e arinji kutaru di nani ga, kusiki aia zo duna niga. ³³ Yezu edu be aiani obebi zi,"Opi Rubanga di kolu akukwe izi a ocwale kobile irafu di ina to ri ani paka/bwi kufu leb'bu." ³⁴ Yezu 'jo nga di pi borodu laki ni leti obebi di si; ongu 'jo nga aiani obebi ako kuru. ³⁵ Di ederu dudu le'jo profeta a 'jole ri kemu du anda, anda 'jo zo ri ani,"Ma'wi ma a ti leti obebi di si.Ma'jo nga andani zule di vu ni zele 'bazo si ri 'i. ³⁶ Vu na ni ga, Yezu ebe laki na pi ra ongu edu kwi zuga.Ma'ju andadi evoki anda di ongu 'joki,"Nge amani le'jo ni ekwi ava amvu aga ri di." ³⁷ Yezu 'ai ongu 'jo,"Anda ni ori loso ri ni yire ri Ori Mo'di 'i. ³⁸ Amvu du vu; ongu ori loso ri ai bonji Opi di 'i.Ava du bonji anda ni injwi ri di 'i, ³⁹ ongu ojja reziaini yire ri sitani 'i. Anya lwa'ka ni vu ni ti a lokoka 'i, ongu anya lwa'ba ri ai malaika pi 'i. ⁴⁰ Disidu, kalande owowu lutazo ongu luduzo asi si ri ani,nga redere vu ni ti a lokozo ri ni nga ri sa kemu kolu anda ani. ⁴¹ Ago a bura kezwe anda malaika nga borodu injwi opi andadi ni ga enji ezire r pi 'ii ongu 'ba enji ede'ba ri pi to. ⁴² Kedu ku'beki 'ai asi ni furunu aga, na'a, owu pi si nyaka to a'a. ⁴³ Saa na si , 'ba anda ri pi kusuki itu ani Opi aia Ata di ni aga.Mo'di 'bi to ri keri le'jo di. ⁴⁴ Opi rubu di kalande elonyi zule inga aga ri ani.Mo'di ku'jo anda kesu iledi, edu zu di.Anjo anjo andadi si, edu lezi nga andadi borodu ra,ongu ge amvu na 'i. ⁴⁵ Ziniga, Opi rubu di viru mo'di ede di dabu ndure ri ani. ⁴⁶ De kesu dabu lage okpwo ri iledi, nga mu lezi nga andadi borodu ra, ongu edu ge dabu na ayo. ⁴⁷ "Idi, Opi rubu di viru voi 'bele meri aga ri ani, voi na luta nga lidi lidi ri ni ovi yayadu. ⁴⁸ Voi na de kuga de,'ba ebi oko'ba ri pi eku logo ga. Riki vuru ongu taki nga loso ri pi okozo aga, ki yiki nga ekwi ako ri pi pi. ⁴⁹ Anda kemu kolu dini vu ni ti a lokore ga.Malaika kevo kalanju 'ba injwi ri pi 'ba 'ba loso ri pi to ra. ⁵⁰ Kedu kuviki 'ai furunu asi di ni aga, na'a owuka pi si nyaka to kolu a'a. ⁵¹ "Anyeri nga di pi borodu ra ya?" Ma'ju ai anda ni, "Ooo". ⁵² Yezu nga 'jo ai ni,"Disidu karani go alu alu recore ma'ju opi rubu ge ri di kolu mo'di zo ni ata ri di ani, anda keyi nga oku ri pi nga udi ri to anda elonyi ni aga si/ero ni aga si". ⁵³ Yezu eko loro'joka leti obebi di si iledi, edu mu kare nani ga si pi. ⁵⁴ Yezu ngwi aidi logo ga ongu leni 'ba ekelezia aga.Lojojo Yezu di ezi ba na pi ni au'ka ongu 'joki,"Ego di kesu ciri andadi nyuma di pi to inguwa si? ⁵⁵ 'Di najari'go ri a ngwa i ku?Ende ni alungwee Maria i ku?Adinji pi Yakobo pi Yozefu pi to Simone, pi Juda pi to ku? ⁵⁶ Avunji pi borodu amato dia ku? Anda esu nga dipi borodu ingua si?" ⁵⁷ Angaki anda si de.Ki Yezu 'jo aini,"Profeta esu laru ku ri te aidi vudige ongu aidi familia aga." ⁵⁸ Anda ede nyuma na'a nja kuru 'ai aidi a ako si.