¹ Yezu lungwe ma'ju andadi mudi a limbi eri ri pi kare alu ga ongu ke 'aini mori pkwo ori injwi ri ni pi ni zwa zo ra ri 'i, aini 'dozo langwe, ru ni ibwe kezo 'ba recandi'ba lajwa pi juwe mbwi mbwi to ri pi ni. ² Di ru ma'ju mudu a limbi eri ri pi di ri 'i. Ati zo ri Simone (ni anda 'i sa lungwele Peturu ), pi adozi Andiria to; Yakobo ni Zebedeo a ngwa pi adozi Yuani to, ³ Pilipo pi Batulumeo toTamasu pi Mateo ni musoro lutare ri to; Yakobo ni Alifeo a ngwa pi Tadeo to; ⁴ Simone ni mo'di vu anda di ni lere ndo ri 'i pi Juda Isikariote ni anda ni lezire ri 'to. ⁵ Yezu zwe ma'ju mudi a limbi eri di pi la'angwe.Edu ecara 'ai ni, "Anyivo 'ba Judei'ba ku ri pi a olure ga ku, ongu anyitoru tauni/ganyi Samarita'ba di ni aga ku. ⁶ Ra ri anyivo bilo legwere di Isaraili ni zo ga si ri pi di; bilo Isaraili di legwere di ri pi di; ⁷ anya vore ga, anyinge anyiyu anyi'jo anyico,'Opi rubu di esa wo ire.' ⁸ Anye'bwe 'ba ru injwi ri pi, anye'nga 'ba oda'ba ra ri pi, anyi'ba dobo'ba kecoru okole, anyuludo ori injwi ri pi. Anya esuzo isa ri ani, kulee anyike issa. ⁹ Akuzi mula suba su ri anya kubegu aga ku. ¹⁰ Akuzi kubegu awe di, bungu bongu ecozo ri , mvuka mvuka ecozo ri bele to anya vore ga si ku, adusiku ibure a dide duba kolu 'a a/ mo'di ibu edere ri kule kesu anda dide. ¹¹ Ba kusa ganyi alu alu anya rutore ga ri ni aga, anyindu mo'di laru to na 'i, anyolu na a bwi odu anya ngazo ri ni nga. ¹² Anyike lazi saa anya ruto zo zuga ri si.` ¹³ De zo na esi 'ca, anye'be ibwe anyidi kesi laka. Ki de esi ku, anye'be ibwe anyidi kengwi anyidi. ¹⁴ Ba anyini 'ai'ba ku, kusa le'jo anyidi ni eri'ba ku ri pi ni, de anye'be zo kusa tauni na, anyulutu futu anyini pa ga 'ai ni. ¹⁵ Adusiku ama'jo anyini bwa bwadu, duba na kolu vu Sodomu pi di Gomora to ri ni odu le'jo lali zo ri ra, vu na pi ni si na 'i. ¹⁶ Anyinde, ma'zwe anyi kalande bilo zwe zo moi kidi kidi ni laki aga ri ani, disidu anyolu ciri ini ani ongu ibwe amamu ani. ¹⁷ Anyekuka anyi 'ba siKuke ki anyi 'ba aia vu ni le'jo lu'jo'ba ri pi di, kedu kulu 'mbwaki anyi sinagoga vura ni zo elegi ni zo aidi ni a si. ¹⁸ Vu na ni ga, edu ezi anyi ba vu lase'ba ri pi ni anda ga opi to le'jo madi si a'i ni sadeni du 'ba Rubanga ni ni'ba ku ri pi ni to kafiria ni to. ¹⁹ De kuziki anyi lokiko ga, anyi ni asidi kulumvuru ku anyevo anyi'jo adu si ya 'i, adusiku nga anyini 'jole ri kukeru anyini saa na si ra. ²⁰ Adusiku anyevo anyolo'joru anyi 'i ku, ki endi anya Ata di kemu kolo'joru anyi ni aga si ni. ²¹ Adozi kuke adozi rezi da ni ra, ata sa kuke anda bura da ni ra.Bonji ku'di ojja 'ba aini ti'ba ri to ongu ku'baa ki aludi ai ra. ²² 'Ba borodu kevu anyi ma'a le'jo si ra/ ma'a ru si ra.Ki mo'di le'jo ebire bwi nga a lokore ga ri kalari ru ra. ²³ De kecandiki anyi ganyi/yauni di ni ga, anyife tauni anda ga ri ni ga, adisiku bwa bwa du ama'jo anyini, Ago a Bura kesa kesuo anyisa lamure ga ganyi Izaraili di ni aga si tuwa kuru. ²⁴ Mo'di lenile leni ri zwa mo'di anda ni lenire ri kuru, viru vi mo'di 'ibu edere ri a mo'di anda 'ibu edere ga ri ni zwa zo kuru ni ani. ²⁵ Mo'di lenile leni ri ni a oluka mo'di anda ni lenire ri ani ni atera, ongu mo'di ''ibu edere ri ni a oluka anda amba ani ni atera. De kulunweki zo ni ata Belezebuli i na,kukeki ru injwi ri 'ba andadi 'boru ri pi ni ingoni pi! ²⁶ Disidu anyori ai ku/akori ai ku, adusiku nga di akule cwi evole di na ni wile ku na kemu kolu iyo,ongu nga zule di evole nile ku na kemu koluiyo. ²⁷ Anyiyu nga ma'a 'jole anyini vu mudi aga ri itu asi si,ongu nga ma'a 'jole koyo koyo i ri anyiyu zo dige si. ²⁸ Akori ku 'ba ru diba te ayo ki endi diba kpwe ri pi si. Rari anyori anda ni endi pi ru to edamayare asi aga ri 'i. ²⁹ Elezi sii sii eri milimu ga'angwadu ri si ku?Ki aini aga alu sa dere vuru anya Ata nika ako na iyo. ³⁰ Ida sa dibi anyini dige ri alula ra/ni weli laru ra. ³¹ Ayori ku. Anyizwa sii sii yayadu ri ra. ³² Disidu, mo'di mai aire 'ba anda ga bwo bwo ri ma i sa mai anda ni Ma'ata ni rubu ge ri ni anda ga ra. ³³ Ki mo.di mani gare 'ba anda ga ri ma i sa maga anda ni Ma'ata ni rubu ge ri ni anda ga ra. ³⁴ "Akura ku memu vudige dia ibwe ezire ayo ku. Memu ibwe ezire ayo ku, ki iligo. ³⁵ Adusiku memu mo'di esire anda ata to, ongu za'angwa esire ende to, ongu bura ni izi esire ada to ago a ende to. ³⁶ Mo'di ni ojja'bazi kolu bwa anda kaka odi adinji 'i. ³⁷ Mo'di ata pi lere ende to mani zware ra ri esi mani ku, mo'di ngwa pi zwa to lere mani zware ra ri esi mani ku. ³⁸ Mo'di anda kruce/kwe alala ngire ongu mani vu kore ku ri esi mani ku. ³⁹ Mo'di anda lidi ni esure ra ri kelegwee ra.Ki mo'di anda lidi ni legwere le'jo madi si/ma si ri kesuo ra. ⁴⁰ Mo'di anyi ni 'aire ra ri 'ai ma 'i, ongu mo'di mani aire ri ai anda ni mani ezwere ri sa to. ⁴¹ Mo'di profeta/tiluza 'aire anda oluka profeta si ri kesu profeta ni dide ayo, ongu mo'di mo'di anda ri ni aire anda oluka mo'di anda ri 'i si ri kesu dide mo'di anda ri di ayo. ⁴² Mo'di ii ibwe kere 'ai ciri di pi a aluu ni anda oluka ma'ju si, ama'jo anyi ni bwadu, emu legwe anda dide ku.