^{1 2 3} 1 Anyi 'bonji, kulee anyeri 'ba anyini oti'ba ri Opi ni aga, a'dusiku 'di nga loso rii ambamba. 2 " Anyike laru anya ata ni pi anya ende ni: ( 'di andaa ni cara ati rii, ake laka tutu to rii,) 3 " dudu anyolu loso pi lidi anyidi kolu azo vu dige." ⁴ 4 Anyi ata ende to, anyecandi 'bonji anyidi ku 'angala kudi a'ini ko ku, rari anyezo a'i pi anyeleni a'i lini Opi di si. ^{5 6 7 8} 5 Anyi opi, anyiru anya amba vu dige 'dia ripi anyike a'ini laru ambamba ori to, asi tuwadu ri si. Anyeri a'i kende anyeri Kristo 'i ani. 6 Anyeri a'i a'ia oluka ire si ku a'ini asi i'bwe kezo. Rari anyeri a'i kende anya oluzo opi Kristo dii ripi 'i ani,.'ba le Rubanga di ni ede'ba ayo asi si ripi 'i. 7 Anyede i'bu anya asi tuwa si, kende anyede i'bu anya Opi ni, 'ba ni ku, 8 a'dusiku amani ra a'jo i'bu loso mo'di alu alu ri a edele ri si andaa kumu kesu dide ra Opi disi, de mo'di ile opigo deku mo'di di mgbo to rii. ⁹ 9 Anyi amba opi to ri, anyede i'bu anya opi to leti loso ri si. Anyevuru a'i ku. Anyini ra Andaa ni a'ia Amba 'i pi anya Amba 'i ri aa oru ru'buge, pi Andaa andaga 'ba ni mgbimgbi iyo. ^{10 11} 10 Le'jo ni ti a lokozo, anyede okpo Opi ni aga pi okpo Andaa mori di ni aga. 11 Anyulusu lasu tuwadu o'ja di Rubanga di ri, dudu anyate edeka wa 'jarega lu'bilu'bi pi ciri sitani di to. ^{12 13} 12 A'dusiku ama o'ja ni ru eridi 'di to ku, ti ori andi oru pi mori a'idi to, pi a'ia amba vu 'dini zwa'ba leti andi ri si ripito, pi endi mori nga injwi injwi ripi di oru ru'buge ripi to. 13 'Disidu anyulusu nga o'jadi Rubanga di ri tuwadu dudu anyate edeka wa o'du injwi ri niga, pi de anyede nga tuwadu 'dipi ra, anyede du okpo. ^{14 15 16} 14 Anyede wo okpo, anyi'i anya opige gba ayo gobi du, pi anyisu andaanda ayo anya agaga kende nga edele ayasi o'jadi sule aga ga riani, , 15 pi anyisu mvukadu oluka baba Ofu Loso i'bwe di ri ni ngezo rii. 16 saa tuwadu si anyiko 'buku a'i di, andaa si anyivo anyimgba 'e'e asi ni leda du sitani di ri pi. ^{17 18} 17 Pi anyaku tegia lari di anya dige pi anyiko iligo belengu Endi Okole di, andaa ni le'jo Rubanga dii. 18 Anyelegi saa tuwadu risi Endi Okole ri ni aga, elegi pi nga a'ika to. Anyolu baba laka ori ako pi anyenjaru laka anya elegire ga 'ba Rubanga di okole tuwadu risi. ^{19 20} 19 Pi anyelegi masi, dudu Rubanga kuke mani ofu ngele de mafu maa ti le'jo ngere ga na'i. Anyelegi dudu Rubanga kuke mani asidi ni okpo nga gba ruzure di Ofu Loso di ri ni e'detere ga pelere. 20 De kesu molu mabusu ge Ofu Loso ri ni ngeka si saa'i, ma adi maju, dudu amange ofu ile ori ako lele mani riani. ^{21 22} 21 Tikiko ni ama adozi lele ndo ri pi opigo Opi dii ri kumu kunge anyini nga tuwadu pelere ra, dudu anyini nga maa dile ga ra. 22 Mazwe andaa ni anyidi le'jo 'disi, dudu anyini nga ama dile ga ra pi dudu andaa kemba anya asi. ^{23 24} 23 I'bwe kolu adiinji ni, pi le a'i to engare Rubanga Ata di pi Opi Yesu Kristo to. 24 Kiza kolu 'ba ama Opi Yesu Kristo ni le'ba le gba ri si ri ni.