¹ Ayosi, atizo rii, ma'joo nyini, kulee nga a'ika, elegi, nga zika pi anzo keka Rubanga ni to akede 'ba tuwadu si, ² Ndondo na opi ni pi amba zipi laka tuadu ri to, dudu amolu lidi i'bwe di si Rubanga ni ruzo pi lidi loso ri to. ³ Nga 'di edeka 'dini ri loso, pi a'iru ra Rubanga ni amani larire ri ni andaga. ⁴ Andaa kulee 'ba 'borodu kalariru pi kunikii le'jo gba ri. ⁵ Rubanga ni alu, mo'di 'ba emure Rubanga to ri saa alu, Yesu Kristo 'i, ⁶ Adaa ni mo'di razire Adaa ngasi 'ba tuwadu si, olure ga sadeni du nga 'di dii saa loso ri si. ⁷ 'Di andaa ni le'jo mani lupezo maju du nga ngere 'ba ni rii, mange nga anda enzo laka iyo ri' i. ma lu'jo enzo ku, pi ma laponyi juru dii a'i ni lenire ga le'jo a' di si, pi le'jo gba du ri di si rii. ⁸ 'Disidu,male ago kare tuwadu ri niga si ri kelegikii, kungikii di okole ri oru anga ako ongu kipele ako. ⁹ Kulee uku saa kulusurukii loso. bongu ovi loso ri si lendere loso 'ba andaga rii,pi ru ekuka to, te di lucwakaa ayo mula sure su ri miyo lage oru ri ni lusuka ayo to ku, kusa bongu weli okpo ri ni ovika ayo ku, ¹⁰ Rari kulusurukii loso 'ba andaga ovi uku anda eze Rubanga ni ori'ba pi i'bu loso ri ni edeka to ri a edezo ri ani. ¹¹ Lini ge uku kulee kolu cirri, pi laru to. ¹² Ma'i ku ukuni 'ba lenizo kusa oluzo amba du ago ni dige, rari kulee kolukii 'di. ¹³ A'dusiku, Adamu ni abi ati ayo, adi Eva ni bi, ¹⁴ ku Adamu ni saa alunzwa ati ayo ku,ti alunzwa izi ayo pi 'de enzi aga. ¹⁵ Ti rusaa kalarirukii ra a'ia 'boronzi tire ga, de kolukii a'i to,pi lesi, pi laru to ru ekuka to na'i.