1
Ata inya elliloŋu hejufutak tomon harik arabotie ata hisio to hosie hilohitok ho dwaran na agalihini miniaŋa ojo etilibori iŋweti.
2
Ata Yesu efahak isia etiyanari hiyo obie no Hollum ojo hidofe etilibori haŋwak.
3
Elimak ifa inya to hosie hijo, "Baŋa eyari inak hiro a mai nya efuye itai, adahat, kullo, imune, arobia ho boŋojin arik.
4
Itolojo ta haŋ nya etolojori itai man ebusahini itai mai nya.
5
Ituturok tuduha tara hejek inahatai te ilia ile ebo itai hatara. Ituturok tuduha tara hejek inahatai te ilia ile lebo itai hatara hituhuti to hosie lebusak itai doŋe inya."
6
Ata isia efie to hiji ho misihi, ilimak saye ino olibo ojo isia daŋ etilibo hiyo ta masik ariai.
7
Iyania, etiru ifa Erode Mamur lo Tetraka hiro daŋ inafa owon, ata inya ŋuŋusia bi no, nyo ojo ilamuk hijo ebuhu Yoani Batista to ye,
8
Ata ilak hijo aliew Elija, ojo ilak arasa hijo, "Enyak hekilak Ilafa ho beren ebuhu.
9
Ejo Erode, “aŋutu ifa naŋ hoo no Yoani, ŋai hidofe lia enyak naŋ hititira hiro inohonye?” ata Erode siaha hikoi hijo awak inya egonyu Yesu.
10
Ifa acohini hejufutak ata isia elimak to Yesu hiro inafa egiem isia, ata inya eyari he inya isia abore gala no Bettesaida.
11
Ati ifa etiru iluluŋ no hiyo ata ejufari inya, ojo inya ata efotu isia ero to hosie hiro ino obie no Hollum, etilibo Ilafa lawak libe.
12
Ifa laswori holoŋ afanu hejufutak tomon harik hijo to honye, “Ifuhak iluluŋ nia amasik inohosie anyar lofwo arrumu ijotiti inohosie ho nobo daha, nyo ewuon iyohoi ini te icala.”
13
Ati ojo inya to hosie, “Isiara to hosie inamuk hiro hatadahai.” Ojo isia ata hijo, "Ewoun iyohoi he imuniaha miet ojo ham arik ija.” Eremik mahu iso iyohoi einyaŋu ŋiria te iluluŋ nia daŋ.
14
Ara ifa hiyo daŋ alif miet. Ata inya hijo to hejufutak ilohonye, “Isiara hiyo hotohunya ta fau, hotowuana iluluŋ ho tomwana miet hame.”
15
Ifa ehum hejufutak inia daŋ, ohitole hiyo daŋ ta fau.
16
Ata inya adumu imuniaha miet ha ham arik liya ata hiwolo ahide ido ata hijok isia, ata hibubun isia ata hisio to hejufutak ilohonye hata harak te iluluŋ.
17
Enya ifa isia man ofoŋi ata eduduhak inafa ofitini man enyak etufutak gufahien tomon harik.
18
To nobo far ifa, eno Yesu omojori hamai, owon ifa hejufutak ilohonye ata inya hifi isia hijo, “Hojo hiyo ŋai naya?”
19
Ata isia hijo, “Iye Yoani Batista, ata ilak hijo iye Elija, ojo ilak Ata hijo iye lia lobo hekilani Ilafa ho beren enyak ebuhu.”
20
Ata ati inya hijo to hosie “ati ojo itai naya ŋai?” ata Peturu hijo, “Iyye Kristo lo otu tara Hollum.”
21
Ati esor Yesu isia hijo hotobiaŋa elimak lobo tuŋani, ata hijo,
22
“Orumu iso onyi Tuŋani hitigiema hiro ariai, ebo iso hiyo ilo hittaha, fadirihien he hegiorok inya, Ata attohe inya, ata ebuhu to holoŋ hitahunihi no holoŋ.
23
Ata inya hijo daŋ to hosie, “awak lobo tuŋani ejufuni naya, isiara inya hotogwe wan nohonye. Hotolororoi Kuruce nohonye holoŋitek daŋ ata ejufari naya.
24
Awak lobo tuŋani hiciem hetulwahu manya nohonye etilitek iso inya. Ati letilitek manya nohonye to hiram nanaŋ, etuluahini iso inya.
25
Holibo ati inya jai to tuŋani arumu inya hiro daŋ huna ta fau, ati ata etilitek wan nohonye?
26
Eloriri tuŋani naya he hiram nanaŋ, eloriri iso onyi Tuŋani inya lacohini iso inya to ohwo nohonye, ho ohwo no Monye he anjilohien ilo Olibo.
27
Ati elimak naŋ itai dede, owon ilak ilahatai ilo oweta ini, ilo obe oremik hiniŋ ye man egonyu obie no Hollum.”
28
Ta halu ho holoŋitek hotohunik ta nafa erarari Yesu hiro niya, ata inya eyari daŋ iko inya Peturu, Yoani ojo Yakobo, ata eno a doŋe omojori.
29
Eloito ifa homom nohonye, ojo boŋojin inohonye obwor no opipiak.
30
Ata ilak hiyo ohorik hidoŋ ile ero iko inya! Ara ifa isia Musa he Elija,
31
oliehini ifa isia to kwatan. Ero ifa isia heno nohonye alieu to Yerusalem, ho hiram nolohu inya atubak to Yerusalem.
32
Ojotori ifa Peturu bi no he Ilafa owon he inya. Ati nafa aceŋu isia, ata isia egonyu kwatan nohonye ojo hiyo ohorik oweta iko inya.
33
Ifa efie isia ade tara Yesu, ata Peturu hijo to honye, “Etok olibo te iyohoi ha awuanari ini ko hoi. Eduhok iso iyohoi ticio hunik, nobotie to hoi, nobotie to Musa ojo nobotie te Elija.” Obe ifa inya oyen hiro ino ero inya.
34
Ta nafa harasa inya hiro huna, ata itiran awoŋ ata eburuhak isia; abaŋi ifa isia nafa eburuhak itiran isia.
35
Otu ifa hiram tara itiran no ojo, “Onyi hanaŋ Onyimoti ileŋ. Itira to honye.”
36
Ifa esaha hiro, ata Yesu wuana hamai. Odwari ifa isia hiro inia to holoŋitek niya obe elimak to lobo tuŋani hiro inafa egonyu isia.
37
To motie to nohonye, ifa acohini isia to doŋe aŋolon, ata inya hiboŋ he iluluŋ no hiyo.
38
niya, ata lobo tuŋani hilulwo to hiji he iluluŋ hijo; “Hetiyanani, ata na naya iye, towolo onyi hanaŋ, ara inya hito lalaŋ lobotie jaa.
39
Ewolo iye, eniefita oyiri no oru inya, kwak man otuni ahabunak to hutuk honye. Obe ebusuta inya to holoŋi, ebusak inya to golon, ata eriafu inya no oru ebusak inya.
40
Ata na naya hejufutak ilohoi hefuhai ade tara honye, ati obe oremik.”
41
Ata Yesu hitiraŋ hijo, “Itai hullo obe huruk, hilahaji no hemumunak, hadulei iso naya manya ikatai man anu? Iyani onyi hoi lia ini.”
42
Ta nafa otuni hito, ata miniaŋa abwarak inya ta fau ata hefufudok inya no oru. Ata ti Yesu hiriŋ oyiri nafa nebot ata hitilibo oŋeye ata hisio inya to monye honye.
43
Eliliha ifa isia bi no to duaran no Hollum. Ojo isia arasa daŋ hililiha to hiroinafa egiem inya ata inya hijo to hejufutak ilohonye,
44
“Isiara hiro inia daŋ hotojiŋak to yohe inahatai, nyo esiarahini iso onyi Tuŋani ta has ho hiyo.”
45
Ati obe ifa isia oyen hiro ino ero inya. Nyo eŋofo ifa tara hosie. Abaŋi ifa isia hifi inya hiro ino ero inya.
46
niya ata isia arijahini to wati inohosie hijo ŋai iso ara etok to hiji hosie.
47
Nafa aheru Yesu higigilita ino tajia inohosie, ata inya adumu lobo iŋeyye, ata ehumak inya to oko ŋati nohonye,
48
Ata hijo to hosie, "Efotu lobo tuŋani iŋeye ile hitiŋ iya ina to fure nanaŋ, efotu iso inya naya, efotu lobo tuŋani naya, efotu iso inya lia efahu naya. Nyo tuŋani lara halu tara hatai daŋ ara iso inya etok ta hatai.”
49
Ata Yoani hitiraŋ hijo, “Etok ewolo iyohoi lobo tuŋani efuhuta miniaŋa to fure nohoi, ata iyohoi hitiwet inya nyo obe inya ejufutani iko iyohoi.”
50
Ati ata Yesu hijo to honye, “Baŋa etiwet inya, nyo tuŋani lobe ebo itai ara lahatai.”
51
Nafa eliaha holoŋitek ino ohuye eyari inya eno ido, ata inya etiyitok homom nohonye a Yerusalem.
52
Ata inyaa efahak efahat ilohonye to hosiere honye, ofwoo isia ajiŋak to doŋe nobo no Samariai anyar efotu inya.
53
Ati ebo ifa hiyo efotu inya nyo awak ifa inya eno a Yersulaem.
54
Ifa ewolo hejufutak ilohonye, Yoani iko Yakobo, ata isia hijo to honye, “Habu, ibe iye ewak iyohoi heliloŋo hima te ido hetihara isia?”
55
Ati oyito Yesu ata hiriŋ isia.
56
Ata isia efie a nobo doŋe.
57
Nafa efie isia to hikoi nohosie ojo lobo tuŋani to honye, “Ejufari iso naya iye amai nya ehu iye.”
58
Ata Yesu hijo to honye, “Owuon obeyohi he iwudoho inohosie, ojo ceŋ ino hide owon ha hajik inohosie, ati obe onyi Tuŋani owon ha mai no oremik hetifierihini hoo nohonye. “
59
Ata inya hijo to lobo tuŋani, “Ijufuni naya.” Ojo tuŋani lia to honye, “Habu ibusak do awu naŋ anuhak monye hanaŋ.”
60
Ati ata Yesu elimak inya, “Ibusak hayoni hotonuhak hayok ilohosie, ati ino ilimak ta masik daŋ obie no Hollum.”
61
Ata lobo tuŋani hijo, “Ejufari iso naya iye, Habu, ati isiara naya awu efonyini isia ino owon ta haŋ hohoi.”
62
Ata Yesu hijo, “Obe lobo ehumak hani nohonye to keibu ata hiwolo ahalu, obe inya osiru to obie no Hollum.”