¹ Ta far nyia owuon ifa illak hiyyo dia ille elimak to honyie hiram no hiyyo illa Galilea illafa eharrik Pilato hoto nohosie iko hibulucuta hose. ² Etiraŋ Yesu atta hijo to hose, “Egigilo itai hijo agalik hiyyata inno Galilea liyya ilak daŋ inyia ne etigiama hiyyo isia to hikoi nia?” ³ Obe, ati elimak nayya itai, ati lobe itai eyito tara hipalita innahatai, eye iso itai daŋ hiyet nyia. ⁴ Kuya hiyyo liyya tomon hohotohunik illo Siloma illafa lohuyek haji atta atohe isia, egigilo itai hijo ara ifa aheyak ille lagalik hiyyo illo Yerusalem? ⁵ Obe, ajo naŋ ta hatai le be itai ebusak hipalita, elita iso itai iyyania.” ⁶ Atta Yesu elimak to hosie hitiriami, “Owuon ifa lobo tuŋani iko ŋaboli neledulahini ta mana honyie no Fino. Ojo inyia atta ŋawoŋ ŋariŋari hijo eŋarak bahati haŋer innohonyie ati obe lorrumu innak. ⁷ Ejio tuŋani lia to hegiemani ha mana honyie, toriŋe, 'ŋasi hunik inno lalocie naŋ ariŋari hijo arrumu iso haŋer, arrumu lobe hinnak, tolloŋok ta fau. Ebusak inyie inni nyo hetihara fau?' ⁸ Etiraŋ hegiamani hijo 'ibusak ati hiŋa ille ajo iso naŋ arom oger ehumak tanyan to honyie.' ⁹ Leŋarak haŋer hiŋa nyia ottu, olibo, ojo lobe inyia alloŋok naŋ ta fau.'” ¹⁰ Etiyana ifa Yesu ta Haji Imojit to nobo holoŋ no Sabato. ¹¹ Owuon ifa nobo hiito noŋoruo ta nafa owuon miniaŋa to honyie innafa etuŋua inyia ŋasi tomon hohotohunik, ekudura ifa inyia daŋ obe oremik etiwetik wan ahide. ¹² Nafa egonyu Yesu inyia, elilloŋ Yesu inyia atta hijo, “Ahouni iyye te iŋweiti innohoi.” ¹³ Attanyak inyia hani no honyie to tuŋani nia, atta tuŋani nyia teyya atta etibisak wan honyie ahide. Atta inyia hitihabuo Hollum. ¹⁴ Ati ejoria ifa lettaha ho Haji Imojit nyia, nyo etinyarru Yesu to holoŋ no Sabato. Atta hijo to hiyyo daŋ hijo, “Ara holoŋi inno legiamari ile, ifanu to holoŋitek niyya hotobiaŋa ara to holoŋ no Sabato.” ¹⁵ Etiraŋ Habu to honyie atta hijo, “Hetimiyahak ho wati,” Obe lobo tara hatai lohek sigira iko hiteŋ te eriatari heno hatamat hifioŋ to holoŋ no Sabato? ¹⁶ Ara hiito inna to woyyo na Abramo, efitak Sitan inyia ŋasi arria, tomon hohotohunik. Ati to honyie ejio itai hotobiaŋa ohehini to holoŋ no Sabato?” ¹⁷ Te hijo nohonyie hirro niyya daŋ, atta irri daha liyya daŋ illafa ebo hirro innohonyie. Ojo iluluŋ no hiyyo daŋ omuno hirro inno olibo inne legiem inyie. ¹⁸ Nia eijo Yesu, “Ara obie no Hollum iyya nyo? Ati etirijik iso nayya inyia ho nyo? ¹⁹ Ara inyie iyya ibielu lo bule, ne eyari lobo tuŋani amana atta ŋebirok ta mana honyie, atta ŋesuru yani nettok ojo cieŋ inno hide atta aduhok hajik innohosie ta sana innohosie.” ²⁰ Enyiak inyia hijo, “Etirijik iso nayya obie no Hollum ho nyo?” ²¹ Ara iyya bula inne leyari hiito noŋoruo ohu eharrek iko hofuo nolociamak to fedito hunik man oreuni luluk.” ²² Ohu ifa Yesu loriŋari borejin gala iko missihi inno lowuon te ikoi no Yerusalem atta hitiyana isia. ²³ Ejio lobo toh onyie, “Habu, hara hiyyo illo letihohini iso kai?” Niyya eijo inyia to hose, ²⁴ “Itigiama hafuye te ikat lolotida, nyo eciem illak ati obe oremik ajiŋai. ²⁵ Lodiote monye haji atta esionok ikat. Dia efuo itai weta ta bali atta itai hikukuho ikat hijo, “Habu, Habu, ati etiraŋ iso inyia ta hatai.” hijo. "Abe nayya ayyen itai hijo efanu itai.' ²⁶ Atta itai hijo, 'Edaha iyyohoi, ojo emata to hosiere hoi, ojo iyye etiyana to koi innohoi.’ ²⁷ Ati etiraŋ iso inyia, ‘Ajo naŋ ta hatai, abe naŋ layyen hijo efanu itai. Ifeti ade tara hanaŋ, hegiamak he irruti!’ ²⁸ Owuon iso tuari ojo hirrita no hala legonyu itai Abramo, Isako, Yakobo ojo hekilak daŋ to lobie no Hollum, ejio itai ebirohini iso ta bali. ²⁹ Afanu iso hiyyo te idoŋi no Holloŋ man to hituli no holoŋ, oko ŋolon ojo telle ho hide atta yiri dee to terefeja no obe no Hollum, ³⁰ Ati itiyyen inna, ara iso halu hosiere, ojo hosiere ara halu.” ³¹ Kai ta halu, afanu ilak illo Farisei atta hijo to honyie, “Woŋ tamanyai inni awak Erode hijo attohe iyye.” ³² Ejio Yesu, “Ino ilimak obeyok nyia, ‘towolo efuhai naŋ miniaŋa ajo hidofe etilibo hiyyo te iŋweiti ena iko motie, ati te hitahunihi no holoŋ eba iso naŋ to hucuŋi ne igem hanaŋ.' ³³ To nobo far, lanyarru ta hanaŋ hadule ena iko motie ati to hitarrihi no holoŋ, iyya lobe olibo hattohori hekilani tenni ade to Yerusalem. ³⁴ Yerusalem, Yerusalem, ille ettohe hekilak ejio hidofe eruoŋ to morru ille lefahu ta hatai. Hara holoŋi jai inno lawak naŋ hatubihini durre illahatai iyya inna leduduhari hohoro ikiyehi honyie ahotuai huwa. Ati ebe itai ewak ania. ³⁵ Toriŋai ebusahini haji nohoi. Ajo naŋ ta hatai, ebe iso itai egonyu nayya atta itai hijo, "Hotowuana jaha to lia lo ottu to fure na Habu.'”