¹ "Halasira iko monyie, itira to hiticio nanaŋ ina awak naya elimak hatai." ² Ifa etiru iluluŋ Paulo Lero to hosie to hirori ne Ebrei, ata isia dwai lokwai ata inya hijo, ³ Ara naya lo Judei, etado hiyo naya ta Tarsus no Silisia, ehiena naya to bore gala ina to hejek ino Gamaliel. Elimak ifa naya igoliti ino ikoi ino hifahita ino monyie hohoi ilafa. Egigilo naya to Hollum, iya itai bidaŋ ena. ⁴ Etigem naya te ikoi te ina to ye; Efit naya daŋ liawa iko ŋorwo ata hisio isia a babus. ⁵ Iya oyen hidofe ettok la fadirieien iko maruak bidaŋ oyen hijo eyari ifa naya waragat tara hosie ta halasira liya ta Damaska, ata naya eno ade heyani isia ile efita to Yerusalem anyar afanu hiyo hibak isia. ⁶ Ta nafa ahuye naya ata naya hiliaha iko Damaska, ifa era holoŋ kil na far, ata nobo cialai hidie honyehite inanaŋ ata hidie naya. ⁷ Ahuyik naya ta fau ata naya etiru nobo hutuk ne ero ta nanaŋ, 'Saulo, Saulo, no nyo etigiamaiye naya?' ⁸ Ata naya hitiraŋ hijo, 'ŋaiiye Habu?' Ata inya hijo ta nanaŋ, 'Naya lia Yesu lo Nasarit, le etigiamaiye.' ⁹ Owolo ilafa owoun ikanaŋ cialai, ati obe ifa isia etiru hutuk nohonye lia lero ta nanaŋ. ¹⁰ Hegiem iso naya nyo tohoi? 'Tete, ino a Damaska; Teya elimak iso nayaiye hiro ino ehuiye higem.' ¹¹ Abe ifa naya aremik hiwolo to hidia nohonye.' Ata ilafa olot ha naya arihori naya a Damaska. ¹² Dia ata naya arumu lobo tuŋani la ara fure nohonye Anania, tuŋani heruhoni to hiram ne hifahita ne ero Judei bidaŋ ila amanya dia. ¹³ Otu inya ta nanaŋ, loweta aŋati ha naŋ, ata hijo, 'Halasik Saulo, to moju riŋai nohoi,' ta sa to nya ata naya egonyu inya. ¹⁴ Ata inya hijo, Hollum lo monyie hohoi lafa onyimuiye hijo anyar eyyeniye Habisani lobotie, hijo anyar etiruiye hiro nohonye to hutuk nohonye. ¹⁵ Era isoiye asut lohonye to hiyo daŋ ile egonyuiye ejo hidofe etiru. ¹⁶ No nyo enyakiye hitila? Tete, ifwotu batisimo, ata hillila hiyata inohoi, ataiye hillilloŋ fure nohonye.' ¹⁷ Ta halu ho haciohini nanaŋ a Yerusalem, ta nafa amojori naya ta haji imojit, ata naya omoju nobo hiram. ¹⁸ No ojo ta nanaŋ, 'Toruhari, ibusari Yerusalem kokwak, obe iso isia ofu huruk hiro ino egonyuiye tara nanaŋ.' ¹⁹ Ata naya hijo, 'Habu, oyen isia ta wati te inohosie hijo etifitak ifa naya ajio hidofe abak ilafa eruk to sinagogi. ²⁰ Nafa owori hoto ne Stifen hegiamani lohoi, awoun ifa naya daŋ dia la aweta ajio hidofe eruk hiro inafa egiama isia, eriria ifa naya boŋojin ino hiyo ilafa ottohe inya.' ²¹ Ati ojo inya ta nanaŋ, 'Ino, efahak iso nayaiye alamarai ta halufak.''' ²² Ata isia hitira to honye man esahak inya hiro nohonye. Ata isia daŋ hiyoro ata hijo, ''Iyari tuŋani lo owuon ania ta fau ina ade, obe olibo to honye hamanyari.'' ²³ Halarasa isia hiyorrita ojo hidofe ebiro boŋojin inohosie, ojo hidofe owuto tuduha ahide, ²⁴ ata habu lo oseŋer elimak hijo heyani hiyo Paulo ahosiere honye. Ata inya elimak hijo anyar ehum hiyo hifi inya to baha. Anyar oyen inya ta wan nohonye no nyo Eyoro hiyo to honye ania. ²⁵ Ifa ehum isia hifit inya to yoni, ata Paulo hijo te ettok lafa oweta aŋati he inya, ''Obis mahu ta hatai hetifitaŋari lo Roma ile holobe hiyo oweta hiram nohonye to okiko?'' ²⁶ Ifa etiru curukal lo oseŋer hiro no Paulo, ata inya eno ta habu ata elimak inya hijo, "Ewakiye higem to tuŋani lia nyo? Ara tuŋani ile lo Roma.'' ²⁷ Otu habu lettok lo oseŋer ata hijo to honye, "Ilimak naya, eraiye tuŋani lo Roma?" ²⁸ Ata Paulo hitiraŋ Paulo, "Oso dede." Ata habu lia hitiraŋ, ''Arrumek ifa naya hira tuŋani lo Roma to duma nanaŋ arobiyaha ariaii.'' Ati ojo Paulo to honye, ''Esiu ifa hiyo naya atuŋani lo Roma.'' ²⁹ Ata hiyo ilafa ofu hifia inya ediahari inya kokwak. Abaŋi ifa habu lo oseŋer nafa eyen inya hijo ara hada Paulo a tuŋani lo Roma, nyo abaŋi ifa isia inya. ³⁰ To motie nohonye, awak ifa habu lia hiyen irositi ino Judei na anyar inafa eyani isia to Paulo. Ata inya attubak hofi inohonye ata inya elimak to curukal iko to oseŋer ilafa ejufuta inya anyar efi huwuaha. Ata isia eyani Paulo ata etitolojik to hiji hosie.