1
Paulo, Silvano ojo Timoteo, te ikelesia no Tesalonika nia lo owuon to Hollum Monye, Habu lohoi Yesus Kristo. Hotowuana hamehini ho himwara no Hollum ta hatai.
2
Edule iyyohoi hisiara humo to Hollum ebe te itai, iyya elioto iyyohoi itai to mojo nohoi.
3
Errasa iyyohoi to hosiere Hollum Monye hohoi hiyyen huruk nahatai, igem nahatai, mune nahatai, hitila no hiŋere hatai to moi nyia lo owuon ta Habu lohoi Yesu Kristo.
4
Halasira, hullo lomuno Hollum, eyyen iyyohoi hellilloŋini nahatai nolobe ara to hiro assai ati to golon no Loyiri lo Olibo.
5
Te hikoi nia eyyen itai daŋ iyyohoi ifa beren to hiji hatai.
6
Eticelu itai iyyohoi ho Habu, iyya efwotu itai hiram no Hollum to hitigiama ojo hidofe to mune no Loyiri lo Olibo.
7
Te hiram nia, ira itai hetimijak to heruhok illo Masedonia ojo Akaya.
8
Etalini hiram no Hollum te itai, obe lara to Masedonia ho Akaya hamai ati ta masik innafa ligiamari itai esarik huruk nahatai to Hollum. Iyyania enyie iyyohoi heremik hiro innamuk hirro.
9
Isia to wati innohosie elimak hafanu nohosie ta hatai. Ero isia hiloito nahatai tere rijorihien to Hollum lo bis.
10
Elima isia hijo etila itai Lonyi honyie lottu tara ido. Letidietu inyeja tere hayok. Inyia lia Yesu Kristo lo ohou iyyohoi tara jore nolottu.