1
Lowuon illamuk illo aŋalafa, oremik iso iyya eno ekumori holobe hiruk toŋoto, ojo hidofe holobe awoŋ to hiyo ilo Hollum?
2
Ebe itai eyyen hijo oŋoto iso hiyyoilo Hollum fau? Ojo lara itai haŋotoni hafau, ebe itai eremik hitibis hiro huna ofiak?
3
Obe itai eyyen hijo eremik iyohoi hiŋot anjilohien? Hara iyya ŋari nyo binno, teyya, ebe iyohoi eremik hiŋot rori ino wuaran nia?
4
Lewak ifa itai ehihuma ŋoto nia odule to manya, nyo ati ebusak itai rori tohosyere holia ilo obe oweta to ikelesia?
5
Ajo naya ania anyar ewon itai he iri. Obe lobo tohiji hatai le lelefere oremik hetilik iŋalafiti inia owuon to hiji helasira?
6
Ati etiwuaha iliasi ilasi, ara ina to hosiere hoyiyo obe ara heruhoni!
7
Dede owuon ifa iŋalafiti beren to hiji ho Kristianohien inafa eya itai. Nyo ebe atti itai edihu hitigiama tara hipali? Nyo esio itai watie ino hatai to hinyiaba?
8
Ati itai towatie inahatai epala itai ejo hidofe enyiabahiyo ilo ara ilasira!
9
Hebe itai eyyen hijo ilo ebe obis obe oremik aruta obie no Hollum? Ibaŋa eruk hinyaba: To hiro ino hasomok, ta hamojok ho rijorihien ,to harotok inno oŋoruo, to liawa hulo ofirie, ojo liwa ilia hullo egiama hiram no somon,
10
hahala, iko ŋarujok, harumak, hesusutak iko harosok ino hiro ino hiyo, to ilia daŋ obe isia oremik arutak obie no Hollum.
11
Ara ifa ilak ania to hiji hatai. Ati alibe ifa itai, ati emak ifa inyia itai ahabisak, ati etibisak ifa inyia itai to fure no Habu Yesu Kristo ojo to Oyiri no Hollum lohoi.
12
"Ara hirro hunna ta hanaŋ iya ojo hifahita,'' ati obe hirro daŋ olibo ta hanaŋ. " Ara hiro hunna ta hanaŋ iya ojo hifahita.'' ati abe hiro daŋ eyani libe ati abe iso hiro inia ekum naya. "
13
Ara ŋiria no hosehe, ojo hosehe ara no ŋiria"- ati eyari iso Hollum isia daŋ ade. Ati obe wan ara no somon, ati ara wan na Habu, ojo Habu isio to wan.
14
Ojo Hollum etibuhu Habu ojo iso hidofe etibuhu iyyohoi ahide to golon nohonyie.
15
Ebe itai eyyen hijo ara wati innahatai ino Kristo? Aremik iso nayya eyari iluluŋ no Kristo atta nayya attubak isia to somojok? hotobiaŋa ara ania!
16
Ebe itai eyyen hijo lia ottubahini to isomo ara isio nobotie iko inyia? Iyya ojio Baibol, "Ara arik iso wan nobotie."
17
Ati lia ottubak to Habu ara isio Oyiri nobotie iko inyia.
18
Irruata ade tara hirro inno somon! Hiyyata ino eyyau tuŋani obe ara to wan nohonyie, ati tuŋani ara losomo eyyau inyia to wan nohonyie.
19
Hettumo iye hijo ara wan nohoi haji no Oyiri lo Olibo, lo amanya to hoi, inna erumu iye tara Hollum? etimo iye hijo obe ara iye hamai to wan nohoi?
20
Enyiaŋini ifa itai te edumoti. Iyania itukwata Hollum ta wan nohoi iko to oyiri nohoi na ara no Hollum.''