¹ Iyania to hiram no hiduduha no hiyo ilo Hollum: iya elimak naŋ to kelesiahien ino Galatia, anyar ehuma itai. ² To holoŋ no hitieri ine isabit, isiara hiyo daŋ hototunak elak saŋ olore iŋofuk iya eheder itai. ihuma ina anyar obe nobo heduduha lawoŋ naŋ. ³ Iso leba naya esio iso naŋ waragat to hiyyo ilia enyimu itai anyar efahak isia iko hisiorita inahatai aYerusalem. ⁴ Ojo olibo ta hanaŋ hawoye, ofu iso isia kanaŋ. ⁵ Ati attu iso naŋ ta hatai laciohini naya Masedonia. Nyo ahu iso naŋ eno a Masedonia. ⁶ Kuya ettole iso naŋ ikatai tatahas, anyar elwak nayya to loton nanaŋ ta massiok inna ahuyere naŋ. ⁷ Nyo abe naŋ awak wana ikatai iya nia nyo eculak iso nayya. Ati kuyya laŋatak Habu nayya, ettole iso nayya daŋ ikatai. ⁸ Ati arasa iso naŋ to Efisio man to holoŋ no Pentikoste. ⁹ Nyo ikat nalalat aŋa ta hanaŋ, obore miorok. ¹⁰ Lawoŋ Timoteo ihuma efwotu inyia, itiwolo hijo hotobiaŋa inyia ettole ta hatai ta baŋi nyo egiama inyia igem na Habu iya ina egiema naŋ. ¹¹ Hebusak lobo tuŋani hotomianai inyia. Ati itilwuak inyia to hikoi no' olibo, anyar ottu inyia ta hanaŋ to hilik na taji, nyo etila naŋ inya iko ilasira hanaŋ. ¹² To hiram no ilasi hohoi Appolo. Etigol naŋ to hijo anyar ottu inyia hiwolo itai iko halasira. Ati obe ara to wahan hijo anyar otu inya iyania. Ati, ottu iso inya lolibo okit. ¹³ Ihuma riŋa, itiwuetai nogol to huruk, ihuhuma wati iya liawa, itigolo. ¹⁴ Isyara egiema hiro bi daŋ to mune. ¹⁵ Eyyen itai haŋ ba Stefano, hullo ara heruhok hitierita ilo ta fau ha Acaya, esio isia watye ino hosie to egiem no hiyo ilo Hollum. Iyyania, efia naŋ itai halasira, ¹⁶ anyar etira itai to hiyo ilia, to hiyyo illia daŋ oluaha to igem atta higiama ikohoi. ¹⁷ Amuno naŋ to hiba no Stefano iko Fortunato ojo Akaiko. Eluak isia nayya tamai nahatai. ¹⁸ Ati oluak isia oyiri nanaŋ iko innahatai, Iyania, itibaŋa hiyo ilo ara iya isia. ¹⁹ Etifonya kelesiahien ino Asia itai. Akwilla iko Prisilla etifonya itai ta Habu, ojo kelesia nya owuon ta haŋitek hosie. ²⁰ Ojo halasira bidaŋ etifonya itai. Efonyak wati innahatai to hifonya no olibo. ²¹ Naya, Paulo, egioro naya ina ta hani nanaŋ. ²² Kuya lobe lobo omuno Habu, isiara ipit hotowuana to honyie. Habu lohoi,awaŋ! ²³ Isiara hamehini na Habu Yesu Kristo hotowuana ta hatai. ²⁴ Mune nanaŋ hotowana ikatai to Yesu Kristo. Amen.