1
Iyania elimak naya itai, halasia, to sayye ino olibo inia etiyana naŋ ta hatai, inia amoju itai ejo itai ewuetari,
2
ara to hiram to nia nafa etilohini itai, legocie itai hiro nafa elimak naŋ ta hatai, ara iso huruk nahatai assai.
3
Elimak naŋ ta hatai ifa hosiere hiro nafa etiru naŋ: hijo oye Kristo to hiyata inohoi iya ojo higierita,
4
onuhak ifa hiyyo inyia, atta inyia ebuhu to hitahunihi no holoŋ iyya egioro to higierita.
5
Oliew ifaKristo to Kepas, atta hidofe aliew to efahat tomon ho lohorik;
6
Ata aliew te eluluŋ na agalik hisihai tomwana meyet halasira to okit nobotie. Helemunya hawuarak inohosie, ati ilak ilohosie afiria.
7
Niya ata oliew to Yakobo, ojo te efahat daŋ.
8
Hucuŋi nohonyie daŋ, oliew ta hanaŋ, iya ifa esiu hito holobeŋ okit tobai.
9
Nyo ara naŋ hucuŋi lo efahat. Abe naŋ asiru heliloŋoi hiyo naya lefahati, nyo etigiama ifa naŋ Kelesia no Hollum.
10
Ati to hamehini no Hollum, inya nia aracie naŋ eina elefahati. Ojo hamehini nohonye ta hanaŋ obe ara assai. Ati egiama ifa naŋ bino agalik isia bi daŋ.
11
Iyania ara ida naya wulo isia, etiyana iyohoi ajo itai eruk.
12
Lelimak iyohoi hijo ebuhu Kristo to yee, aŋai enyak elak ilahatai hijo obe ebuhuni to ye?
13
Ati lobe ebuhuni to ye, etuhutek hijo obe hafa Kristo ebuhu to ye;
14
Lobe Kristo ebuhu to ye, ara hitiyana nohoi assai, ojo hiruk nahatai ara assai.
15
Hidofe, atta iyohoi hira suti telerok to hiram no Hollum, nyo eru iyohoi hijo etubuhu Hollum Kristo toye. Ati lobe inya etibuhu inya, ojo lara dede hijo obe hayok ebuhu.
16
Ojo lobe hayok ebuhu, obe hidofe Kristo oremik ebuhu.
17
Ojo lobe ifa Kristo ebuhu, ara hiruk nahatai assai ejo itai erasa hohiyata.
18
Ojo hiyo ilo loye to Kristo ata hitaban.
19
Lara ida higigilo ina hohoi to heyik nohoi to Kristo, amuriai ati iyohoi agalik hiyo daŋ
20
Ojo iyyania dede, ebuhu Kristo to ye ahitieri lo haŋer illafa oye.
21
Iyya nafa ottuni ye tara tuŋani lobotie efi iso hidofe iyyohoi arrumu hebuhu tara tuŋai lo oye.
22
Iya ta Adam oyee hiyo daŋ, ojo hidofe to Kristo owar iso hiyo.
23
Orumu iso tuŋani lobo inohonyie: Kristo, la ara haŋeri hitierita, ojo liya ilo ara ilo Kristo arumu wuaran lacohini nohonyie.
24
Ata hisio hira hisidi, lesio inya lobie to Hollum la ara Monye, ottu inya hitipwak hifahi ho hilohitok iko hidwariti.
25
Ottu iso inya hilohittok man ehumahini inya miorok ilohonyie atta ariek ta fau.
26
Hucuŋi lo mereni lohonyie lottu inya hitattur inya ye.
27
Nyo "ariek inyia hiro daŋ to hejek honyie." Ati lejo inya hijo esohini hiro daŋ to honyie. Etuhutek hijo obe ara lia otuhok hirro daŋ to hejek innohonyie.
28
Ati lowuana hirro bi daŋ to honyie, Nia atta Lonyi honyie to wan nohonyie ehumak hiro bi daŋ to inya. Owuon iso Hollum wana to hiro bi daŋ ta mai.
29
Iyania, lobe ida hebuhu, hehum iso ilia orumu batisimo to ye no Yesu hijo nyo? Lobe ida hayok ebuhu nyo ida orumu isia batisimo to isia?
30
Nyo ewon iyohoi hohitaban tasahahin daŋ?
31
A ye naya holoŋitek daŋ! ara nia iya dede iya hitidara nanaŋ te inya, to Yesu Kristo Habu lohoi
32
Harumu iso naŋ nyo, to hegigilo tono tunŋani, iya arem naŋ iko sitani nia te Efisa, lobe hayok ebuhu? '' hetidahai iko hetimatai, nyo motie eye iyohoi."
33
Hotobiaŋa itai eruk hinyiaba: Nyo "Etihar iluluŋ no' oru imanyiti ino olibo."
34
Itiriŋai! to higigilita ino olibo! Hedule hiya nyo owuon hiyyo illo ottumo Hollum. Ajo naŋ ania anyar esio itai iri.
35
Ati ojo iso lobo, "Ebuhu iso hayok jai," iko nari sihil nowan iso afanu isia?"
36
Itai hatumok! hiro ino edulak iyye, obe iso oremik esuru man oyeri.
37
Obe hiro ino edulak iye ara wan notu iso hira, ati hinyomoti. Oremik hira a bali kuya nobo sihin no olufa.
38
Ati Hollum iso esio to honyie wan iya awak inya. Ojo esio ino hinyomo watye hamai hamai.
39
Obe wan ocalari. Ara wan no tuŋani nobotie, ojo nobo no ciaŋi, ojo nobo no cieŋ, ojo nobo na hami.
40
Owun wati ino ido ojo ino fau. Ati owuon ohwo no ido hamai tara ohwo na fau.
41
Owuon ohwo no holoŋ, ojo na yafa owuon, ojo na haher. Olufa ohwo na haheri nob tara inamuk.
42
Ara holoŋ ne ebuhu daŋ na hayok daŋ ania. Omura hiro ino edulahini ojo inno odioto obe omura.
43
Edulahini wan, atta ebuhu homune. Edulahini to hilik, ata diote to golon.
44
Edulahini wan; ata ebuhu to wan noholio, Lowon wan, owon hidofe wan noholio.
45
Egioro hidofe ifa, tuŋani hityeri Adam, amanya to oholio. Ati Adam lafa halu anya inya to oyiri.
46
Ati obe ifa manya no oyiri ottu to hosiere ati manya to wan, atta ati manya no oyiri awoŋ ta halu.
47
Oyyeuni ifa hitieri lo tuŋani lafau to modie. Ojo tuŋani hitarrihi ottu te ido.
48
Ara tuani to oyiami to modie, era iya ilia oyeuni to modie. Ara tuŋani to ido are hidofe iya hiyo ilo ido.
49
Iyania ecielu iyohoi tuŋani to esini to modie anyar hidofe ocialari ho tuŋani lia te ido.
50
Itai halasira, elimak naŋ itai hijo obewan iko hoto orutak obie no Hollum. Ojo sihin no omura, obe oremik arutak sihin nobe omura.
51
Itirriŋai, elimak naŋ itai hirro innafa obe oliew. Ebe iso iyyohoi eye ati eloito iso wati innohoi.
52
Eloito iso iyohoi kwak, inya rifok no honyek lohuta mowoo. Ohuta iso furuji, ata hayok ebuhu ilo obe omura, ata iyohoi higayira.
53
Etubuhu iso wan no mune iko wati inohosie ino obe omura ojo wati huna oye i atta hiloit wati hunna obe oremik ye.
54
Ati leloito wan no omura awan ina obe omura ojo wan no eloito awan nobe oye, teya otu hiro no lojo, ''adilori ye to mune."
55
"Yee, tahu golon nohoi? Yee, tahu iŋorit nohoi?"
56
Ara hiŋorit no ye iyau, ojo golon no iyau hifahi.
57
Ati humo to Hollum, le esio tohoi hagalik ta Habu lohoi Yesu Kristo!
58
Iyania, ta hatai halasira hanaŋ, anya awaita itai nalanyar togolon. Holongitek naŋ ititubai te egiam na Habu, iya eyen itai hijo obe igem nahatai ta Habu ara assai.