¹ Nayya hefahani. Abe nayya ara a pit lolobo tuŋani . egonyu ifa nayya Yesu Habu lohoi ejio hido itai ara hegiamak illallaŋ ta Habu. ² Kuyya labe naŋ ara ahefahani te ilamuk, ati ta hatai ara nayya ehafahani nyo era itai iyya nayya to igem nanaŋ ta Habu. ³ Ara inna hitiraŋi nanaŋ to ilia awak hitisiaha nayya. ⁴ Abe ati nayya iso aremik daha hidofe amata? ⁵ Kuyya ayama naŋ hiito noŋoruo, abe iso nayya aremik eyari inyia to loton nanaŋ iyya ehuma efahat illak iko ilasira ha Habu ojo Kefa? ⁶ Ara ati nayya iko Baranaba ara hegiamak hame? ⁷ ŋai lia le giama iyya oseŋer to arobiyaha inno honyi? Lari lia oromok ŋama ojo obeŋ adaha ŋama nuhe? ŋai lia eyyohita husuŋ ojo obe amata le inno hosie? ⁸ Ero mahu nayya saŋ inyia hijo to hilohittok no hiyyo? Obe hidofe ojo to hifahita inyia? ⁹ Nyo egioro to hifahitta inno Musa, Baŋa efitak hutuk no hitteŋ loduha ŋama." Ati hara mahu hiteŋ hame niya eriria Hollum? ¹⁰ Iyyania obe mahu inyia lero to hohoi? Egiorohini ifa to hohoi nyo lia oromo isiara hotorome to heyiyik, ojo to lia oduha ihidek hoto duk to wahan no bwanya no ŋama. ¹¹ Letiyana iyyohoi hirro inno oyiri ta hatai. No nyo ati ebe iyyohoi eremik adieŋu hirro arria tara hatai? ¹² Kuya lamoju hetiyanak inamuk hirro hunna tara hatai, ebe iso iyyohoi eremik amoju inna agalik tara hatai. Ati ebe iyyohoi esiaha inamuk hirro ta hatai idihu iyyohoi daŋ hijo anyar ebe iyyohoi etik sayye no Kristo. ¹³ Ebe itai eyyen hijo ilia egiama igem ta haji ho omojori inna hitok, omju mahu daha nohosie teyya? Ojo ilia egiama to altari no hihumita, harak hihumita do hosie hadahari? ¹⁴ Ati esio Habu hifahaita nolo ojo ilia etiyana sayye inno olibo, omoju iso isia hirro inno wati innohosie tara sayye inno olibo. ¹⁵ Ati abe ifa nayya eyyari inamuk hirro ojo hidofe abe ifa naŋ egioro hiro huna hijo anyar egem inamuk hirro ta hanaŋ. ¹⁶ Nyo kuyya etito nayya sayye inno olibo, abe nayya aremik hitidara nyo etiyana naŋ isia hijo nyoso hitigemita etigem nayya! ¹⁷ Kuyya ettitto naŋ ta wahan nanaŋ, owuon idumuti innanaŋ, ati abeŋ idahido nayya etito anyar egiama nayya igem inna. ¹⁸ Nyo iso idumut ta hanaŋ? Ara iyya nia hijo, amuno nayya hittitto sayye inno olibo to biaŋan ne idumut, abe ida hido nayya etifut hegiamari sayye inno olibo. ¹⁹ Ohek ida hido Hollum nayya to homomite inno hiyyo, esio nayya wan nanaŋ apit to hiyyo daŋ hijo anyar arihu nayya illamuk agalik. ²⁰ To hiyyo illo Yudea ara naŋ iyya lo Yudea hijo anyar arihu nayya illamuk illo Yudea. To hiyyo ille olot to hifahita, ara nayya iyya tuŋani lo obe oyyen hifahita, na ayyen ida hido naŋ hifahita nyo olot naŋ to hifahita inno Kristo, hijo anyar arihu naŋ illo obe oyyen hifahita. ²¹ Do huwo ilo obe oyen hifahita, ara iso nayya iyya lia obe oyen hifahita, nara ifa hijo abe naŋ awuon to hifahita inno Hollum to wan nanaŋ, ati to hifahita inno Kristo. Egem naŋ hijo anyar arihu naŋ ilamuk ilia obe owuon to hifahita. ²² To hiyyo illo obe ogol, era naŋ tuŋani la abe agol, hijo anyar ariihu hiyyo illo obe ogol. Atu naŋ hira iyya hiyyo daŋ to hirro daŋ hijo anyar ahou nayya ilamuk. ²³ Ehuma naŋ hirro ta haluwahari sayye inno olibo hijo anyar eŋiŋar naŋ te ijohiti iko hiyyo ille eruk daŋ. ²⁴ Obe itai eyyen hijo lonyieta hiyyo ilamuk onyieta isieja daŋ ata lobotie eruwatik omojuni inyeja hisiorita innohonyi? ²⁵ Inyoro no hijo anyar emoju itai hisiorita. Hiyyo daŋ hanyietak eriria isia wati innohosie to hirro daŋ. Ehuma isia ania anyar omojuni idumuti inno oremik hisaha, ati to hohoi owuon idumuti hunna odule mak. ²⁶ To hirro inna obe nayya anyor asai kuyya hidofe habahari oyyami asai. ²⁷ Ati eloit nayya wan nanaŋ apit, hijo lattohu naŋ hitiyana te ilamuk, hijo hotobiaŋa nayya apuak.