1
Ijufutai nayya, iyya ejufuta naŋ Kristo.
2
Iyyania ajo naŋ elibo itai nyo egigilu itai nayya to hiro innafa etiyana naŋ ta hatai.
3
Ati awak naŋ itai hetiru hijo ara Kristo ahosiere ho hiyo bidaŋ, owuon hiito loliawa ahosiere ho hiito noŋoruo, ojo Hollum ahosiere ho Kristo.
4
Lomojo lobo tuŋani kuyya ekila ojo hoo nohonyie emuho eyyani iyya irri ahoo honyie.
5
Ati lomojo nobo hiito noŋoruo kuyya ekila ojo hoo nohonyie obe emuho eyyani inyia irri to hoo honyie. Nyo ara sihin nobotie eri iya ogita hoo nohonyie.
6
Lobe hito noŋoruo etihok hoo no honyie, anyar ogit hofir ino honyie hotosuho. Kuyya ara eirri to hiito noŋoruo hagitini hofir ade kuyya to honye hesusumari hoo no honyie, tojo hemuho inyia hoo no honyie.
7
Hotobiaŋa hiito loliawa emuhok hoo no honyie, nyo ara inyia rijori iko lohuo no Hollum. Ojo hiito noŋoruo ara lohuo no hiito loliawa.
8
Obe ifa hiito loliawa oyyeni tara hiito noŋoruo, ati hiito noŋoruo tara hiito loliawa.
9
Obe ifa hiito loliawa oyyeni tara hiito noŋoruo, ati hiito noŋoruo tara hiito loliawa.
10
Inya nia owuon hiito noŋoruo ho hutuhuti no golon to hoo honyie, nyo ta anilohien.
11
Ati, ta Habu, obe hiito noŋoruo ettole hamai tara hiito loliawa, hidofe obe hiito loliawa ettole hamai tara hiito noŋoruo.
12
Iyya ottu hiito noŋoruo tara hiito loliawa, ottu hidofe hiito loliawa tara hiito noŋoruo. Ojo hirro bidaŋ afanu tara Hollum.
13
Toŋot to wan nohoi: olibo mahu to hiito noŋoruo hotomoje ojo hoo no honyie obe emuho?
14
Ebe itai emijak hijo hirro inno fau inna eyyani irri to honyie,
15
Ojo lowanahito noŋoruo ho hofir inne esaga, ara lohuo no honyei? Ara hofir innohonye hitihita.
16
Ati lawak lobo tuŋani hitirisa te inia, obe iyyohoi ewuon iko innak hitiyenita inno etuhute, man te ikelesiaha ho Hollum.
17
To hiram nia,abe naŋ etumuno itai, nyo latubai itai nobotie, obe ara to libe ati to run.
18
To hitieri, etiru naŋ hijo latubahini itai te ikelesia, owuon higigiala to hiji hatai, ajo naŋ eruk hijo ara dede.
19
No nyo owuon ŋalafa to hiji hatai, anyar orrumuni illo olibo tara hatai.
20
Lafanu itai nobotie, obe itai edaha to terefeja no Habu.
21
Ladaha itai, edaha itai ŋiriasi inna hatai hame hame. Owodo lobo, ojo illak oruma.
22
Ebe itai ewuon ha hajik inne edahari itai ejio hidofe ematari dia? Etifittaŋa itai ikelesia no Hollum ejo hidofe etifittaŋa itai illo obe owuon he illak hirro? Ajo iso naŋ nyo ta hatai? Anyar etumuno naŋ itai? Abe naŋ aremik mune itai to nia!
23
Amoju naŋ inna etuculak naŋ ta hatai tara Habu, hijo Habu Yesu, ta harie nafa etinyiaŋari hiyyo inyia, odumu imune.
24
Ati nafa esio inyia humo, obun inyia atta hijo, "Wan nanaŋ innaŋ, na ara nahatai; igiamai inna anyar egigilori nayya".
25
Ta halu ho terefeja odumu inyia ikobo, atta hijo, "Ikobo inna ara himwara ŋejuk to hoto nanaŋ. Itudule higiama inna iyya egigilu itai, egigilori ta nayya."
26
Nyo to holoŋ ne edahari itai imune ejio hidofe emata ikobo inna, atta itai hitiyana ye no Habu man ociohini inyia.
27
La anya lobo imune atta himat te ikobo na Habu to hikoi no obe osiru, ohu hira heyyani to wan iko to hoto na Habu.
28
Isiara tuŋani hotohier wan nohonyie, to hikoi to nia isiara inyia hatanya imune ojo hidofe amat te ikobo.
29
To tuŋani la anya ojo hidofe amat ojo inyia obe oher wan nohonyie, anya ojo hidofe amat ŋoto to wan
30
nohonye. Inyia nia elik illak ojo illak oŋwai to hiji hatai, ojo illak tara hatai oye.
31
Ati le eher iyyohoi wati innohoi obe iso ŋoto tara hohoi.
32
Ati leŋot Habu iyyohoi, etiniŋ iyyohoi, hijo anyar ebe iyyohoi eye iko hiyyo illa fau nobotie.
33
Ati, halasirak iko hanasirak hanaŋ, lafanu itai daha nobotie, itilai wati innahatai.
34
Lowodo lobo, isiara inyia hatadahai ta haŋ, anyar afanu itai nobotie hotobiaŋa ara to ŋoto. Iko innak hirro inno egiorok iyye, attu naŋ etuhutek la awoŋ naŋ.