¹ Hangongohina. Ohothai th’awang homunoi elihan no homok th’ohothai. ² Hethamunoyethe othulo l’oindu d’ohothai th’ayiji, doyyu. ³ Itek ithai, juk Kristo, kabong nya ithamunoyo ahwan nanyong. Kombwo, iring arami hegero: “Omoritha h’ohomorok hothai, odouni do nanga.” ⁴ Arami hanya egero ityenie ohothai eyeyena th’akolon, ethahuhini dang ohothai hijan elwahu. ⁵ Ojok l’angongyo hal’engarahina, thoisarak ithai ahu ne tholo Kristo Yesu. ⁶ Inyong tholwaha demamajo th’ahuthuk aboithe Ojok, Omonye l’Ohobu lohothai Yesu Kristo. ⁷ Inyong na, iruhuna ahwandek, iring neruhori ithai Kristo th’emamajo thon’Ojok. ⁸ Awak izai di iyiuna ijan alwak Kristo ohozai Ojude ditehan hadiri ho Ojok. Aindu disahina zewona ara hadiri asing bokolong hajo Ojok ihandio inyong do ohohonyok hohozai. ⁹ Ti aindu dang inyong diluahio ha awang owon ara Ojude, dini izahuyo de isong Ojok da amiehunu nayong isong. Azuk amiehunu no Ojok ohozing eyanu aning nanyia igero diza amaninihio ijan ajo Davide do Ojok: "Dini emamajo nang iye de dihiji ho ohozing ha awang owon ara Ojude; edolo nang karik nang ezahuyo iye." ¹⁰ Teki ajo, “Omunothi Ohobu Ithai fodok hoikela th’Ojudei. Ohothing fodok th’ethahuye inyong.” ¹¹ Karik teki ajo: “Ithahuyethe Ohobu, ithai fodok ohothing hoikela th’Ojudei, Ohothing fodok thethahuye inyong.” ¹² Teki Isayiya ajo: “Owon de ohade lo Jesse. Oindu de idotho dindafaitho ohothing hoikela th’Ojudei, Ofuni de ohothing hoikela th’Ojudei iyenio inyong.” ¹³ Ojok l’ayenio thoithafuthak ithai th’amuno h’elik n’othaja, diwon ithai h’ayenio th’akolon thon’Ohoile Lodwa. ¹⁴ Atek nang, olarok, hijan iwon ithai h’ayiji karik atehan. Atek nang hijan ilwaha ithai ahwandek. ¹⁵ Egero nang do thai kwong abangi, dithayuhinere ithai asang hamok h’esoryo thananya athuk nang Ojok esarahina. ¹⁶ Esoryo nesarak nang awonan ara ongaca lo Kristo Yesu losulahini dityenio ohothing hoikela th’Ojudei arami angejuho hayyu h’Ojok. Ehandyo nang ahani diruhuni esoritha h’ohothing hoikela th’Ojudei ara hathuk ethadwara th’Ohoile Lodwa. ¹⁷ Amuno hindang ditha ho Kristo Yesu karik ditha h’asang fodok h’Ojok. ¹⁸ Awang nang de acama arami caa, arahari arami hathuk Kristo egyema tholo nang th’eruhon thon’ohothing hoikela th’Ojudei. Asang hune h’egyema th’ocame karik ehandyo. ¹⁹ Th’akolon than’ethamijanitha karik aduho n’amaji n’othulo lobo ija ahani. ²⁰ Iring nathuhi egerori: “Hakabong horimak arami hanyong hayyu, otehuni de inyong. Hokabong hoithairu, ofuni de itimuna.” ²¹ Oko nya do nang dinduna dothai. ²² Ti, awang nang awon h’amaji d’amaji nya. Oyingathik hulya olwarai awak nang nya ainduna dothai. ²³ Ara nang lalo di Spain, alo nang de ithai itiharu. Ara hibu ththai thiya ofwoi nang isulahina, alo nang de inden ahibu nang athuk esukauna hothai. ²⁴ Nang ti lalo thenene di Yerusalem di digyema th’ohoiruhok. ²⁵ Oyiji nya arami ho Macidonia karik h’Achaya dilwahyo ohicanak howon ditha h’oiheruhok ho Yerusalem. ²⁶ Aa, oyyu naya dosong bebe, anyo, owoni dosong iring ohothing h’ahoros. ²⁷ Ara ongara ohothing h’awang owon ara Ojudei asang h’Ohoile, isong dang thongara asang h’ahwan. ²⁸ Ara nang lathuk arami hune, nang atehu iyanu dosong ayiji, alo nang de di Spain tholothai. ²⁹ atek nang lo, ara nang laindu dothai aindu nang de lunga tuhudik h’aboroio no Kristo. ³⁰ Anyahi nang ithai, olarok, th’ofure thol’Ohobu lohothai Yesu Kristo, omojothi tho nang bebe d’Ojok. ³¹ Omojothi tho nang di kau nang th’ohothing hoida arami ho Kristo di Judea; esarak egyema hindang d’ohoiruhok di Yerusalem. ³² Omojothi, d’aindu nang tholothai th’amuno than’awahan Ojok, dirimak ohothai fodok ayiri. ³³ Ojok l’elik n’othaja thoiwona hothai fodok. Amen.