¹ Nang hathi ajyo, “Eda Ojok ohothing honyong?” Thawang ara ahani. Nang lo lo Israele, ohohonyi lohoi aboithe, Abramo, l’elulung no Benjeminio. ² Kabong Ojok hoida ohothing honyong hathuk inyong aitek berien. Awang iye itek aisong arami h’Elija hacama amanini n’arami h’Ojok. Angai ithasahak Elija Israele d’Ojok? ³ “Hobu, attohori ohothing ho Israele ohocorok h’arami hahoi, aborye awanghathi. Afithoro nang hamaring. Hodi ithifeyo attohoro nang.” ⁴ Angai ojo etharang n’Ojok do nang? “Athuk nang esarahina arakang ohothing 7,000 ho kabong origongo dihithemi ho Baal.” ⁵ Dihide h’ocame lya, owoni ofithono h’ohothing thoyihoi thal’alwahio. ⁶ Anyo hathi? Kabong Israele orimak ainyong owak inyong; ⁷ Ohothing hanyimuni karik arimahini. Ofithono hulo afaja. ⁸ Ihyelaru arami hune, arami hathuk egero, “Athuk Ojok esarahina othaji l’adufo, ahonde hawang isong otehunererk eyoha hawang isong ithairunerek teng ahanana.” ⁹ Karik Davide ajo, “obele lothohithemi hosong thoiwona ara abwoi, amolohe, omorwong le bosorik, h’oyihoi lorofunerek isong.” ¹⁰ Ahonde hasong thoiryoho d’awang otehuni; Ohorongithe hosong thorasai ara adula.” ¹¹ nang hathi ajo, “Eboso isong apwaharai?” Pwanga, thaang hoiwona ahani. Kombwo, awangan nasong arimahina, isarak ohothing haang owoni ara Ojudei arimahina ethalwahuna disarak do song ahaini. ¹² Ara abara nothohop isarak isong epal halitho nasong asaman n’ohothing hoikela th’Ojudei, angai de obolo engohunu nasong? ¹³ Nang lacama dothai ohothing haang ara Ojudei; Awonan hindang dothai ara ohifak, isarak nang ethadara di gyema honang. ¹⁴ Dia iyanu de ohoyini d’ohothing hundang; dia olwahu dithalwahuna dohoi homok thosong. ¹⁵ Ara edara no hule inyong emora n’eruk, ainyong de efothuna nasong, ara ahani esu nasong thon’ohoyak? ¹⁶ Ara omije tuhudik d’amat hecak angidari, anyari nagoterek ne; ara omije tuhudik d’ohade h’oyani, athandak dang h’agotherek hune. ¹⁷ Ara auruni athandak hamok th’ohiyani, ara iye, athani n’ohiyani, eculahini d’athani naboling, are iye ingaru ohade. ¹⁸ Hethadara. Ikara iye ithakolyo ohade. Ohade ithakolyo iye. ¹⁹ Iye de ijo, “Athuhi auruhana athandak hamok adi dithandefahinerek nang diya.” ²⁰ Obisi arami hune; auruni athandak hamok adi thawangan than’eruk nasong. Owoitha ara loko d’eruk nahoi. Hoigigilo hijan ibolo iye bebe. Obanga. ²¹ Ara kabong Ojok hofithok athandak h’ohiyani, awang de dang hoindu ifithohina iye. ²² Idoro sede egyemitha h’engere n’Ojok. Thol’oyirik lobo, oindu amonyori d’Ojudei hathuk apwaharu. Thol’oyirik loboling koti, oindu ayiji n’Ojok d’ohoi, ara irasa iye ditha’ayiji nanyong. Ara ikara ahani, obonguni iye de dang adi. ²³ Ara awang dang isong orasa dith’awangan n’eruk nasong, inyahi de isong ithadefahina diya; owon Ojok h’akolon nethadefahinerek isong diya koti. ²⁴ Ara oyyu abonguna n’athani n’hiyani, ethandefahini d’ohiyani loyyu, ainyong de amonyori di ithunahina Ojudei howon ara ohothing hulo, d’ohothing hoyyu. ²⁵ Awang nang awak ithai thoithabuyangaru, olarok, d’arami hako hune, ojahitherek de egigilo nathai awang. Arami hako huna, ojahitha owon ajwiyijo d’Israele nahorik asuduha n’ohothing hoikela th’Ojudei engohunu. ²⁶ Ithalwahunu de Israele iring nathuhi egerorik, “Thotha ho Zione, oindu de ohohoni, Oindu de iduhuna adi tho Yakobo awangan n’eruk d’Ojok. ²⁷ Emora mwai nahoi hosong, ara athuk nang ahouna eyatha hasong adi.” ²⁸ Thol’oyirik lobo, d’arami angejuho hayyu, awoni isong ara omerok th’ofure tholohoi. Koti, thol’oker lobo, iring d’anyimuna n’Ojok, omuno isong thol’ohohonyo. ²⁹ Esoritha ha elongo n’Ojok, awang hoiloithoi. ³⁰ Ara emesyo iye nya Ojok, efothu iye amehina th’amesyo thanahoi. ³¹ Irijaru d’Ojudei honya athuk amesyo. Th’amehina thana ithaithahini dothai, ifothuni de dang amehina. ³² Ihyenok Ojok ohothing fodok ditha h’amesyo dithaithahinerek inyong do song fodok amehina. ³³ Otihatha! Ethalangio n’olofyoro karik atehan n’Ojok! Angai oko atahitha akanyo nanyong arami karik thol’oyihothik horimahinerek asang angejuho! ³⁴ Ngai diri otek ahu n’Ohobu? Karik, ngai lowon ara osarani lonyong? ³⁵ karik, ngai icak esarahina aning nabo d’Ojok? Ofuni mwai inyahahina, adumahini do nyong?” ³⁶ Tho nyong, tholo nyong, do nyong, asang fodok. Abolori thoiwona do nyong mak. Amen.